¹ To e lò e yé sɛlɛ̀ yi to la tóapiémia o tó a pié. ² Yè fĩ́idɔ̀ lúo e ɓɔɔ̀, e kɛ̀ sɛ̀bɛ zɔ̀ɔ pɛlɛ wala ka wi. Mia kúu gbúo zɛ o kɛ o tóo dɔ pɛlɛ a mɔ̃̀ to gé a dúo . wãa gée kélɛ : « mɛ̃̀zaa lɛ e pɛ zɔ̃̀ɔ kɔ súã sɔlɔ́ ɓo yi? » «gíkan súu kpɛ̀ lɛ a nɔ̃̀ɔ lɛ a lɛ̀ɛ ɓé ? » « kpãlé wɔ̃̀ súu kpɛ̃ lɛ e a kɛ̀ e kɔ̀ka ɓé?» ³ « kɛ̀lɛ̃ yíli ŋami lɛ a kãa , Malii gbé , ɛ̃́ɛ Zozé , Zúdé to Simon nĩ yémí wãa ka? A lũ̀la ni wɛ̀ kó fĩan zée?» Wɔ̃̀ e kɛ lãpɛ̀lɛ o mɔ̃̀ Zezu pié. ⁴ Zezu a gèe o lɛ̀ɛ« mɛkɛ̀gbini wɔ́ Wálà lé wè gèe mì mɔ̀ e ye sɛ̀lɛ̀, à yemìà, ɛ̃́ɛ̃ à pie kɛìmìà fìã̀, kɛ lèĩ sɛ́lɛ́ gbɛɛ yimìà.» ⁵ Bɛí lɛ̀ɛ́ gbaa kɛ à mɔ̀ kɛ e sã̀ã gbùò kɛ é kã́ nɔ̃́ɔ̃ à kɔ̀ kpɔ̀ yáámìà là wáà lɛ̀ kéléĩkèlèì mɔ ̀là. ⁶ Wà tùo gáa là à gé dùò à mɔ̀ ɓii à pààmìà òó gbaa o zò dɔ à mɔ̀. Zezu e lo gbaa sɛ́lɛ̀ kélékélé yi áà lò pɛzɔ̃̀ɔ̃a si. yikɛ̀gáa nɔ́ o lɛ̀ɛ ⁷ E bɛ̀i e là tòàpiemìà vũ̀ dóo wɛ́lɛ́ pèelɛ suòkɛ lɛ̀ dóo mɔ̀ áà o vɔ́ pèèlɛ pèèlɛ to e yikɛ̀gáa nɔ́ o lɛ̀ɛ. ⁸ Ɛ̃́ɛ̃ e o pã́ãɓo yekɛ̀ o pɛ́ dò si taa yaa wɛ̃́ĩ, e kã́ kpèĩ̀ mɔ̀. Wáá lũ̀pɛ̃́ĩ , ɓiìì to wɛ́lè o si ⁹ kɛɛ óò kii wàà, sɔ pèèlɛ si wɔ̃̀ wɔ́ à yi, ¹⁰ e bɛì a gèe o lɛ̀ɛ, ká ò ló ka wɔ̀lɔ kpɔɔ̀ à wìa, «kà to à wì é toá kili ka wɛ̀lɛ̀ lùó e ɓɔ. ¹¹ Ye sɛ́lɛ́ dò lɛ̀ɛ́ e kɔ̀ yá ka wìaa. ɛ̃́ɛ̃ lɛ̀ɛ́ ka wéè máa, ka gó à lɛ̀ mɔ̀, kà ka gã̀ kɛ́lɛ̀ sɛ̀lɛ̀ mɛ̀ kpɛ̀ kpɛ̀, lɛ́ɛ̀ lo kɛɛ̀ wà kélawè ka.» ¹² O ɓɔ́ wáà Walà léwé gèe kɛ mia o go o sɔ̃̀ũyɔɔ mɔ̀. ¹³ O kɛ wáà Gɛ̀ɛ̀yɔɔvɔ̀ lùò to wáà ɲɔ̃́nɔ̃ wàà yáá mìà là to wáà kɛ̀ kéléĩkèlèì. ¹⁴ Dɔ́mì Elóódè e wɔ̃́́ yaa ma, ɓii Zezu tɔ́ e kɛ gbaa e dɔɔ̀ ká sɛ̀. Mia búnùzɛ̀ wa gèe:« Zã́ã mia dà yii bà mì aà wɛ̀lɛ̀ ga kɛ̀lɛ̀. À wɛ̃́ĩa à zì yíkɛ̀gáa lɛ sã̀ã kɛ pɛ̀lɛ̀. ¹⁵ Mia dò wa gèe:« Eli lɛ», mia dò wa gèe zénii: Lɛ vɔ́mì lɛ̀ zi nɔ̃́ vɔ́mìà zii o kɛá .» ¹⁶ Lɛ̀ Elóòdè e wɔ̃́ yaa máa, a gèe:« Zã́ã ma wũ kã́ã aà wɛ̀lɛ̀ ga kɛ̀lɛ̀ɛ» ¹⁷ Ɓii Elóòdè e Zã́ã kṹ kpá a yèlé a dà kàsólà Elodia wɛ̃́ĩ( à yemì Filipè mɔ́ɔ̀ wɔ̃̀ mɔ̀), à kɛ̀ e lée yaa sia wɛ̃́ĩ. ¹⁸ Zã́ã a hèe Elóòdè lɛ̀ɛ: yéwɔ́ sɛ̀ i lée tɛ́ wɛ si i na ka. ¹⁹ Wɔ̃́ kilia e kɛ́ à gé aà nàà á zɛ́, kɛɛ lɛ̀ɛ́ gbaa kɛ zí gɛ̃̀ pɛ̀lɛ̀, ²⁰ ɓii Elóòdè e kɛ tuòpɛ̀lɛ̀ Zã́ã lɛ̀ɛ,. é kɛ à yidɔpɛ̀lɛ̀ mii kpeĩ ɛ̃́ɛ̃ mii púlú lɛ, a yà e gé sɛ̀ kɛɛ à wéè e kɛ à yí gínipɛ̀lɛ̀, e kɛ nɔ̃́ kili aà à wéè mà géli ka ²¹ Kɛɛ e zi sɔ̀ɔ̀lɔ́ɓo , yé e kɛ e ye kpɛ̀ɛ̀ yɛ́ pɛ̀lɛ̀ɛ e kɔ̃́nɔ̃ bɛ̀i la gèlègɔ̃́mìà líésimìàn ɛ̃́ɛ̃ Galilée liésimìà séĩ o lɛ̀ɛ. ²² Elodìà lúu e ɓɔ́ o fiã̀ e tã́ kɛ o wɛ́lɛ́ mɔ̀. À mɔ́ɔ̀ wɔ̃̀ e Elóòdè wá é o suòkɛ kɔ̃́nɔ̃ mɔ̀ɔ gé li. Dɔ́mì a gèe lee nɛ̀fú yaa lɛ̀ɛ:« Wɔ̃́ séĩ tɛ́ ɓà naà à káa gée m lɛ̀ɛ ḿm̀ lo à kɛɛ̀» ²³ E e wè ɓèlè à lɛ̀ɛ áà gèè:« Wɔ̃́ tɛ́ ɓà pɛ̃́ m mɔ̀ɔ ḿm̀ lo à kɛɛ̀ i lɛ̀ɛ o gèe bɛ̃̀ɛ̃ m̀ dɔ́là lɛ.» ²⁴ Nɛ̀fú yaa e ɓɔ́ e e lòkóò wɛ̃́ĩlɔ̀ɔkɛ:« Mɛɛlɛ́ m̀ bɛ̀i à mɔ̀ ḿ pɛ̃́ à mɔ̀?» A gée: Zã́ã wṹbkèlè. ²⁵ E wàà tiètièe e londɔ́mì pie a pɛ̃́ à mɔ̀ áà gèè:« Ḿm̀ nà í Zã́ã mia dàyibàmì wṹ kélè nɔ́ lɛ̀ɛ tɛ́a yí lɛ̀ m dɔ̀a yi wɛ mɔ̀. » ²⁶ Dɔ́mì e kɛ yéĩzɛ̀, kɛɛ à wè lɛ́ a ɓèlèyaa ɛ̃́ɛ̃ à zì wɛ̃́ia, lɛ̀ɛ́ bɛ̀i kɛí kɛɛ̀ à wéè mɔ̀. ²⁷ Yée kɛ kilia dɔ̀mì e là sɔ̀lásí dóo vɔ to a pã́ãɓo kɛ ²⁸ é nu Zã́ã wũ kèlènká à lɛ̀ɛ. Sɔ̀làsi