¹ Bo a to ngulu okéri onini ntsa mpughu a Génaséniens. ² Ngha Jesus o tughi ntsa mbungu mvuru omo a kighi na eodidima obi oyi mpilè ndè o mpanighi a muma. ³ Mvuru yua a kighi o mpanighi a muma mvuru a ka buna okuara nde' ni, si bila ankosi. ⁴ A ki a ma kura ndè èndi a mighi akunakuna bila ankosi o gnili è ndè;. O tsebi ankosi. Mvuru a ka bagha mpari ma okuara ndè ni. ⁵ Na mui na mpibi, ndé a kighi, o mpanighi a muma na yulu ékuri. Ndè owulagha ankma na odju ala bla akèlé ma oto. ⁶ Ndé o ma mono Jésus o lala, o yèni ma ntini mpilè ndeè na le wura la vuo lévusu le ndè. ⁷ Ndé wuli nkma na mpari éso: «E mè e'sa bila wè oma; Jésus, muana Ndjiami a nkara yulu? Kolokolo è wè o nkumi é Ndjiami, oka lagha mè onono ni.» ⁸ Ndè aki a dugha na ndè ndi: «tugha ntsa mvuru, odidima obi.» ⁹ Jesus o pisi ndé: «Nkumi e' we' na?» Ndè okali ndi: «Nkumi è me e' didima mebi bisi ma kuma.» ¹⁰ Ndè o selighi o vuono ndè, wè oka tuma bisi lala na mpugu ni. ¹¹ O ntini djia, djimi l'énghu a ki ma yira yula okuri. ¹² Bo a vuoni Jésus ndi: «tuma bisi ntsa énghu, gnila bisi ma ognu nagha ntsa bo.» ¹³ Jésus o yalighi; eédidima mébi é tsiéghi ntsa mvuru djua ma ognu nagha ntsa énghu. Bo a ya ma fuba mo wa yulu okuri mo va ntsa okéri onini, bo aki na kuna. ¹⁴ Bari ma kiélighi énghu a yini na dugha antsia ntsa ongundu na a mpughu ma ki o mpani mami ma yiri bari kuna a yi na mono. ¹⁵ Bo a yi mpilé Jésus, bo a ma mono mvuru a kighi na eédidima mébi o ntini é ntsomi (édidima mébi éki na kuna) o ntsi, bila a mfa na èkighi mè vè bo a moni vuogho. ¹⁶ Bari ma moni, mami ma yiri bila mvuru a kighi na eédidima mébi bo a dughi na bari ma yi na mono mami ma yiri na ndè na dja l'énghu. ¹⁷ Bo a vuoni Jésus ma otsièghè o mpungu é bo. ¹⁸ Ngha Jésus ognunighi ntsa mbungu. Mvuru a kighi na édidima mébi, o pisi ndé ma o djè bla ndè. ¹⁹ Ngha Jésus a ka yalagha ni. Okorogho, ndè o dughi ndi: «djièghè ntsa ndjo wè, mpilè nkuono è wè ma odugha bo mami a Ndjiami a ma sa o wè na dia é ndè o wè». ²⁰ Emana ndè o yèni na odugha antsia m'anini a Jésus. Asi o ndeè ntsa éngundu kumi bo aso a kimi. ²¹ Ntini é Jésus a vuri na ngulu okéri ntsa mbungu, bari kuna a kughi a djénighi ndè aki mo tèleè tugha na okéri onini. ²² Mvuru omo o djadjighi ntsa ndjo Ndjiami, nkumi é ndè Jaïrus, owasighi ndeè oma mono Jésus, ndè o pisighi ntsina gnili é ndè. ²³ Ndé vuoni ndeè na nkomogho éso ndi: «Muana mè okasi oya ntsa léku! Kolokolo eé wè ya bila meè wè lèghè djiala eé wè oyula ndè, ma ohuma moka yé'mighi!» ²⁴ Jésus o yeni bila ndè, bari kuna ma tura ndë asisari o ngula ndè. ²⁵ Okasi omo a kighi na ovuvughu é'sibi kumi na djièlé. ²⁶ Ndè o moni mpasi ma o yira mpili a salighi. Ndè okabi osolo a ndè oso, a ka bagha ntchuo ni osèlighi o vula. ²⁷ Ndè a ki a ma yugha ma, wobo o Jésus. O tsini o mpani é ndè ngulu énguho Jésus a lana ntsa bari, o tili mfa ndè. ²⁸ Ndè aki a dugha ndi: «mè otila si mfa é ndè, mè è wuma. ²⁹ O tìli ndè, ovuvughu o wi, ndè moni ntsa gnuru ndi ndè mî wuma. ³⁰ Oghingha; Jésus o moni ndi mpari èma tugha ntsa gnuru é ndè, o kalighi mpilè bari o pisi: «A tili mfa é mè na?» ³¹ Aluoni a ndè ndi: «Wè a mono osumbu a bari mama pia wè ni, wè vurighi o pisi mvuru a tilî na wè?» ³² Ngha Jésus okèsi ma omono mvuru a ma sa vua. ³³ Okasi o djiabi osumbu a mami ma yiri o ndè, o yi mpili è Jésus ntsa vuogho na antirighi. Ndè pisighi o ntsièlè vusu lè Jésus ma odugha ndè asisièleè aso. ³⁴ Ndè ndi: «Muana mè okasi, tari é wè èma sa wè o vé. Djièghè ntsa odusu wè wuma o ngaha djia.» ³⁵ O ntini é ndè a wobighi na ndè, bari a wi o ndjo é nkumu a ndjo Ndjiami bo ndi: «Muana wè okasi o ma kua. Moma wé a wélé nkumú?» ³⁶ Gha Jésus o ma yugha é wobighi é bo, ndé na nkumu a ndjo ndjiami ndi: «O ka monogho vuogho ni. Ka na tari.» ³⁷ Ndè o ka yalagha ndi mvuru okma o djeè bila ndè ni, o ngula Pierre, Jacques na Jean, a muarighi a Jacques. ³⁸ Bo a yi ntsa ndjo è nkumu a ndjo ndjiami. Jésus o moni bari ma sa lé sughu; ma lila, ma mono obi. ³⁹ Ndè o ma gnunagha ntsa ndjo, na bo ndi: «Bè lè mono obi na olila moma? Muana o kini o kua ni ndè oli tolo.» ⁴⁰ Bo a ya ma sébè ndè. Otusighi bo aso o ndji. Ndè o yaghi tara bla nguhu, na bari maki bila ndè, bo a gnunighi o biri éki muana. ⁴¹ Ndè o yaghi kuogho o muaná o wobi ndi: «Taligha koun». ma o dugha ndi, «onkèrè okasi, mè è dugha wè, saragha.» ⁴² Onghingha, muana o sarighi o lani, (Ndè a kighi ésibi kumi na djièlé). Bo aso a kimi. ⁴³ Ndè na bo ndi bélè ka dugha na mpini mvuru mami ma ni. Emana ndé ma bo ndi lè mpa. Ndè kila ma odja.