DCS-Mirror-parfait-ayanou_mev_mrk_text

Ayígìnìpɛ̀lɛ̀ 4

¹ Yé Zézu e kɛ là mia mɛ̃́dã́ pɛ̀lɛ̀ weī yìì kpóū́la kɛ ó tiā́ yàa gɔɔ yía mia kuuvuo onu à píé ² e gbɛ̃̀ áà wɔ̄́ gèe pìã ká kélɛ̀: ³ Kà ka tóo dɔ e kɛ gɔ̃ dóo ká lɛ́ e ló tapɛ̀ ŋɛ́nɛ̄̀i kpɔ̀ɔa. ⁴ Lɛ̀ e kɛ ló pɛ̀lɛ̀ɛ tapɛ̀a à wɛ́lɛ́ dò e dà zilee píé mɔ̀ɔvɔ o nu wa mánì. ⁵ Tapɛ̀ wɛ́lɛ́a dò e dà gɛ̀lɛ̀ sɛ̀lɛ̀ yí à píní e ɓɔ̀ tíè-tíèe ɓíì sɛ́lɛ́ yaa à nɛ̃ɛ lɛ̀ɛ́ gba kɛ a mɔ ⁶ Kɛɛ yé ŋɛ́nɛ̃́ nɛ̀ɛ e pɛ́ɛ́ɛ e kpálàkū́ ɓíì a gā́nā́ lɛ̀ɛ́ gbaa kɛ à mɔ. ⁷ Tapɛ̀a wɛ́lɛ́ dò bɛ̄̀ɛ̃ e dà gɛ̃́nɛ̃́ yìlì kóó yí lɛ̀ɛ́ gbaa ɓa ɓíì gɛ̄́nɛ̄́ yìlì kɔ́ɔ́ e saa-saaɓo a là ⁸ Tapɛ̀ wɛ́lɛ́ dò bɛ̄̀ɛ̄ e dà sɛ́lɛ́ yìè yí a píní e ɓɔ̀ e faa ɛ̃́ɛ̄́ e ɓà e ɓɛɛ kuu ka. ⁹ A ɓɛɛ dò wɛ́lɛ́ e kɛ a mɔ̀ vū yììsɛ à dò bɛ̄́ɛ̄ wɛ́lɛ́ e kɛ à mɔ̀ vũ sáĺádo é tó a dò gbɛɛ bɛ̄̀ɛ̃ à wɛ́lɛ́ e kɛ a mɔ̀ wū dóo ¹⁰ Yé e kɛ kília Zézu a gèe o lɛ̀ɛ: « Mí lɛ́ a tóo lɛ à wĩ́ĩ́a e e tóo dɔ.» ¹¹ Lɛ̀ lɛ́ Zézu wà là tɔ́à-píé-mia e bɛ̀i mia gbũ tɛ́ o nu à píéa ni ò tó o dóo là pɛ̀lɛ̀ɛ o gbɛ̄ wáà wɛ̃́ĩ́lɔɔ̀ kɛ a kɛ̀lɛ̀ piã lɛ́ a vɔɔ mɔ́ɔ̀ wɔ̄̀ ka. Lɛ̀ e kɛ kília Zézu e wɛ̃́ĩ́lɔɔ kɛ là tóà-píé-mìa lɛ̀ɛ kélɛ̀ :«Kà lɛ́ Wálà là tò mia là nɔ́ɔ̀ lɛ ka lɛ̀ɛa. Kɛɛ lɛ nɔ́ mia yé o tóaa lɛ̀ɛ piã vɔɔ ɓɔɔ ka. ¹² À kɛ̀ɛ e kɛ́à kíli kɛ míáa o ŋɛɛ é lɛ̀ gɛ̃ kpókpó ɓò yékɛ̀ ó kɔ̃́ lɛ̀ gɛ̃̀ɛ̃ mɔ e bɛ̀i ò tóó é wɔ̰́ ma yékɛ̀ ó kɔ̃́ wɔ̃́ maa .