¹ Ye o ɓɔ́ yíí mɛ̀ĩ Zelaseemìà pàa sɔ̃́nɔ̃ɔ, ² Yé nɔ̃́ɔ̃ Zezu e go gɔɔ yí e gbɛ̃́ɛ̃, gɔ̃ dóoe go ɓóà fìã̀ e nu à pie.Gɛ̀ɛ̀ yɔɔ e kɛ àpie ³ E kɛ yìì pɛ̀lɛ̀ ̇ pie ɓoà.Bɛ̀i lɛ̀ɛ́ gbaa kɛ miidòmɔ̀ kɛ á kũ a yèlè ɓɛ̀lɛ̀ ka, o gèe bɛ̃ɛ̃ pɛ́kúlú yɔ̀kɔ́. ⁴ Wa yèlè pɛ́kúlú yɔ̀kɔ́ ká a kɔ̀ wà à gã̀ mɔ̀ kpolà bũnùzɛ̀.to áà à kã̀ e kie le.Mii gáa lɛ̀ɛ́ gbaa kɛ ɓe à kɔ̀ é die à là. ⁵ E kɛ nɔ̃́ɔ̃ ɓɔàvɔ̀ wà tɔ̃̀ũ̀ ni o fìã̀ áà nia bĩ́ wà ɲɛ̃́nɛ̀. E kɛ gbɛ́ɛ́ pɛ̀lɛ̀ to áà gɛ̀ɛ̀ líézɛ̀ si áà e mɛ́ pɛ̀ɛ̀ pie à ka. ⁶ Lɛ̀ e Zezu niã̀ kã́ lieà, e bàlà si e nu à pie e gbɛ̃̀ e kpuò là à wɛlɛ mɔ̀ ⁷ E gbɛ́ɛ́ kpókpóɓo gáá wè ká kélɛ̀: Wálà tɛ́ lɛnlɛ̀ia gbe Zezu mɛɛwɔ̃̀ lɛ́ maà kɛ i ka? Ḿm̀ kpé kã́ i lɛ̀ɛ Wálà tɔ́ yi, yékɛ̀ í ḿ wṹ yí nìà. ⁸ ɓii e kɛ à gèe pɛ̀lɛ̀ à lɛ̀ɛ« ɓɔ́ gɔ̃́ wɛ yí pɛyɔɔ» ⁹ Yelɛ́ Zezu a wɛ̃́ĩlɔ̀ɔ kɛ: i tɔ́ ? A lá nìà:« M tɔ́ lɛ gbiũ, ɓii ko kùù lɛ gbùò.» ¹⁰ E kpé kã́ gbóoɓòà mɔ̀ ká yekɛ̀ ó à ɓó lɛ̀ yaa mɔ̀ é lo gbèkèni ¹¹ Lɛ̀ dóo nɔ̃́ ò wɔ̃́ yaa kɛ̀ yia ɓɔ̀ kùù e kɛ yi tɔ̀ũ̀ gã́ la ̀yi wáà lɛ́ɛ́ ɓélè. ¹² O kpékã́ Zezu lɛ̀ɛ wè ká kélɛ̀: ko vɔ́ ɓɔ̀vɔ̀ wɛ yi, à to ko wàà o yi. ¹³ Zezu e wéè à mɔ̀. Gɛ̀ɛ̀ yɔɔvɔ̀ yaa o go gɔ̃́ wɛ yi o wàà ɓɔ̀vɔ̀ kilia yi, ɓɔ̀vɔ̀ yaa o sɔ̀nɔ́ tã́ã̀ bàlà ká o lo o dùò yí bà. Ɓɔ́vɔ̀ tɛ́ ò bɛ̀i o kɛ́lɛ̀ ɓɔ́ wáá pèèlɛɛ o tó yii bà ¹⁴ Míá o kɛ o ɲɛ́ɛ̀ kɛpɛ̀lɛ̀ ɓɔ̀vɔ̀ wɛ mɔ̀ɔ o ló wɔ̃́ e diea gèe sɛ́lɛ́ yaa wà e sɔ̃̀nɔ̀ pié sɛ̀lɛ̀vɔ̀ o yimìà o lɛ̀ɛ. Mia o kpũ̀su wáà nù wɔ̃́ e diea à lɛ̀ gɛ̃̀ɛ̃. ¹⁵ O Zezu gɛ̃́, ɛ̃́ɛ̃ ye o gɔ̃́ ɓìlìsíi là pɛ yɔɔ aà yiì a pie yaa gɛ̃̀ yàà e ɲɛ́ɛ̀ lé kã́ã̀ ká