¹ Falisímìa wà séɓé dɔ́ mià lɛ́ o go Zeluzalɛ́ɛ̀mea o pá o kie mɔ̀ Zezu sɔ̃́nɔ̃. ² O Zezu là tòápiemìa dò gɛ̃̀ wáà kɔ̃́nɔ̃ ɓèlè o kɔ̀ mɛ́ lilì kṹãzɛ̀ ká, à yiɓoáyi lɛ kélɛ̀ o kɔ̀ mɛ́ lɛ̀ɛ́ gbaa kɛ e pɛ́lɛ̀ ka. ³ Ɓii Falisimìà wá Zuumìà òó kɔ̃́nɔ̃ ɓèlè o suu là yé òó o kɔ̀ mɛ́ pɛ́lɛ́ nɛ̃ì sélététéa ka, ⁴ Ye Falisìmìà wáàa go gbeì fìã̀ òó kɔ̃́nɔ̃ ɓèlè yé òó zúlú nɛ̃ia ka. O kɛ yìì ɓo kɔ̀ ziizii gbɛɛ gbɛɛ ɓɛ̀lɛ́ yàpɛ̀lɛ̀ ŋɔ̃ɔ̃, e kɛ bɛ̃́ɛ̃ yiàkɔ̀ɛ̀ɛ̀ni yiigbɔ̀ɔ̀ ni, yii si tɛà tɛ́ à bɛ̀á lɛ pɛ́kúlú zolo kaa ni. o gée bɛ̃̀ɛ̃ yààlà pɛ̀ lɛ́ e kɛ kɔ̃́nɔ̃ ɓèlè kà wìa ni ⁵ Falisimìa wà mia tɛ́ ò Wálà sɛ̀ɓɛ̀ dɔ wáà bɛ̃̀ɛ̃ o Zezu wɛ̃́ĩlɔ̀ɔkɛ:« Mɛɛlɛ́ e kɛ́ lɛ́ ɓà tòàpiemìa òó yìì mia ziizii yìì kɔ zii wɛ̀ kpáa yi ɓe? ɓii óò kɔ̃́nɔ̃ ɓèlè o kɔ̀ mɛ́ lilì kũ̀ãzɛ̀ ka» ⁶ Kɛɛ Zezu a gèe o lɛɛ kélɛ̀: Dìè wɛ́lɛ́ limìà ka ké ɓe, Ezáyìi e wɔ̃́ gèe é gbɛ̃̀ã ka kɛ wɔ̃̀vɔ̀ lɛ́ kà kɛ̀ɛ mɔ ̀kélɛ̀: Mia o kéa óò mtɔ́ ɓɔ́ o bè kolo mɔ̀ ƙɛɛ o zòpie lɛ m ka gbèkèni. ⁷ O zì tɔ́ ɓɔ́ tɛ́ ò nɔ̃́ m lɛ̀ɛ pɛ dò wɔ́ à yi, to óò kpóũ̀là zèe zì tɔ̀ɔ̀ kɛ̀ o ɓo yìì ka ⁸ Káà Wálà zí tɔ̃ũ̀ wɛ to yi to káà kɔ̃̀nɔ̃ mia zì ɓo yìì mɔ̀. ⁹ To a gèe o lɛ̀ɛ :káà Wálà zì tɔ̃̀̄̀ã dùò kɛɛ káà kɔ̃̀nɔ̃ kɛɛ káà kɔ̃̀nɔ̃ mia zì tɔ̃́ũ wɛ mɔ̀. ¹⁰ Moyizè e kɛ à gèe pɛ̀lɛ̀ ì i lèe wà i dàa o ɓɛ̀lɛ́ yà. Mii nɔ̃́ɔ̃fé tɛ́ è wé yɔɔ gèe lèe wà dàa o gbĩ mɔ̀ɔ lɛ̀ɛ lo gaa. ¹¹ Kɛɛ káà gèe kélɛ̀ :yé midò aà wɔ̃́ yɔɔ gèe e lèe wà e dàa o lɛ̀ɛ , gbũmɔ̀ séĩ tɛ́ ì lo à sɔ̀lɔ́ɓoa lɛ nɔ̃̀lɛ̀ɛ pɛ̀ ká Wálà lɛ̀ɛ. ¹² Ye aà kɛ kilia káà lo wéà mɔ̀ e gbũ e lèe wà e dàa o mɔ̀. ¹³ Káà Wálà zì tɔ̃́ũ̀ã ɓo tã́ã̀ ka ɓo yìi lɛ́ ka gɛ̃̀ ka mìà ni kɛ̀lɛ̀ɛ ka, to káà wɔ̃́ vɔ̀ lɛ à ɓɔ̀ɔ lɛ e kie bàa kɛ̀ ¹⁴ E mia gbũ yaa súò kɛ áà gèe o lɛ̀ɛ :«Kà ká tóó dɔ́ m mɔ̀ kɛ ká wɔ̃́ ma. ¹⁵ Pɛ́dò nɔ̃́ɔ̃fé dò lɛ̀ɛ́ gó pɛ́lɛ̀ zèì kɛ é mii mɛ́lilì kũ kɛɛ pɛ́ tɛ́ è go mii yía lɛ́ è à mɛ lilìkũã » ¹⁶ Mí à tóó lɛ à wĩĩã è e tóó dɔ kɛ e wɔ̃́ ma ¹⁷ Ye Zezu e go mia gbũ fèĩ lɛ e wàà kɛìa, lá tòà piemìa o wɛ̃ĩlɔ̀ɔ kɛ e gbɛ̃̀ wé e kikia mɔ̀ ¹⁸ Zezu a gèe: « Keà ka gíkã̀ã wáá kɛɛ? Kàá