yaa e lo e Zã́ã wũkèlè kã́ à là kàsókàwì. E nu Zã́ã wũkèlénká tɛ́à yí tó á dɔ̀kɛ́ lée nɛ̀fú yaa kɛ̀lɛ̀, lée nɛ̀fú yaa bɛ̃́ɛ̃ a nɔ́ e lòkóò lɛ̀ɛ. ²⁹ Zã́ã là tòápiemìà o Wɔ̃́ e kilia ma , o nu wa bílí sí wa bĩ̀ì . ³⁰ To tòápiemìà yaa o yà Zezu sɔ̃́nɔ̃, pɛ séĩ lɛ́ wa zɔ̃̀ɔ̃,wa gèe à lɛ̀ɛ ³¹ Zezu a gèe o lɛ̀ɛ : «kà lo yɛ̀ilà ká ka fĩ́ĩ dɔ̀ lúo ɓeĩ piè» Ɓii mia kùù gbùò o kɛnupɛ̀lɛ̀ to wáà lò, ɛ̃́ɛ̃ lúo lɛ̀ɛ́ gbaa kɛ o kɛ̀lɛ̀o kɔ̃́nɔ̃ ɓèlè. ³² O yii kã́ gɔɔ yí wáà lo gbaa yɛ̀ilá ³³ Mia ó o gɛ̃́ wáà wɛ̀lɛ̀ yí, ɛ̃́ɛ̃ mia kùù gbùo o o dɔ, o ló à lɛ̀ mɔ̀ e kiè ka sɛ́lɛ́ séĩ yi, mia o kɛ lopɛ̀lɛ̀ à lɛ̀ mɔ̀ o gɛ̃̀nɛ̃ bèĩzɛ̀. ³⁴ Yé tɛ́ o yɔ̀lóyii yaa kpóũ làa, e mia kùù gbuòzɛ̀ gɛ̃̀ to o yéĩ̀zɛ̀ a kũ ɓii o kɛ lɛ̀ ɓáa vɔ̀ wũle ́kã́ãzɛ̀ lɛ́ o mìì wɔ́ ɓea lɛɓe. E gbɛ̃̀ áà wɔ̃́ kùù gbùòzɛ̀ zɔ̄̀ɔ̃ o lɛ̀ɛ gbaa ³⁵ Ɲɛ̃́ŋɛ̀ipie gbaa, là tòà piemìà o nu wáà gèè à lɛ̀ɛ:« Zèe lɛ yɛ̀i là ka to ɲɛ̃́ŋɛ̀ipie aà kɛ. ³⁶ Ì mia yɛ́ o zi kɛ o ló ko sɔ̃̀nɔ̃ pie sɛ̀lɛ̀vɔ̀ yí o kɔ̃́nɔ̃ lɔ́ ó à ɓèlè.» ³⁷ E. o wè là nia wé ka kélɛ̀:« Ka yée, kà kɔ̃́nɔ̃ nɔ́ ó à ɓèlè.» Wá gèe à lɛ̀ɛ:« Koyée kóò bɛ̀i loà ko lũ̀pɛ̃l lɔ́ wɛ̀lè gbáa vũ̀ wɛ́lɛ́ pèèlɛ ka kɛ ko nɔ o lɛ̀ɛ kɛ o ɓèlèe?» ³⁸ Zezu a gèe o lɛ̀ɛ:« Lũ̀pɛ̃ĩ kpuú wɛ̀ɛ̀ lɛ́ ka kɛ̀lɛ̀? Kà ka ɲɛ̃̀ɛ̃ kpɔ́.» Ye tɛ́ o o ɲɛ̃̀ɛ̃ kpɔ gbaa,wa gèe:«. Lũ̀pɛ̃ĩ kpú sɔ́ɔ́li wá kpã̀ã̀ pèèlɛ.» ³⁹ Zezu a gèe gbaa mia lɛ̀ɛ o yà tã́ã̀ o kpo kpo ká lɛ́ɛ́ dɔlɔ́ là. ⁴⁰ O yà o kpo kpo ka, mia gbú o kɛ wṹ dóo ɛ̃́ɛ̃ vũ̀ sɔ́ɔ́li. ⁴¹ E lũ̀pɛ̃ĩ kpúu sɔ́ɔ́li wà kpã́ã pèèlɛ wɛ o si, e e ɲɛ̃̀ɛ̃ yà lɛ̀i, e luà kpɔ kɔ̃́nɔ̃ wɛ mɔ̀ to e