¹ Ndè o tughi ma odjè mpughu ma kuli ndè na oluoni a ndè atri ndè. ² Tsughu é pulu é to, ndè oyisighi o ntsa ndjo é ndjiami. Bari kuna a yughi ndè bo a moni ovè. Bo ndi:" ndé éyisighi bi kuni obaghi?" "Djia ntsimi a mpa ndè ma." "Bia emagha é ma é ndè a siagha bla djiala è ndè?" ³ Ndè ka osiè éthi ni, muana Marie na okulu a Jacques, José, Judes na Simon? Ankeri a ndè bla sabè ngha ognagha?" Ngha Jesus o benguigli bo. ⁴ Jésus odughi bo:" ntuma ndjiami mvuru na ginna, okorogho ntsa mpughu é ndè na ompanighi é bari a ndè na o ntsa ndjo è ndè ognima ndè ni." ⁵ Ndè a ki y buna osa ndjandja é nini ni o ngula lè lèghè le djiala o yula bari akè ma ki na angha na le salagha lè bo. ⁶ Etima è bo mo nono ekimi ndè. Oyéni ntsa ampughu maki m'osièsè na lè yisagha. ⁷ Ndè o tuoli a kumi na vuelé ma otuma bo vuèlè vuelè ndè mpi bo mpari ma otura èdidima m'ebi; ⁸ ndé oyièsi bo e'yé bè opinga be y bira kila ni, o ngula othi omo, pèmbè kali, mpiè kali adoro ntsa a kuamba a bo koli, ⁹ bé le lasi akorogho, bè le y yagha angoyi muèlé. ¹⁰ Ndè na bo ndi:" antini aso a bè le gnunagha ntsa ndjo bè le ki ngha ndjhi è béle yè. ¹¹ Ngha yughu ogundu oyelé oyalagha bè , si kali bo y yugha bé ni, le tsièghé biri djia, lekubighi owuru a mo ntami ébè. Bé lè gnili bo." ¹² Bo atughi na o toso mbari é Ndjiami bari oka lala na mbini é bo. ¹³ Bo atri édidima mébi kuna, bo a kli bari kuna maki na angha Mari mo salogha bo. ¹⁴ Nkani Hérode oyugha vua, nkumi é Jésus aki a mi ya yo. Bari akè ndi:" Jean Baptiste o mi gnusagha ntsa léku ngha o vua, mpari émagha o ndè mè ndjandja. " ¹⁵ akè ndi:" ndè Elie", akè sè ndi: " ndé ntuma, mva ntuma a ntimi é kala." ¹⁶ Ntimi Herode a yughi vua, ndè ndi:" Jean a mè é tsébi nkhi omi gnusagha." ¹⁷ Herode aki o ma tuma okuara Jean akuri ndè éndi o lo ndè onguéneghè obila m'eHérodias.( okari a muari a ndè Philippe), ndè aki o ma yagha ndè mo okari. ¹⁸ Jean na Herode ndi:" yo ka dja le vè ma oyagha okari a muarighi ni." ¹⁹ Herodias à ki o ma kièlé ndè ntimi ma osagha obuma ndè, ndè aka buna ni, ²⁰ Herode a ki na vuagho o Jean ndè ki o djiabi ndi ndè mvuru a tèlè na opendè, nd'o yisighindè; ewobighi é ndè é sighi ndè obi, okorogho ndè aki a yugha ndè osuerè. ²¹ A ntini a ma to o ntini Herode a kusighi tsinda bla aworo à ndè, na comanda, na nkumu mali lévusu. ²² Muana Herodias okasi ognunighi na okina mo bo , Herode bla a ndjia a ndè a moni o vè. Nkani na muana okasi ndi:" pisa mè éso é wè Adia me mpa." ²³ Ndè labi okési ndi:" éso é wè a pisa me, me eyo o mpa, sè obari o mpughu è me." ²⁴ Ndè tughi ndè dughi ngughu:" me pisa ndè oma?" Ndè ndi:" otshui à Jean Baptiste ." ²⁵ Onghingha, ndè gnunighi asisari mpilé kani na pisa ndè ndi:" me ésagha wè mpa mè asisari oyulu o pelè, otshui a Jean Bpatiste." ²⁶ Nkani o moni obi, ngha ma osumbu a ndè a ndè adughi na bari maki bla ndè aki y ma buna obisa episighi é ndè ni. ²⁷ Nkani o tumi oworo