É kɛ́à kília óò lo nua Wálà píé ɛ̃́ɛ̃ o mɔ́ɔ̀ wèe é kɛ e to.» ¹³ Yé gbaa e kɛ kília Zézu a gèe o lɛ̀ɛ kélɛ̀ : «Kàá piã ma vɔɔ yí ma nɛ̃́ĩ? Zí kpɛɛ lɛ́ mɔũ kà lo piãvɔ yé o tóàa yí maa ka? ¹⁴ Tapɛ̀ wɛ́lɛ́ tɛ́ tapɛ̀ ta miaa a tàa ye lɛ́ e Wálà lé wè káa. ¹⁵ Tapɛ̀ wɛ́lɛ́ yé dà zilèe píéa yélɛ́ lɛ mia lɛ́ wàa Wálà léwè maa à yí lɛ̀ɛ́ túó fɛ̃̀ɛ̃ tó Ɓìl̀lìsii e nu a sí o zò píéa káa. ¹⁶ Tapɛ̀ wɛ́lɛ́ yé dà sɛ́lɛ́ yiè yía o lɛ́ o mía lɛ́ o Wálà léwè ma tíè-tíè gélia ká é tó wáà o kɔ̀ yà a wìa káa. ¹⁷ À kà Wálà léwè wà maa a gā́nā́ gbɛ̄̀ɛ̃ wá ká o zò píé e bɛ̀i lɛ̀ɛ́ tó zò píé fɛ̄̀ɛ̃ káa. Yé Wálà zì yídā́ wɔ̄̀ ɛ̄́ɛ̃ sã̀ãdɔ Wàa nu Wálà wèe kolo làa óò o kò gbɛ̃ Wálà mɔ̀ɔ káa. ¹⁸ Tapɛ̀ wɛ́lɛ́ yé e dà gɛ̃́nɛ̃́ yìlì yía o lɛ́ mía tɛ́ ò Wálà léwè ma ¹⁹ kɛɛ kpóṹla zèe nāa ká wɔ̃̀ wà pɛ sɔ̀lɔ̀ɓòa é bɛ̀i mia zò kṹ wɔ̃̀ e a kɛ̀ wáà gò Wálà mɔ̀ɔ káa. ²⁰ Tapɛ̀ wɛ́lɛ́ yé e dà sɛ́lɛ́ yiè yía o lɛ o mía tɛ́ ò Wálà léwè ma tó wáà ɓà o ɓɛɛ yiè kàa káa. Ò ɓɛɛ lɛ́ɛ̀ yàa mɔ vũ yàaka à dò ɓɛɛ áà kɛ à mɔ̀ vũ sáládo ɛ̃́ɛ̃ à dò gbɛɛ bɛ̃̀ɛ̃ ɓɛɛ lɛ́ɛ̀ yàa mɔ̀ wũ dóo ²¹ Yé e kɛ kília Zézu a gèe o lɛ̀ɛ kélɛ̀: « Kéà óò lábo dɔ wa yà kɛ̀i to wáà pɛ kpàà à là ɛ̃́ɛ̃ wáà à wàà kã́nã béè wìi? Ḿ gɔ̄̀ óò à dɔ́ to wá yà labo yààlà pɛ̀ làa. ²² ɓii ye lɛ̀ɛ́ kɛ kilia pɛ nɔ̃́ɔ̃ tɛ́ à bĩ̀ã lɛ̀ɛ òó lo à gɛ̃̀ɛ̃, e bɛ̀i wɔ̃̀ tɛ́ lɛ bìì wɔ̃̀ káa lɛ̀ɛ́ bɛ̀i kɛɛ̀ mia séĩ́ yidɔ́ wɔ̃̀ ka. ²³ Ɓii kɛ mí tɛ́ à tóó lɛ à wĩ́īã én wɔ̃́ má ²⁴ Zezu a gèe o lɛ̀ɛ: À mɔ́ɔ̀ mɔ̀ɔ Kà ká zò kɛ ka dìè pie wɔ̃́ kà à máa yí, ɓii pɛ́ tɛ́ kà lo pɛ́ gɔ̃̀ɔ̃ à yia lɛ́ nɔ̃́ ò lo pɛ́ gɔ̃̀ à yí wa nɔ́ ka lɛ̀ɛ. ²⁵ ɓii mí pɛ́ lɛ́ à kɛ̀lɛ̀ɛ óò lo à là kpɔɔ̀ to mí tɛ́ pɛ́ wɔ́ à kɛ̀lɛ̀ kpã́kpã̀ã, óò lo pɛ́ à kɛ̀lɛ̀ɛ kṹã̀ à kɛ̀lɛ̀ ²⁶ Zezu a gèe o lɛ̀ɛ zénii kélɛ̀: Wálà zì tò mia là lɛ́ kélɛ̀ tapɛ̀ támì lɛ́ e pɛ́ wɛ́lɛ́ dà