¹ sin sinba, agba lampo ŋan gbigbo ndi acə kuku ŋan wa basi Jesus ka gbɔ fɔ. ² Ina dɩ Farisu ndi scrib ŋan mumu/am'idi fɔ ari ŋan ni ɔnin yɛ n'gbaa ɔli icə kuku ŋan ni ŋu diŋan jɛ ni ibi akaco ³ Jesu kpafu ŋan ni owə di afɔ. ⁴ Ni aŋɛrin di ŋin isi ni ba ɔnin agbra ɔgɔru ni akaco non, n'jɔ ɔgɔrin ndi mɛ wa wa ndi mɛ san ŋin ba ŋan ni igbələ da kulɔ ku kili akaco isi nɔn ba hali kuriu waa? ⁵ Dani ba ɔriu, n'ləsiu si ika du ŋan da ku dɔ fu. ⁶ Ba oto kpasi ku kpiri yo du ŋan ndi ɔli akpidi ŋan da ku fɔ fu ŋan ni kajɛ ayə kama ori akaco yɛ nɔn ba . ⁷ Bɛni mani fɔfu ŋin ni didɔn laku wari ni igbiri fɔ ɔninkuku akaco iba cali ba ɔgani di ɔgɔrin ndi mɛwa ndi mɛsin, didə ŋinsi ŋan aka nin bibisi di kajalɛ kosi. ⁸ Ni min ɔbɛrin isi ni ba ɔnin ikuta wura mɛwa ni akaco nɔn kan gu fitila ku gbalɛ kpasi, kankili ndi oju kpikpan da ku wa riu ni? ⁹ Ni o'ri ba ,ɔkpə yo du ndi ŋin si ŋan gusi su,nilə fɔ ni igbələ'm ka jɛ ayə sidi nri ikuta akaco di wura yɛ non ba. ¹⁰ Bɛni man kan fu ŋin, ayə jijɛ wari fɔ ndi ina di ɔnɔrɔ ba ɔli icə kuku cali. ¹¹ Jesu fɔni" ɔkɛrin aka nin mani ikrin miji. ¹² Ni kəkərə fɔfu bati ni, badə'm sinsinba fun ni tibi si cə dəm ba badi ŋa kpin fɔ ŋan ni amana du yɛ. ¹³ Ni an'i ɔjɔ ikuba ŋan,kəkərə yɛ oko gbigbo ɔba lɔ ni ilu di ibi jijin, bɛba ,ɔjɛ owo yɛ ni can ni can. ¹⁴ ɔjɛ owo ɔtra ba ibi laku wələ ilu yɛ ni ɔs'ma wahala. ¹⁵ Ɔlɔ ɔwələ ɔcɛ bisi ɔnaka di ilu yɛ ni iyɛni anau ni oko kuku cali afan ŋan. ¹⁶ ɔyələma kuri kujɛ, ojɛ di afan ŋan ama ɔnaka kan fu. ¹⁷ Sati si mani yɛ sin ni aru ba ɔfɔ ni ɔlɔ cɛ ɔgbin wa ni oko di badə'm, ɔjɛ kon fu ŋan ni ami ku ndi ibi bi ni. ¹⁸ man fra n'sin bɛ badə'm da nkan fɔbni " badəm, icina si igbiri, icina sɛ. ¹⁹ N'ka si si'ndi ɔkpəm ni mandɛ.kpara'm ni ɔlɔcɛ dɛ. ²⁰ ba ni mani yɛ ɔfra ɔwa basi bati wa,ni ibi jijin wa bati riu ni ɔgbɔ arə du, ni o'sori ɔku kpidə igɔrɔn du,ni ocə'u ni atur. ²¹ Mani fɔ fu ni badə'm icina si igbiri ni icina sɛ, nka sin'di okpə'm ni mandɛ. ²² Bati fɔ fu ɔlɔ cɛ du ŋa ni itratra ki mu agbada rirə wa kibɔ fu ki si fu ni iruka ni ɔwɔ du ndi bata ŋan nivitikpa du. ²³ Ka ki baa ɔma lala ɔli ori wa ki kpəu, ka jɛ kajɛ jin'garivkama. mandə'm sa ku ni sinsin ba ɔwa ni ami. ²⁴ Ɔsa nɔn ni ariu ni awələ an jɛ jigari. ²⁵ Ɔmɔ cɔ du onogbo sa wa nivoko kama n'yilə wa ba ni ogusi kpasi babɔgbɔ ɔrin ŋan ndi ijo ŋan. ²⁶ Ɔkpə ɔlɔcɛ akaco di bati wa, o'biu ni iŋusi in'a ŋan ŋan tugo ka riba. ²⁷ Ɔlɔ ɔcɛvkan fu ni: kəkərə dɛ san ni kpasi wa ni badɛ kpa ɔma lala si nin ori ba,sikə ɔsan ndi alafia wa ba. ²⁸ Mani onogbo du yɛ gba owɔ kan sin bisi ku wilə ni kpasi wa ni bati fra o'tosiu ni ku wələ kpasi wa. ²⁹ Mani onogbo jɛ ni: ɔfɔ fu bati ni wori ɔdon ŋan kpɔ man cə fɛ ni ɔcɛ nkasi kɔ mara dɛ aka da, ama sinsin ba ɔkan fu ni ba ɔma imran akaco, da nti jɛ jigari ami ndi yo dəm ŋan. ³⁰ Ama man dɛwa ba isi tra amana dɛ ndi ɔli pipra ŋan ba ,ɔkpa fu ni lala di ori. ³¹ bati fɔ funi, mani dəm ami dɛ caa ni iŋusi cə dəm ba ɔlala. ³² Osin di ni ka jɛ jigari ku dɔn fɔa sidi kəkərə dɛ ɔsa ku ni sin sin ba oji ɔsa nɔn ni sin sin ba ariu.