¹ Lɛ̀ lɛ̀kpàleà dò e dia , Zezu e nia é lo kapɛɛmè. Mia wa làwè má kélɛ̀ aà gó ká lémɔ̀ aà nu. ² Gbṹ é pá é kiemɔ̀ yi, dɔ̀lɔ̀ lɛ̀ɛ́ gbaa to à lɛ̀mɔ̀, e kɛ bɛ̃̀ɛ̃ à kálé mɔ̀ ka. Yélɛ́ Zezu e Wálà lé wè gèe o lɛ̀ɛ . ³ Gɔ̃̀ã dò o nu gɔ̃ kpɔ́lɔ̀zɛ̀ dóo ká Zezu pie , e kɛ gɔ̃̀ã yììsɛ kɔ̀là. ⁴ E kɛ gágá kɛ o ɓɔ́ gɔ̃́ kilia ká Zezu mɔ̀ gbú e kɛ yía wɛ̃́ĩ. À mɔ́ɔ̀ wɔ̃̀ mɔ̀ɔ, o tɛ̃̀nɛ̃ ká yaa gnã́nã, o bṹ kã́ yi Zezu là. O gɔ̃ kpɔ́lɔ̀zɛ̀ yaa tóla liikpaá yí wa yɔ̀ló Zezu wɛlɛ mɔ̀. . ⁵ Ye e kɛ kilia, Zezu a gɛ̃̀ kelɛ̀ gɔ̃ wɛ zò dɔɔ̀ e kɛá à mɔ̀ kélɛ̀ lɛ́ɛ̀ lo kɛɛ̀ kéléĩkèlèĩ. A gèe kpɔ̀lɔ́mì yaa lɛ̀ɛ:«M gbe i mɔ́ɔ̀ wèè aà to i sɔ̃̀ũ yɔɔvɔ̀ bà!» ⁶ Kɛɛ Wálà sɛ̀ɓɛ̀ dɔ́mìa tɛ́ o kɛ yia o kɛ wée pɛ̀lɛ̀ o wì yi kélɛ̀: ⁷ Zi kpɛɛ̀ lɛ́ gɔ̃́ tɛ́ wɛ è bɛ̀i à mɔ̀ wéá ke? Lɛ wɔ̃́ ɓopɛ̀lɛ̀ ! Deĩ̀ lɛ́ è bɛ̀i à mɔ̀ é sɔ̃̀ũyɔɔ ɓo mii mɔ̀ yé yéwɔ́ Wálà káa ?» ⁸ Ɛ̃́ɛ̃ Zezu a yimá ne zò pie kélɛ̀ o o yɛ́lɛ́taapɛ̀lɛ̀ kili o diè pie. A gèe o lɛ̀ɛ: Zi kpɛ̀ɛ̀ lɛ́ kà ka yɛ́lɛ́liétàa ke. ⁹ Mɛɛwɔ̃̀ lɛ́ lɛ́ m mɔ̀ lɔɔ̀lɔ̀ɔ̀ e dieá m gèe mii lɛ̀ɛ i mɔ́ɔ̀ wèe áà to i sɔ̃̀ũyɔɔ bà ɔɔ wɛ̀lɛ̀ í dɔ́! ɓà liikpáà si i táa là ¹⁰ À kɛɛ̀ lɛ kili kɛ ká à yidɔ kélɛ̀ kɔ̀dièkɔ̀là nɔ̃ɔ lɛ Gɔ̃́ gbe kɛ̀lɛ̀ kɛ é die mia:-)sɔ̃̀ũyɔɔ là tã́ã̀ zèe. A gèe gɔ̃ kpɔlɔ̀zɛ̀ wɛ lɛ̀ɛ: ¹¹ Wɛ̀lɛ̀ i dɔ ɓà liikpáa su i lo i pie kálémɔ̀. Gɔ̃ yaa e wɛ̀lɛ̀ é là saa si to áà lò miaséĩ́ ɲɛɛ mɔ̀. ¹² O séĩ́ o kɛ géliázɛ̀ ɛ̃́ɛ̃ wáà Wálà tɔ́ ɓɔ̀ wè ká kélɛ̀: Kòó wɔ̃́ sùu tɛ́ wɛ gɛ̃́ dó. ¹³ Zezu e gó kapɛɛnaamè e gb áà taá yii pɔ́á kpóũlà. Mia kùu o nu à pie e gbɛ̃́ áà pɛ zɔ̃́ɔ̃ o lɛ̀ɛ.Ye é kɛ diepɛ̀lɛ̀ɛ, e Afee gbe lɛ́ ò gèe à lɛ̀ɛ Levià gɛ̃̀. ¹⁴ E kɛ yàà nìíì sɔ̃ũ̀ ɓo kà wì. Zezu a gèe à lɛ̀ɛ: gbɛ̃̀ m kolà.E wɛ̀iɛ̀ e gbɛ̃̀ Zezu pie ¹⁵ Lúo gbɛɛ káa Zezu e pɛ ɓèlè Levii piekɛì. Sɔ̃̀̃yɔɔ kɛmìà kùù wà Zezu ɛ̃́ɛ̃ ɓopɛ̀ ɓomìà kùù e kpɔ́ là tòàpié mìà