pɛnɔ̃́ɔ̃ lɛ è bɛ̀i wàà mia lea lɛ̀ɛ́ bɛ̀ o mɛ́ lilìkũã, ¹⁹ ɓii pɛ kilia lɛ̀ɛ́ wàà à zò yi kɛɛ lɛ́ɛ̀ à gé to wá ɓo dũnà.» Zezu e kɛ wé gèe pɛ̀lɛ̀ é gbɛ̃̀ã kɔ̃́nɔ̃ mɛ́siàzɛ̀ mɔ̀. ²⁰ Zezu a gèe o lɛ̀ɛ: pɛ séī lɛ́ è go mii yía lɛ́ è à mɛ́ lilìkũã. ²¹ ɓii mii zò pie lɛ́ ɔ̃́ yɔɔ é go yía: wṹ ɲɛ̃́á yí wɔ̃̀, sɔ̀ɓo wɔ̃̀, kã̀ã wɔ̃̀, mii zɛ́ wɔ̃̀, ²² gbɛ̃̀ ɓɛ̀ì gbɛɛ na ɛ̃́ɛ̃ dɛ̃ koyí wɔ̄̀, ɲɛ̃̀ɛ̃ ɓɔ́ pɛ́ pie , zò yɔɔ là, fúlú, wṹlé kã́, léwègèeɓo, dìesì gbùò, to bèè wɔ̃̀. ²³ Wɔ̃́ kɛ kɔ̀ yɔɔ e kéà lɛ́ɛ̀ go miii yí to áà mii mɛ́lilìkũ̀. ²⁴ E wɛ̀lɛ̀ yía e lo Tii wá Sódɔmè sɛ̀lɛ̀ yi, e wàà ká dó wì lɛ̀ɛ́ gbaa naa kɛ mia dò ó à kɛ̀ yí wɔ̃̀ yidɔ́. Kɛɛ lɛ̀ɛ́ gbaa bɛ̀i à mɔ̀ kɛ é e bĩ̀ì. ²⁵ Nɔ̃́ záa lée dò e kɛ yí lɛ́ gɛ̀ɛ̀ yɔɔ e kɛ à lúu lèezɛ̀ piea e nu e dà Zezu gã̀ wì. ²⁶ Lèe kilia e kɛ Gɛ́lɛ́ke sɛ̀lɛ̀ lɛ́ o hèe a lɛ̀ɛ Silofenisinìa yi lèè ka, e kpékã́ Zezu lɛ̀ɛ kɛ e gɛ̀ɛ̀ yɔɔ yaa luo à lúu lèezɛ̀ kilia pie ²⁷ A gèe o lɛ̀ɛ: Kà to bɛ̀izɛ̀ nɔ̃́ɔ̃̀ɓe yaa o kɔ̃́nɔ̃ ɓèlè, ɓii yéwɔ́ sɛ̀ kɛ ó nɔ̃́ɔ̃̀ɓe wá kɔ̃́nɔ̃ si o duò gbã́vɔ̀ lɛ̀ɛ. ²⁸ Kɛɛ lèe yaa e là wɛ̃́ĩlɔɔ yiɓo wè ká kélɛ̀: M̀m̀ ḿ Dàamì, o gèè bɛ̃̀ɛ̃ gbã́vɔ̀ lɛ́ o táɓɛlì wìa óò nɔ̃́ɔ̃̀ wà kɔ̃́nɔ̃ vùṹ wɔ̀ɔ̀ to wá ɓèlè ²⁹ Zezu a gèe lèe wɛ lɛ̀ɛ: lɛ̀ zí ɓa gèa lo zòyàgé yi, gɛ̀ɛ̀ yɔɔ aà gó ɓà nɛ̃́ wɛ pie. ³⁰ E lo e là nɛ̃́ gɛ̀ɛ̀ yɔɔ aà gó à yi ³¹ E gó Tii sɛ̀lɛ̀ yi e die Sidɔu e Galilèe yìì pɔá sɔ̃́nɔ̃ zì si to ɓɔ́ dékapolè komimɔ̀. ³² O nu mi lɛ́ à tóó e kɛ e táa ká ɛ̃́ɛ̃ à lé gbɛ̃̀ɛ̃ lɛɛ ká à pie. O kpékã́à lɛ̀ɛ kɛ é e kɔ̀ kpɔ́bà là. ³³ É à si e loá gbèkèni é góá gbũ yaa gbũ fìã̀. É e kɔ́ wɛ̃́nɛ̃ gbɛ̃̀ à tóó yi, e pá nánà mɔ̀ e leeyìí ka. ³⁴ É e ɲɛ̃̀ɛ̃ yà lɛ̀i, é e wuu káa áà gèè kelɛ̀:« Efata» à yiɓɔ̀a yi lɛ kélɛ̀ i léɓo e kie mɔ̀. ³⁵ Ye e kɛ nɔ̃́ kilia à tóó wà à kpɛ̀yí o foló to áà wèè gbaa e yiè ka. ³⁶ E à gèe o lɛ̀ɛ yekɛ̀ ó à kɛ midò á yidɔ́.Kɛɛ e kɛ à gèepɛ̀lɛ̀ yekɛ̀ o gèe mia lɛ̀ɛ o kɛ nɔ̃́ lopɛ̀lɛ̀ o lie à gèe mia ka deĩĩ pie, wè ká kélɛ̀: ³⁷ lɛ́ɛ̀ wɔ̃́ séĩ kɛ̀ sɛ̀, lɛ́ɛ̀ à kɛ̀ mia ɲɛ̃̀ɛ̃ áà lɛ̀ gɛ̃̀,to áà mia tóó fòlò.