¹ ɔron di sabbat tansi ɔlɔ ni kpasi di onogbo aka di oludi Farisu ŋan kuku jɛ bodobodo ba isiŋan wani kpasi ba wanan wow ndi lakari akaco. ² Aman ɔlɔron di ilɛ tutu aka sawani ojudu. ³ Jesu ndi Pharisuŋan ndi ɔli miman di mara di juive ŋan ni "osindi kabɔ inan ɔjɔ di sabbat? nimɛ kasindi. ⁴ Aman acugo fɔ jesu kalu,ɔbɔwu ni ɔjɔwu ɔlɔ. ⁵ Ɔkafuŋan ni "isi di ŋin ninin mani ɔkinrin aka nimin lala aka daba ocugu ninon dɛ lɔkɔ ɔjɔ di sabbat kan n'anwuwa gbugba ba ni?" ⁶ Aka tugo atinŋinw ni afu ka. ⁷ tansi Jesu wo basi inojoŋan wanan tasi ibidi on'i ŋanba,ɔkpafuŋan ni owə di afɔ ni . ⁸ Tansi anpkəŋin nibibi di jingari di hijə ba ima muvibi jijokodi on'iŋan domi antugo kakpə ɔninsi lɔŋin ni on'i ba wa. ⁹ Tansi isi kpəŋin ba nwaba, nwaka fɛni, jɔ ibidɛ fu ɔninyɛ"da anonkucəyɛ da ɔlɔ oki joko ni ibi kəkərə. ¹⁰ Aman ba akpə yɛ ni ibi jigari kujoko ni ibi tutubɔ ba ɔninsi kpəyɛ ba tuwa da kukafɛ ni "yo lɔ noju" igbayɛ ba won nin on'i nojudi wondi isiŋan wani təbiri ba. ¹¹ Ɔninsi nmu aruba nsinni an'i da isinrɔ si aruba kulɔni oju. ¹² Jesu kafu isi kpəw ba ni" ba ɔnɔgba inojo ŋan, fu ɔjɛ dalɛ makpə yodɛ ŋan jandɛŋan bibidɛ ŋan nimin olowoŋan domi antugo kasan fɛ ni n'usi ɔcəfuŋan ba. ¹³ Aman tansi ɔni wogba inogboŋan ba wonkpə ɔkarəŋan,afandilɛŋan ndi afujuŋan. ¹⁴ Da kadɛ domi akan tugo kasanfɛ ni ŋusi ɔsacə fuŋan ba. domi wonri irə ɔjɔ di jiji di inuku di inan dədəŋan. ¹⁵ Igbasi ɔnɔka wani jɔjɛ ndi Jesu ni ngbɔ n'an ŋanŋan ba,ɔkafuni iri dudonfu isi jɛ bodobodo ni olu di ɔlalaku ba. ¹⁶ Aman ɔjɔ aka Jesu tuku funi: "ɔnɔka cə ɔjɛ laku ni ɔkpə iŋan ɔgbin. ¹⁷ Tansi ɔjɛ jinan ba ɔnan ɔlɔcɛ duŋan kakafu inojoŋan ki iwa domi gbugbo tira. ¹⁸ gbugbo diŋan wanan tosuni suru ɔnin titila nkafuni nra oko aka osindi nlɔ nkiwou. cəfuni gafara. ¹⁹ Ni ɔnɔ ka m'anni kafuni nra lala mɛwa manlɔ mkisi manŋan. cə funi gafara. ²⁰ Ni ɔnɔka kafuni icə hijə sidibɛ ni nkan tugo nwa. ²¹ ɔlɔcɛ dɔnɛ yɛ kafu mɛ tirɩ du ni alamari ŋan. nɩawɔwɔ olikpasi ɔkafu ɔlɔcɛ duni" lɔni kpanŋan yiya ŋan ndi ni pkanŋan laku ŋan ndi aŋɛrindi olu ɔba ɔlarəŋan, afanndi lɛŋan ndi afujuŋan wabini. ²² Ɔlɔcɛdu fɔni mɛtiri ncə ŋusi ɔfɔba aman ibi bɔ kɔsi" ²³ mɛtɩrɩ kafu ɔlɔcɛduni " lɔni kpanŋandi olu aka n'an ni ɔbaŋanwa ndi ikpada kpasi do kukon. ²⁴ Domi manka fuŋin inojosiŋan nsa kpəwa ba ba ɔnɔka diŋan kanwa to ɔjɛdəm. ²⁵ zama ɔkpin sawanilɔ ndi jesu ɔkpara ɔkafuŋan ni. ²⁶ Nisibisi ku wa basum ba osin dɩ kukɔ ara dɩ bati iti aya amndu ɩnigboduŋan imonin rin duŋan ndi aradu da kutugo kucə ɔlan'idəm. ²⁷ Isi kamu ɔkpa kikasa du da kulikpam ba kantugo kukə ɔlan'idəm. ²⁸ Naŋinrin ŋin isi bisi kumani kpasi laku da kanjoko kusərə ŋusi ya tira ɔcɛyɛ ba? ²⁹ Antugo kafɔni ba ɔsiman ɔcɛ akani ɔkatira ina nwa jɛni agɔdɔ. ³⁰ Kanfɔni ɔninba siman cicə aman obəku katira. ³¹ nimin ɔla sini nlɔ oja ŋudi ɔla m'anni da kankilini kuman ba ɔbani inan milimɛwa kantugo ku bawubaja ni kubɔ iyɛ bani inan mili oko nwasuwani? ³² Tɛfɛ tansi olodun jandu wani ibi jijin ba, nnan ɔnɔka kakitosi surufu lakari sunsun. ³³ Babɛ ɔnɔkadiŋin kantugo kucə ɔlɔcɛ dənŋan ba kajɔ ŋusi gbugbo ɔnin ba. ³⁴ onu sanŋan aman ba ikpaku kosi basi ni njɔ ɔjɛ ku donni. ³⁵ Nkpara ican fu ilɛ fufo. Asɔw ni odə isi nin itiŋan kubagbɔ ba kugbɔ.