a ndè mo ya na ndè otshui a Jean. Oworo o yenino tsebi ²⁸ ndè otshui ntsa onguénéghè ndè yi na otshui a ndè m'opelie o mpi na muana o kasi, muana okasi oyaghi o mpi na ngughu a ndè. ²⁹ A luoni a ndè, a yugha vua, a yi a yaghi obimi ondè a ndjighi. ³⁰ A luoni andè, akusighi abugha o mpani é Jésus ma odugha ndè mami a Jean Baptiste a sighi na a ndè a yisighi. ³¹ Ndè na bo ndi:" le tsièghe bè le djè ntsa kayi bè lè huma ma antini akè." Bari kuna ma ya ma vuragha bo a ka basagha antini mo dja ni. ³² Bo a yeri o tsa mbugu mo yè o biri é kayi. ³³ Bo a moni ètsièghi é bo bari akè ayimbi bo, bo a yeni o ntimi kua o ntsiè, ntsa ègundu eso, bo a to bo lévusu. ³⁴ Bo a ma suragha m'osièsè okéri, ndè moni bari kuna ndè moni bo nkérighi mva édombo é nkumu kali. Ndè o bani oyisagha bo mami kuna. ³⁵ A tari aki a ma labagha, a luoni a ndè a yi mpilè ndè ndi:" kuni ntsa kayi a tari a mi labagha. ³⁶ Vura bo mo djè ntsa a mpughu ma osuma kila o dja." ³⁷ Ndè kali bo ndi:" bè lè mpa bo kila o dja." Bo na ndè ndi:" bisi le buna o djè na suma pèmbè ma doro ba ma o mpa bo bila?" ³⁸ Ndè na bo ndi:" bè étini é pèmbè kuè? Lé djé bé le mono." Ntini é bo ma pisi," Bo ndi:" étiniè pèmbè étani na antchu vuelè." ³⁹ Ndè dughu na bari aso ma okusagha a bugha ma oka o ntsi oyula ndji ba. ⁴⁰ Bo akusighi abugha bo aki ma ntsi; ⁴¹ ndè o yaghi étini è pèmbè étani na antchu vuelè, ndè kési yulu, ndè mpi ndjiami lévè o tsébi etini é pèmbè o mpi aluoni a ndè ma okabagha bari. Ndè o kabighi bo aso antchu a vuelè. ⁴² Bo a dji bo aso adjurighi. ⁴³ Bo a tonighi étini è pèmbè mè sili, a lusi a nguli kumi na vuelè, ma étini é pèmbè na étini m'antchu. ⁴⁴ Bo aki é nkama è bari ma dji. ⁴⁵ O ngingha ndè o lèghi aluoni à ndè ntsa mbughu ma o djè lè vuusi lè ndè otshui o ngulu, o Betsaida, ntimi é ndè a vurighi bari. ⁴⁶ Bo a yé, nde yeni yulu okuri na vuono. ⁴⁷ Ekikolo é ma to mbungu éki éya o mua okéri onini, ndè aki d'otu o ntsiè. ⁴⁸ Ndè moni ndi bo aki na nono ma odugha mbungu obila okru oki na mpari. Ma otima lempibi, ndè yeni mpili é bo mo lano yulu a ndja, ndè osaghi oyira o mpani é bo. ⁴⁹ Bo a ma mona ndè a lana o yulu andja, bo aki ndi ndè odju, bo a yabighi, ⁵⁰ bo a moni ndè a baghi vuogho.O ngungha ndè na bo ndi:" leka na mpari!" Yu mè! Bè lèka mongho vuogho ni !" ⁵¹ Ndè à gnunighi ntsa mbungu bla bo, okru owi. Bo a ya ntsa lékimi. ⁵² Bo a ka yugha osumbi étini é pèmbè é tani, éki é dugha. Ngha étima é bo é ki na onono. ⁵³ Bo a ma tina okéri, bo a to o ntsiè é Générasathe bo a kuri mbungu. ⁵⁴ Ntini é bo ma tughi o ntsa mbungu, bo a yimbi ndè nghingha. ⁵⁵ Bo a yeni ma ntini o ntsa osi oso , bo a ya ma ya na ndè abièri o yulu a tila ébiri ebo ma yughi ndi ndè a yo oyira ⁵⁶ Ebiri eso è ndè a gnunighi ntsa mpughu, sikali ntsa éngundu, na ntsa osi, bo a tsusi a bièri ma é biri ma ékugha, bo a vuoni ndè mo otila si ntchuo é mfa é ndè. Kuna é bari etilighi ndè, a wumi.