¹ Afarisien akosi abuha bla atendi a mbari akè m'awi Jérusalem. ² Bo amoni ndi aluoni akè adji bla djiala e nkri, ma kini tchoka ni. ³ (Moma aPhariziens bla a juifs aso avè asa tchoka djiala mana adji; le mi na angri abo. ⁴ Ntini aPhariziens m'awa adjè, bo ibuna odja bila djiala nkri ni. Bo na angri akima a bo ma gnima, na le tchuka la cowo, ambina, ambasa a mvuru, na ébiri ma djiagha). ⁵ Aphariziens bla atendi ambari a pisi Jésus: « Aluoni awé ma bisa ognima angri m'akuru oma , bo ma dja lè mpèmbè bla djiala énkri?» ⁶ Nghà nde na bo ndi:« Bé anga ompiélé, Esaie aka dughi o bé : bari ba ma yala mé m'ebori, ngha otima bo alaba na mè» ⁷ Evuoni èbo m'otcha, bo m'avuono angri a bari mva Ndjiami.» ⁸ «Bê lébisa mbari é Ndjiami m'ognima angri abari m'omuo.» ⁹ Ndé odughi bô: « Bé tata bé lebisi mbari e Ndjiami, mo gnima amgri m'akunu a be! ¹⁰ Moïse adughi ndi : « gnima ngughu bla tara "na" w'otsuomo na owowo mami m'abi otara si kali o ngughu abuna okua. ¹¹ Ngha bé, ndi : « mvuru odugha na tara si kali na ngughu : "kighi ome Esaghi ompa we", (lepo lé Ndjiami). ¹² Be ngha be le kama ndé m'oyama ngughu bla tara nde. ¹³ Be léma disa angri a Ndjiami, be lé ma sila na mami akala be sè osigha mami m'osumbu djua.» ¹⁴ Nde ovri otuoli lé mvuru ndi : « Léyua mê, b'aso le pia atchui. ¹⁵ Mami mali ondji ibuna o poso gnuru é mvuru ni, è poso mvuru mami mawa ntsa gnuru e ndé». ¹⁶ [A tendi ama lima oluo yua : "mvuru okà na atsui m'oyugha, nde oyughi"] ¹⁷ Ntini e Jésus agnili le mvuru ognunigui tsa ndjo, aluoni a pisi ndè ntchitchami yia. ¹⁸ Jésus ndi: « Be le kili oyéri kali? Be imono mbiri bibi mé gnuna tsa gnuru e mvuru i poso ndé ni, ¹⁹ moma, kari ibuna ognuna ntsa otima nde ni, ngha ontsa muo omana nde oyè osogho etughi.» Ngha Jésus ndi, bila eso eve. ²⁰ Nde ndi:« é poso mvuru m'etugha ntsa gnuru. ²¹ Etchimi m'ebi etuha ntsa otima mvuru, obla, kuba, mbumi, ²² ntchuma, ndjala bibi, nkala, ntchoba, obla, ndjala, lé tchakala, kamba na lari. ²³ Mami m'abé m'aso m'awuagha ntsa gnuru é mvuru, ma sè ma poso mvuru.» ²⁴ Ndé otémi o ngha oyini ampughu à Tyr na Sidon. Ndé ognuni o ndjo ndé aki ndjala ndi mvuru aya ni, nde se aki ibuna oka m'ayisi ni. ²⁵ Onghingha, okasi omo oyi na muana okasi aki na édiduma m'ébi, oyi o ntsina gnili è ndé. ²⁶ Okasi yua aki Greck, osi Syrie. Nde o pisi Jésus m'otusa odiduma kia. ²⁷ Ndé ndi : "Gna bana asa dja, ibuna oya le pembè le bana m'ompa amva ni.» ²⁸ Okasi yua okali nde ndi: "eh, nkumu na amva m'ali ntsina biri m'adjiagha bila, m'adja entigha è bana. ²⁹ Ndé na okasi : « ngha we mi dua vua yiè ntcha odusu, odidima obi omi tsugha ntsa muana we okasi» ³⁰ Nde oyini ndjo obasi muana tolo oyula ntari, odiduma obi oki oma tuha. ³¹ Otémi Tyr, oyiri ma lè Sidon, o ndjila okéri onini a Galilée oto mpuhu égundu kumi. ³² Bo ayi na ndé nkina aki iwowo yémi ni, bo apisi kolo kolo m'oleghe ndé djiala oyula otchui. ³³ Jésus oyahi ndé oyini na ndé biri mo, la na bari, obiri éma yisi, oléghi nde eliemi ntsa atsui oteli lepèle lè nde bla antayi. ³⁴ Nde okési yulu otsusi owumi ndi "Effata", ma odua ndi "gnana!" ³⁵ O ghingha atchui a nde anayi, kila okuari lepèle lè nde otsughi, nde aki aya wowo yémi. ³⁶ Nde na bo ndi be idua mvuru ni. Ngha nde a djisa bo, m'okapi, bo ma sèlè oyè na vusu na odua bari. ³⁷ Bo aki ntcha lékimi ma dugha : "Nde asa mami m'avè. Nde asa na ankina wowo."