¹ Zézu e wàa zénì kà wi. Wálà kà yaa gɔ̃ dóo e kɛí à kɔ̀ ǵàa e kɛ̀á à mɔ̀. ² Mìa búnùzɛ̀ léĩ́ kpɔ́ɔ̀ é kɛ́à Zézu mɔ̀ é kɛ́à lɛ́ɛ̀ lo gɔ̃́ yaa laa fíìdɔ̀ luò káa kɛ ó gbini à mɔ̀. ³ Zézu a gèe gɔ̃́ tɛ́ a kɔ̀ gàa e kɛ́à à mɔ̀ɔ lɛ̀ɛ kélɛ̀: « wɛ̀lɛ i dɔ i gã̀mɔ̀ zèizèe » ⁴ e wɛ̀lɛ̀ yia Zezu a gée mia lɛ̀ɛ kelɛ̀ : « kea à lɛ̀ nɔ̃̀ɔ ̃lɛ kɛ ó wɔ̃́ yié ɛ̃́ɛ̃ yé yéwɔ́ kilia wɔ̃́yɔɔ kɛ mii lɛ̀ɛ fĩ́ĩddɔ́ lùò ká kɛ ko mii z̀i kɛ̀ ɓe laa,yé yé wɔ́ kilia nkɛ ko à tó à yi é yìèe?» Kɛɛ òó gbaa wɔ̃́ dò gèe . ⁵ wɔ̃́ e lá à mɔ̀ áà e ɲɛ̀ɛ tàa o là deĩ le, o zì zò kɛ̀ gáa kɔ̀ á zò kɛ yéĩzɛ̀ to áà gèe gɔ̃ wɛ lɛ̀ɛ kélɛ̀« i kɔ̀ sákpá e à sákpá to Zezu á kɔ̀ ɲɛ̀ɛ̀ kɛ» ⁶ Ye kɛ nɔ̃́ kilia Falisìmìà o ɓɔ́ to olo wáà wṹdɔ́ kɛ̀ wá Elodimìà ka. to wáà gbìnì à mɔ̀ kɛ ó á zɛ́. ⁷ Bɛ̀i Zezu wà là tòá piemìà wáànlò yii kpóũ sɔ̃nɔ̃, miagbũ lɛ́ o kɛ́ gopɛ̀lɛ̀ Galilee to To Zudè, ⁸ to Zéluzálɛ́ɛ̀mè sɛ́lɛ́ gbuò vɔ̀ séĩ tɛ́ o Zudè o gèe bɛ̃̀ɛ̃ ɛ̃́ɛ̃ sɛ́lɛ́ séĩ lɛ lɛ́ Zuludɛ̃́ĩ nàa mɛ̀ĩà ɛ̃́ɛ̃ wà à sɔ̃̀nɔ̀ pie sɛ̀lɛ̀ lɛ́ ò gèe o lɛ̀ɛ tilito to Sidɔ̀ũ, mia gbú kùù gbùozɛ̀ lɛ́o wɔ̃́ tɛ́ é kɛ à kɛpɛ̀lɛ̀ɛ wɔ̃̀ máa o nu à pie. ⁹ A gèe là tòápiemia lɛ̀ɛ kélɛ̀, kɛ o gɔɔ nɛ́ɛ́ dò bɛ̀i à lɛ̀ɛ, ɓii gbṹ e kɛ yí gbùò yekɛ̀ gbṹ yaa e nu à mɛ́ kpònɔ́, ¹⁰ Ɓii e kɛ mia búnubúnùzɛ̀ lapɛ̀lɛ̀ɛ a kɛ mia séĩ tɛ́ yáá e kɛ o mɔ̀ɔ wáà ká kɛ o pá à mɔ̀ ¹¹ Ye gɛ̀ɛ̀ mɛ́ lílìkṹã̀ vɔ wɛ wá gɛ̃̀ɛ̃ o gbini tã́ã̀ à wɛlɛ mɔ̀ wáà gbɛ̀ɛ̀ wé ká kélɛ̀ « I Wálà gbe ka». ¹² E wɔ̃́ gágá gèe o lɛ̀ɛ yé kɛ̀ ó à kɛ́ mia ó yidɔ ¹³ E tɛ̃̀nɛ̃ tɔ̀̃ wĩ́ĩ e mia tɛ́ a nàa à é o suòkɛ suò kɛ to wáà nù à sɔ̃́nɔ̃. ¹⁴ E mia vũ̀ dóo wɛ́lɛ́ si ( lɛ́ e o tɔ́ kpɔ́ dɔ̀wálàlelàmìà) kɛ wà ye ni o kɛ o kiè bà, kɛ e bɛ̀i à mɔ̀ é o vɔ́ kɛ o Wálà léwè gèe. ¹⁵ Yikɛ̀gáá nɔɔ̀ é kɛá o lɛ̀ɛ kɛ ogɛ̀ɛ̀ yɔɔ luo. ¹⁶ E mia vũ̀ dóo wɛ́lɛ́ pèèlɛ si : Simeɔ̃ lɛ́ a tɔ́ kpɔ́ Piɛɛ̀ ¹⁷ Zébedè gbe Zaakè, Zaakè lèegé Zã́ã tɛ́ a tɔ́ kpɔ́ Boánɛɛzèa to tɔ́ e kilia yiɓòáyi lɛ́ ¹⁸ kélɛ̀ gbã́nà, to Ãdelè ,Filipè, Batelemi ,Matiè Tomaasi, Alifeè gbe Zaakè, Tadeè, Simeɔ̃ tɛ́ lɛ Zélɔɔ̀tè káa. ¹⁹ to Zuda Ɛsikaliɔtè tɛ́ Zezu lé goa. ²⁰ E bɛ̀i zénii o lo kálémɔ̀ to mia gbũ o pá zénii o kie mɔ̀ tɛ́ bɛ̃́ɛ̃ òó gbaa bɛ̀i à mɔ̀ kɛ ó o zì kɔ̃́nɔ̃ ɓèlèa. ²¹ Ye Zezu mìà o wɔ̃́ tɛ́e kɛ diepɛ̀lɛ̀ làwè maà o nu wá kṹ , ɓii wa gɛ̃̀ wɔ̃́ kilia yí wɔ́ à mɔ̀. ²² Sɛ́ɓɛ̀ bɛ̃́ɛ̃ mìà tɛ́ ò gó Zeluzálɛ́ɛ̀mèa wa gèe kélɛ̀« Gɛ̀ɛ̀ yɔɔ lɛ à pie to kilia lɛ́ è à kɛ́ lɛ́ è Gɛ̀ɛ̀ yɔɔ lùá» ²³ Zezu é o sùoƙɛ o nu à sɔ̃́nɔ̃ e gbɛ̃̀ áà Wálà léwè gèebonlɛ̀ɛ pīã̀ vɔɔ̀ ka: Zi sùu kpɛɛ̀ lɛ́ ɓìlìsìi e bɛ̀i à mɔ̀ é ɓìlìsìi luo à ká mii kolà? ²⁴ Yé dɔ́sɛ̀lɛ̀ aà pɛ́ɛ́ e yí pèèlɛ lɛ́ aà gbini e kiè mɔ̀ɔ, dɔ́sɛ̀lɛ̀ kilia lɛ́ɛ̀ lo toà ɓeé? ²⁵ Ye ká aà e fèĩ́ɓo lɛ́ aà gbini e kiè mɔ̀ɔ, ká kilia lɛ́ɛ̀ lo toà ɓeè ²⁶ Yé gɛ̀ɛ̀ yɔɔ aà gbini e kie mɔ̀ɔ kɛ fèĩ́ ɓoà lɛ, lɛ̀ɛ́ bɛ̀i à mɔ̀ é o tó ɓe ɛ̃́ɛ̃ a lié lɛ̀ɛ́ ɲɛ̃. ²⁷ Kɛɛ midò lɛ̀ɛ́ bɛ̀i à mɔ̀ é wàà gɔ̃ yigáazɛ̀ pie kɛ̀ì kɛ é là pɔɔ̀ kã̀ãɓo yé lɛ̀ɛ́ gbaa à kṹ nɛ́ī á yèlè e góa, e kɛá gbaa kilia lɛ́ɛ̀ bɛ̀i gbaa à mɔ̀ e à piekɛ̀ì pɔ̀ɔ̀ séĩ́ séĩ́ si ²⁸ Wã́nã wɔ̃̀ lɛ́ m̀ gèe ká lɛ̀ɛa ,wɔ̃́ yɔɔ séĩ lɛ́ɛ̀ lo kɛɛ̀ e mɔ́ɔ̀ wèè toà ka, o gèe bɛ̃̀ɛ̃ zì wɔ̃́ ɓo wè séĩ lɛ́ ò lo à gèa ²⁹ Kɛɛ wɔ̃́ ɓoà lɛ́ è gbɛ̃̀ Gɛ̀ɛ̀ Púlú mɔ̀ɔ, òó lo do à mɔ́ɔ̀ wèè tòa. Kɛɛ mii sù yaa zì sɔ̃̀ũ yɔɔ toà lɛ à wũ mɔ̀ tòa kili kpɔ́ũ̀ pkɔ́ũ̀ ka. ³⁰ Zezu e wɔ̃́ yaa gèe kili ɓii o kɛ à gèepɛ̀lɛ̀ Gɛɛ̀ lɛ à pie. ³¹ A lòkóò wà à yemìà o nu à pie o dɔ́ pɛ́lɛ̀zèĩ, o mii dò vɔ́ à pie kɛ é à suòkɛ, ³² mia gbũ tɛ́ o kɛ o nia ká à mɔ̀ɔ wá gèe à lɛ̀ɛ i lòkóò wà wà i ye mìà o pɛ́lɛ̀zèĩ wáà o ɲɛ̀ɛ kpɔ̀ i ka ³³ Zezu a gèe o lɛ̀ɛ kélɛ̀: Dèĩ mìà lɛ́ kà gèe o lɛ̀ɛ m yémìà? ³⁴ Yé e ɲɛ̃́ɛ̃ táa mia o kɛ yia o là dèĩ́a a gèe o lɛ̀ɛ: « Kà lɛ̀ gɛ̃̀! míá o tóo lɛ m mɔ̀ɔ lɛ́ o m lòkóò wà m yémìá ni o káa.» ³⁵ Mii nɔ̃́ɔ̃fé tɛ́ è Wálà zòdà wɔ̃̀ kɛ̀ɛ, lɛ́ lɛ m yemì, m lulà wà m lòkóò káa