¹ Jesu kafu ɔlan'i duŋan ni ɔwarɛni minrin kəbɛŋan nwacə aman iri kukufu isi nukujɔ m'inrindibɛŋan kuwacəba. ² Isi nuku di Jandu ni kpannan di ɔnɔrɔ ba asann ikuta di cɔnin ni igonrondu ni asɔw ni tinkuvɔcanon fu. ³ Ibani ariŋin ba ɔtosi ŋin ni suru idaw. ⁴ ba ɔcinan sɛ gbakəjə ni ɔjɔ akaco ni ɔwa tosi suru gbakəjə,osindi ɔdaw. ⁵ Isi ŋan ankpəni apotre ŋanba kafu ɔnɔrɔ ni"kɔsi gbigba duwa". ⁶ Ni ɔnɔrɔ kafuŋan ni ba icə ni yarada bado fikəka, inkafu idoni ni kutu aru kukugbin aru ni tinku da kucəbɛ. ⁷ Aman isi diŋin nin ɔlɔcɛ si nrofu nimin ncalifuni inandi okoŋanba. ɔfrani okowa ikafuni wa iya" kajɛ. ⁸ Kankafuni wakannanfun ni nka njɛ nmon da ɔmankə won jɛba? ⁹ Kanri ɔlɔcɛdu soko sidi ocə ɔcɛduni osindi kucəba han? ¹⁰ Iŋin sisin ba abɛnin ni ɔcɛ ifɔni: acə ɔlɔcɛsiŋan kosi dədəba,aman acɔcɛ yəsi sindi kacəba . ¹¹ .Ansalɔni olusi ankpəni Jerusalɛm ba agbani aŋinrindivolu yəsiŋan ankpəni Samarie ndi Galilee ba. ¹² Kə nsa wɔləni oluyɛ ba arɔ mɛwa ni anikawa kpadəw ni ibi jijin. ¹³ Anlasi anfɔ ni "Jesu,onogbo gbɔ arəduw. ¹⁴ igbasi oriŋanba,ɔkafuŋan ni ikiŋan ariŋinfu ɔlɔcɛ di ɔnɔrɔŋan. ni igbasi nlɔba ari bubɔ. ¹⁵ Ɔnɔkadiŋin nbubɔba ɔnin ɔnɔrɔ ndi ilasi. ¹⁶ Ocuguni itikpadi jesu ni ɔn'inw ɔnindi oludi Samaritain ni ɔsawa. ¹⁷ ̈Jesu cɛfuŋan ni inan mɛwaŋanŋan kari bubɔni ? bisini inan mɛsan siŋan bɔba wani? ¹⁸ Ni inojo yɛ ni iri ni kusan kuwa n'in ɔnɔrɔ? ¹⁹ Ni ɔkafuni" də lɔ gbigbadɛ gbɛ nai afɔ. ²⁰ Pharisu ŋan bi jesu ni tansi ni aŋan biri oludi ɔnɔrɔ ni,jesu jeɛ fuŋan bi olu di ɔnɔrɔ kacə ŋusi anri bɛ ba. ²¹ Bɔjɔ akanfufɔni wobini nimɛ wobɛ domi olu di ɔnɔrɔ wani aŋinrin. ²² ni ɔkafu ɔlan'iduŋan ni" ɔjɔ aka warɛ iwakilini kiri mandi ɔnin aman ikan riw. " ²³ Anwakafuŋin ni iwobini,iwobɛ imawafɔni ilikpaŋan. ²⁴ Basi igbiri nman ni ifan aka kulɔni ifan Janduba, bɛni man ndi ɔnin nwa warɛ. ²⁵ ɔsasin dini kujarə da zamani siŋan nwawaba kakɔ afɔ du. ²⁶ Ŋusi sacə ni igba di ɔninsi ankpəni ²⁷ Noe ba wawoləni lɔrɛdi omiba omi kon lɔrɛyɛni gbugbo diŋan ku. ²⁸ ŋusi sacəni igbadi ɔninsi ankpəni lot ba nwacə kosi. ansajɛ anmon anra anta angbin anman. ²⁹ Aman ɔjɔsi ɔninsi ankpəni lot ba frani oludi Sodome ba omiti di ɔnan aka frani igbiri ɔkpa gbugbo diŋan. ³⁰ Bɛnon niwacə ɔjɔsi mandi ɔnin nwawaba. ³¹ Bɛni ɔjɔ yɛ isiwani iridi akpaku ni in'anduŋan wani ilə ba kuma jira kupa bɛni isi wani okoba kumasin ndn'idu. ³² itɔsi aya Lot. ³³ Isi nwakilini kugba aruni aƒɔ ba nnon aman isisa nonba nwari aru. ³⁴ Mankafuŋin ni nuruba inan miji wani gado akaco yɛba anmu ɔnin akaco kajɔ janu. ³⁵ Ni ibinrin miji si nlɔ n'inrinba anmu akaco kajɔ jandu. ^{36 37} Ni aŋinrindi ikinrin miji si wani okoba anmu ɔnin akaco kajɔ jandu.