sɛ́lɛ́ yia lɛɓe. ²⁷ Lɛ́ɛ̀ yizɛ ká áà wɛ̀lɛ̀ lɛ̀kpàleà yí é tó zí lɛ́ ta pɛ̀ wɛ́lɛ́ yaa è ɓɔ à ká é tó áà kɛ̀à vùùà dɔ ²⁸ Tã́ã̀ lɛ́ɛ̀ e zò kɛ̀ yilì pie bèĩzɛ̀, kɛ é tiã̀ e zò kɛɛ̀ ta pɛ̀gbã̀ã pie , é toá ká kili tapɛ̀ wɛ́lɛ́ yaa e tãã. ²⁹ À mɔ́ɔ̀ wɔ̃̀ mɔ̀ɔ ye tapɛ̀ wɛ́lɛ́ aà tããàdàamì zò lɛ́ɛ̀ vùò e là laa si kɛ é à kã ɓii à kã́ lùò aà ɓɔ́. ³⁰ Lɛ̀ e kɛ kili Zezu a gè̀ o lɛ̀ɛ: Mɛɛ lɛ́ kò bɛ̀i Wálà zì tò mialà gɔ̃́ɔ̃̀ à mɔ̀,ɛ̃́ɛ̃ wè kpɛɛ̀ lɛ́ kò bɛ̀i à yíɓoà á yí? ³¹ Kóò bɛ̀i à gɔ̃́ɔ̃̀ máaɲéŋèlè wɛ́lɛ́ tɛ́ lɛ tiikpé pɛ sùu séĩ bàa zèe a mɔ̀ ɓá gɛ̃̀ã mɔ́ùa lɛ tiikpe ³² kɛɛ yé aà fàa à kɔ̀ɔ̀ yí lɛɛ ɓɛ̀lɛ tó mɔ̀ɔ̀vɔ̀ wáà o kéĩ dɔ̀ à yi.» ³³ E gbɛ̃̀ áà pɛzɔ̃̀ɔ̃ o lɛ̀ɛ pĩã̀ vɔ̀ɔ k ká à yimá zì pie. ³⁴ Lɛ̀ɛ́ gbaa wɔ̃́ gèe o lɛ̀ɛ tɛ́ lɛ̀ɛ́ n pĩã̀ vɔ́ o lɛ̀ɛ. Yé aà tó e dóo kaa lɛ́ɛ̀ pɛzɔ̃̀ɔ̃ là mia ni lɛ̀ɛ. ³⁵ Yé ɲɛ̃́ŋɛ̀ipie e kɛɛ, Zezu á gèe là miani lɛ̀ɛ: Kà konló yíi mɛ̀ĩ. ³⁶ yélɛ́ o mia yaa tó gbaa yíi kpóũlà wà Zezu ni o tɛ̃̀nɛ̀ gɔɔ yí é tó o gɔɔvɔ̀ dò o tó o kolà. ³⁷ Lɛ̀ e kɛ kilia fã̀ã mɛ́gágázɛ̀ e gbɛ̃̀ aà dìè,yii áà góódɔ̀ áà kàà gɔɔ yaa yi à lépá zì pie ³⁸ Zezu e kɛ wɔ̀á gɔɔ wɛ yí à zìzàá à wṹ kpɔ̀ɔ̀ lɛ wṹ kpɔ̀à là pɛ̀dò là áà yí zɛ̀. O à vùò wè ká kélɛ̀: Pɛ́zɔ̃̀ɔ̃mì ko wṹlé lɛ dùòpɛ̀lɛ̀ yéwɔ́ i mɔ̀ lèdũ ká?» ³⁹ Lɛ̀ e vùòa e gbɛ́ɛ́ fã̀ã wɛ là é tó áà gèe yíi wɛ lɛ̀ɛ ì dɔ́ kpá yelɛ́ yíí wɛ e tèká ɛ̃́ɛ̃ dĩ́ĩ e dɔ́ ⁴⁰ Zezu a gèe o lɛ̀ɛ: Mɛɛlɛ́ e kɛ lɛ́ kà tùò ke ɓe? Kéa zòdɔ̀á'mɔ̀ wɔ́ nɛ̀ì ka kɛ̀lɛ̀ɛ?» ⁴¹ Lɛ̀ e kɛ kilia o pá o kiè mɔ̀ tuo ká wáà wɛ̃́ĩlɔ̀ɔ kɛ̀ o kie ni kɛ̀lɛ̀ kélɛ̀« Dèĩ̀ lɛ́ ḿ tɛ́ wɛ ká lɛ́ fã̀ã wàyíi ò à wéè kɛ̀ɓe?»