sɔ́ dàa lɛ à kpɛɛ mɔ̀ɔ,o gé é dùo ¹⁶ Míá wɔ̃́ e die gɔ̃́ ɓìlìśii e kɛ́ à piea zì kɛ̀ɓe làa gɛ̃̀ɛ̃ e gbɛ̃̀ã ɓɔ́vɔ̀ yaa mɔ̀ɔ o à wɔ̃̀ gèe miá o nu yia lɛ̀ɛ. ¹⁷ O kpékã́ Zezu lɛ̀ɛ kɛ é gó o pàà kólóũ yí yi. ¹⁸ Lɛ̀ Zezu e kɛ tɛ̃̀nɛ̀ pɛ̀lɛ̀ gɔɔ yia gɔ̃́ tɛ́ o pɛ yɔɔ ɓo à pie e kpé kã́ à lɛ̀ɛ kɛ e tó Zezu kolà. ¹⁹ Kɛɛ Zezu lɛ̀ɛ́ gbaa wée à mɔ̀. A gèe yemɔ̀ a lɛ̀ɛ : Lo i wɔ̃́ tɛ́ Wálà zì kɛɛ̀ nà kɔ̀ bɛ̀á lɛ wɔ̃́ séĩ mɔ̀ɔ ankɛ i lɛ̀ɛ gèe i pie kɛ̀ìmìà wà i pàà mìà o lɛ̀ɛ. ²⁰ Ye e kɛ kilia, gɔ̃ wɛ lo gbaa lɛ̀ tɛ́ o kɛ à gèe pɛ̀lɛ̀ à lɛ̀ɛ sɛ̀lɛ̀ vũ̀ dóoa yí áà wɔ̃́ Zezu a kɛ à lɛ̀ɛ gèeasi mia lɛ̀ɛ. Míá wá maa o lé e pa kpó kpoɓo ²¹ Lɛ̀ Zezu e yíí kã́ gbaa gɔɔ yia, mia kùù o nu à sɔ̃́nɔ̃, e wɛ̀lɛ̀ e dɔ́ yíi kpóũ là. ²² Wálà kà líésimì dóomì kelɛ̀ Záliisìi e nu yí. Yé e Zezu gɛ̃̀ɛ̃, e saŋbá dùò à gã̀ wì. ²³ To áà kpékã̀ à lɛ̀ɛ wè ka kelɛ̀: M lúu lɛ gapɛ̀lɛ̀! Ɓà sɛ̃̀nɛ̃ ɓɔ̀ɔ nu ɛ̃́ɛ̃ í i kɔ̀ kpɔ́ à là à ɓéi e kɛ do, e la!» ²⁴ Lɛ́ wà Zezu o lo. Mia kùù o tó o kolà wáà zɛ́zɛ kũ̀ à gbĩmɔ̀ wà ye ni o lo ²⁵ Lée dóo e kɛ yi tó lɛa yàà e kɛ a mɔ̀ kɛ̀ɛ̀ vúwɛ́lɛ́ pèèlɛ pié . ²⁶ E wáá ɓele gbũ̀o yɔ̀ɔ̀tɔ̀lɔ vɔ̀ zi ɲɛ̃́ɛ̃ wì. Pɛ séĩ́ lɛ́ e kɛ́ a kɛ́lɛ́ɛ e ló a wɔ̃̀ yi , kɛ́ɛ lɛ́ɛ gba wɔ̃́ dó mɛ̀vɔ̀ɔ a zi kɛ̀ɓe là à wɔ̃̀ là e kɛ̀ nɔ̃̀ a kpɔ̀. ²⁷ E Zezu mɔ̃́ɔ wɔ̃̀ mà. Yé Zezu e kɛ̀ táa pɛ̀lɛ̀ɛ e pá a mɔ̃́ɔsɔ̀ mɔ̀ a zizàa mia gbũ̀ fìã . ²⁸ Ɓii à gèe e dié pié kèlɛ́ : « bɛ̀i e kɛa m mɔ m pà a mɔ́ɔ̀sɔ́ saa ni mɔ́ɔ m lo kéléĩ kèlèĩ. » ²⁹ Yè e pa a mɔ́ɔ , léà yaa kilia e tèka , ɛ̃́ɛ̃ a yì dɔ́ gbaa e dié pié kelɛ́ aà kɛ gbaa kéléĩ kèlèĩ. ³⁰ Nó záa Zezu a yidɔ́ kelɛ́ yìkɛ́ gàa dò a gó a yi , e nìã e wɛ̃́ĩlɔɔ kɛ̃ dèĩ lɛ e pá m sɔ mɔ́. ³¹ Lã tóapié mia wa gée a lɛ̀ɛ: « i mia gbú tɛ o nia wɛ́ gɛ̃̀ ɓa wɛ̃́ĩlɔ́ɔ kɛ dè̃ lɛ e pa i mɔ̀ɔ? » ³² Kɛ̀ɛ Zezu e lɛ́gɛ́ e sɔ̃́nɔ̀ pié kɛ e mi e wɔ́ kɛ́ a kaa gɛ̃ . ³³ A kɛ́ lèe yaa a yi dɔ́ kélɛ wɔ̃́ dõ e dié a gbĩkpala yia e túò e nú Zezu pié mɛ̃talé ka. E sáŋba duo a Zezu wɛlɛ́ mɔ to e wãnawɔ́ gée a lɛ̀ɛ. ³⁴ A gée a lɛ́ɛ: « m lúu ɓa zòdɔamɔ́ a i la. I lò zoyãgè yi ɛ̃́ɛ gò i kɛ kèlèi ɓa yáá wɛ kɛ̀lɛ̀ .» ³⁵ Lɛ̀ e kɛ wé gée pɛlɛ̀ɛ mia wãa gõ wala ka liési mi yaa pié kɛ̀í waa gée a lɛ̀ɛ :« i lúu a ga mɛ̀ɛ lɛ e kɛ̀ lɛ̀ i pɛ̀zɔ̀ɔ mi yigini ?» ³⁶ Kɛ̀ɛ yé Zézu e wɔ̀ o kɛ̀ a gée pɛ̀lɛ̀ɛ maa a gée wala ka lié si mi wɛ lɛ̀ɛ:« ɓàá túo zòdɔ̀ à mɔ̀ è kɛ nɔ̃́ yemɔ̀ i kɛ̀lɛ̀.» ³⁷ Lɛ̀ɛ́ gbaa wée à mɔ̀ kɛ mii gbɛɛ é to gbaa à pie e kã́ nɔ̃́ Piɛɛ, Zaaké ɛ̃́ɛ̃ Zã́ã Zaakè lìí o lo Wálà kà liésimì yaa pie kɛ̀i. ³⁸ Zezu e mia gɛ̃̀ yí o zɔɔ̀ wè áà dɔ̀, o kɛ gbóo ɓopɛ̀lɛ̀, wáà o sɔ̃́ɔ̃́ làɓèlé gágà. ³⁹ Ye e wàà à kɛìa a gèe o lɛ̀ɛ mɛ̀ɛ lɛ ãa ka gée dúo lɛ ka gbóo ɓo? nɛ̀wɛ̀ gãa waa ka kɛ̀ɛ lɛ yiba . ⁴⁰ O yéĩ si a mɔ̀ dɔ̃ a mɔ. Kɛ̀ɛ e o séĩ o kaa pɛ̀lɛzéĩ e nɛ̀wɛ dàa wa a lókóo e kpɔ mia wa yéni o nùãa mɔ̀ o wàa lɛ nɛwɛ e kɛyiã mɔ̀. ⁴¹ E nɛwɛ kɔ kṹ a gée a lɛ̀ɛ : « Talitha koum, » a yĩ lɛ kélɛ̀ , « lée nɛ̀fṹ m gée i lɛ̀ɛ wɛ̀lɛ̀ .» ⁴² Nɔ̀ zãa nɛ̀fṹ yaa e wɛlɛ̀ to aa tãa ̀( ɓii kɛɛ̀ vúwɛlɛ̀ péelɛ e kɛ̀ a kɛ̀lɛ̀) .Ɛ̀̃ɛ o gée e duo gbóko . ⁴³ E o pãa diéɓo gãga e gbɛ̃ a ka wɔ̀ e kilia mɔ̀. Ɛ̃́ɛ e a gée o lɛ̀ɛ o pɛ do nɔ̀ nɛ̀fuã a ɓelé.