lũ̀pɛ̃ĩ kpuú wɛ yi kã́ a nɔ̃́ là tòpiemià lɛ̀ɛ kɛ o mia kùù gbùòzɛ̀ wɛ gba. O à yígìni mia séĩ mɔ̀ wà kpã́ã pèèlɛ wɛ ka. ⁴² O séĩ séĩ o pɛ ḅèlè o gí e dɔ́. ⁴³ O lũ̀pɛ̃ĩ kpuú vɔ̀ pa e kie mɔ̀, e kòṹ vũ̀ wɛ́lɛ́ pèelɛ lé pa wà kpã̀ã kpuú vɔ̀ ka. ⁴⁴ Gɔ̃́ãvɔ̀ wáá sɔ́ɔ́li lɛ o lũ̀pɛ̃ĩ kpuúvɔ̀ wɛ ɓèlèa. ⁴⁵ A gèe là tòá pimìà lɛ̀ɛ kɛ o tɛ̃̀nɛ̃ gɔɔ yi kɛ o ló yii wɛ mɛ̀ĩ, Bɛísadà sɛ̀lɛ̀ yí, ye e kɛ kilia e mia gbú wɛ yɛ́ o zi. ⁴⁶ Ye o lo gbaa à ye é lo tɔ̀ũ̀ mɔ̀ kɛ e sɛ̃̀nɛ̃ ɓo. ⁴⁷ Ɲɛ̃́ŋɛipie gbaa gɔɔ wɛ e kɛ tiã́ wèiỳìi zèĩ, to Zezu yee e kɛ tiã́ kpóũ là. ⁴⁸ A gɛ̃̀ kélɛ̀ fã̀ã e kɛ o gbápɛ̀lɛ̀ luó gágà kɛ o gɔɔ táa. Ye e kɛ lɛ́ɛ́lɛ́ yìì ka bĩ́miã zèĩa, Zezu e gbɛ̃̀ áà tàà o pie yii là, ɛ̃́ɛ̃ a náa à ka é o mɛ́ kpɔ. ⁴⁹ Kɛɛ ye là tòà piemìá wa gɛ̃̀ áà tàà yii làa, wá gɛ̃̀ lɛ̀ mii gɛ̀ɛ̀ lɛɓe to wáà gbɛ̀ɛ̀, ⁵⁰ ɓii ye wa gɛ̃̀ɛ̃ o gé e dùò o mɔ̀. Nɔ̃́ záleà a gèe o lɛ̀ɛ:« Ka zò è kɛ gág̀à! Ma lɛ! Yekɛ̀ ká tuo!» ⁵¹ E tɛ̃̀nɛ̃ wa gɔɔ wɛ yi, to fã́ã wɛ e dɔ́ tã́ã̀. Là tòà pie mià gé e dùò o mɔ̀. ⁵² Ɓii òó gbaa wɔ̃́ tɛ́ à gbɛ̃̀ɛ̃ lũ̀pɛ̃ī sɔ́ɔ́li wɛ mɔ̀ɔ yíma. O zò é ni à ka ⁵³ Ye o yii kã́ gbaa, o lo gbaa Zenɛ̃salɛ̀ sɛ̀lɛ̀ yi, o gɔɔ wɛ dɔ́ tã́ã̀ yí. ⁵⁴ Ye tɛ́ o ɓɔ gbaa wɛ yia, o séĩ o Zezu dɔ gbaa. ⁵⁵ O táa sɛ́lɛ kúɓé séĩvɔ̀ wɛ yi. Mia o gbɛ̃̀ wáà nù yáámìà ká liikpaa yi Zezu pie, o go lɛ̀ séĩ lɛ́ wá mɔ́ɔ̀wɔ̃̀ yi ma yí mɔ̀ ⁵⁶ Sɛ́lɛ́ kɛ̃́nɛ̃ĩ wà sɛ́lɛ́ gbúò gbùo lɛ́ e ló à yia, o kɛ yáámìà yàpɛ̀lɛ̀ lɔ́ɔ́kpã́nã to wáà kpékã̀ à lɛ̀ɛ kɛ e wéé à mɔ̀ kɛ yáámìà o o kɔ̀ pá à mɔ́ɔ̀sɔ̀ léĩ mɔ̀. Mia séĩ tɛ́ o pá à mɔ́ɔ̀sɔ̀ mɔ̀ɔ o kɛ̀ kéléĩkèlèì sɔ̀lɔ́ɓo.