mɔ̀ɔ o kɔ̃́nɔ̃ ɓii o kùù e kɛ gbùo. ¹⁶ Lɛ̀ Wálà sɛ̀ɓɛ̀ dɔ́mìà wà Falasiimìà wa gɛ̃̀ kélɛ̀ Zezu wà sɔ̃̀ũ yɔɔ kɛmìà to nìíì sɔ̃ũ ɓomia o kɔ̃́nɔ̃ ɓèlè pɛ̀lɛ̀ɛ,wa gèe : E dɔ́ kpɛ́ wà sɔ̃̀ũyɔɔ kɛ mìà ɛ̃́ɛ̃ ɓópɛ̀ɓomìà òbpɛ́ ɓèlè e kiè bà ? ¹⁷ Ye Zezu e à máa, a gèe: Míá o o yílí gã́ làa ,o mɔ́ɔ̀ kpàà wɔ́ yɔ̀ɔ̀tɔlɔ̀nmɔ̀, míá o yáázɛ̀ɛ lɛ́ o mɔ́ɔ̀ kpàà lɛ́ à mɔ̀ɔ. M nua wàá míá o kpèĩa suòkɛɛ̀, kɛɛ sɔ̃̀ũyɔɔ kɛmìà ¹⁸ Zã́ã là tòà piemìà wà Falisìmìà o kɛ o lé tó pɛ̀lɛ̀. Ye e kɛ kilia mia dò o nu wa gèe à lɛ̀ɛ: Kpɛ́ lɛ́ Zã́ã là tòà pienmìà ɛ̃́ɛ̃ Falisimìà wà opie mìà óò o lé to, to i zì vɔ̀ wɛ yée òó à kɛ? ¹⁹ Zezu a gèe o lɛ̀ɛ.: Kéa miá o lee si kpìlì làa óò o lé to yé lee si gɔ̃̀ lɛ tiã́ o piea ká? Ye ɓéĩ́ ke yeeblee si gɔ̃̀ lɛ tiã́ o piea ,òó o lé to. ²⁰ Kɛɛ luònvɔ̀ dò óò lo nua òó lo à kṹã̀ o bà, yé aà kɛ kilia òó lo o lé toá. ²¹ Mii lɛ̀ɛ́ sɔ dɛɛ pɛ̃́ɛ̃ si kɛ e sɔ zii bṹ ta à ka, e kɛá kilia à pɛ̃́ɛ̃ zii yaa lɛ́ɛ̀ lo kã́ã̀ e go à dɛɛ wɛ lé , ɛ̃́ɛ̃ à pɛɛ̀ là e kpɔ. ²² Mii lɛ̀ɛ́ yɔ dɛɛ gbɛ̃́ wìì kii kpóo zii yi e kɛá kilia à yɔ lɛ́ɛ̀ lo wìì kii kpòo vɔ̀ yaa o fɔ̃́ɔ̃̀, to à yɔò à wììkii kpòovɔ̀ò o yí e sìè. Wɔ̃̀ lɛ sɛ̀ɛ lɛ́ i yɔ dɛɛ gbɛ̃́ wìì kii kpòo dɛɛ yi.» ²³ lùò dóo káà zezu wa là tóà pié mia o kɛ dié pɛ̃lɛ̃ ta pɛ ŋɛ̃́nɛ̃ dõ mɔ̃.la miani o gbɛ̃ wa tapɛ̃ yaa wɛ́lɛ́ dõ ɓó à mɔ̀ ²⁴ yélɛ́ falasimia wa gée a lɛ̃ɛ: « lɛ̃ gɛ̃̀! mɛɛ lɛ́ é kɛ̃ lɛ́ ō wɔ́ yé wɛ́ kɛ wɔ̃̀ káa kɛ̀ fĩ́idɔ lùō ka?» ²⁵ A gée à lɛ̃ɛ: Kàá wɔ̃́ tɛ́ Davidē a kɛ kɛ lɔ̀ɔ aà kũ̀ wà e pié miã ká. ²⁶ Zí é wáá ka Wálà kà wī e sálà lùpɛ̃̀ĩ̀ ɓẽle ã ka ( pɛ mii ɓɔ̀ɔ lɛ̀ɛ́ a ɓèlé e kã́ sálà ɓõ wálà mɔ̀ mià mɔ̀ɔ ) ɛ̃́ɛ̃ ã gbṹ nɔ mia õ kɛ ã piea gèe do? ²⁷ Zezu a gée :« Fĩ́ĩdɔ lũõ kɛɛ̀ lɛ mii gbúnú wɛ̃́i kɛɛ mii gb́nú kɛɛ̀ wɔ́a ká fĩ́idɔ́ lùò wɛ̃́i . ²⁸ Ye mɔ̀ṹ lɛ kilia gɔ̃ gbe lɛ mìì dàami ká e kɛ bɛ̃̀ɛ̃ fĩ́idɔ́ lùo ka»