¹ Ndè o vurighi o bana oyisagha 'osièsè okéri onini. Bari kuna a kughi a djénighi ndè; ndè okumi o ntsa mbughu oya o ntsi bari aso aki m'osièsè okéri onini. ² Ndè oyisighi bo mami kuna ma l'èmpini, ndè o wobi na bo o ntsa èyisighi, ³ Le yugha! Okumi atughi na kuna. ⁴ Ntini è kunighi nde mburu nké è vi o ndjila agnuyi a yi na tobolo. ⁵ Mburu nké é vi o yula ntsiè èli na akélè, ntsiè éki kuna kali. E méni asisari moma ntsiè è kuna éki kali. ⁶ Muhi o ma bala, ékayi moma okama èkangha yo ékayi. ⁷ Mburu nké é vi ntsa antsiènè:" antsiènè a pi mburu éka ma kula ni. ⁸ Mburu nké è vi o ntsiè è mvè. Empi mburu è mvè, mburu djia é kuli é vurighi é mpi mburu nkma, moma a mpi mburu ékumi ana, akè ékumi ésiami émamo ékumi kumi. ⁹ "Ndè ndi mpini nkuru ali na a tsui mo yugha, o yughi!" ¹⁰ Ntini è Jésus a ki ndè otu, maki o mpanié na a kumi na vuèlè a lèghi ndè édughi ma lè mpini. ¹¹ Ndè na bo ndi," o bé lè ma ya mami a ndjiami. Ngha o Bari a dji aso oyira ma lé mpini. ¹² Obila bo o késè, bo a sélighi okésè ngha bo y mono ni. Bo ma yugha, ngha bo y yugha ni, djila kali bo akalighi mpili é Ndjiami ngha ndè obolighi bo." ¹³ Emana ndè na bo ndi " Bè lè ka yugha le mpini li ni? Bo o buna oyugha mami akma buni?" ¹⁴ Okuni okuna mbari. ¹⁵ Akè ma vuagha mo sièsè a ndjila biri ma kuni mbari. Ntini è bo ma yugha yo, djabiri o yi asisari otiési mbari è bo ma yughi. ¹⁶ Mamo a kuna o ntsiè a kélé, ba, ntini è bo ma yugha, mbari, a yalighi asisari na osuéré oso. ¹⁷ Bo si o kangha omo ognagha, na okini m'antini akè ntini ékè, ampasi na étsinighi mébi o bila o mbari, bo agnuru a koli. ¹⁸ Mamo ma kumi o ntsa antsièné. Bo ma yugha, ¹⁹ na kisa a ngo osolo na èdighi è bibi ékma égunighi è pihi mbari è ndjiami, ndè ya y ma buna okula ni. Moma mana, mburu è mo ma kuni o ntsiè è mvè. ²⁰ Emo ma kuni o ntsiè è mvè bo ma yugha mbari, ma basagho yo ma mpa mburu; aké ékumi étari, aké ékumi ésisiami, aké okumi kumi. ²¹ Jesus na bo ndi:" bé le bira lapi o ntsa ndjo mo lèghé ntsa ngara sihi ntsima ntari?" Bè le biri ntsa ndjo bè le baghi o yulu. ²² Mami mana yisagha mo djo odjiaba, ngha é ma yisighi ma djila o ya. ²³ bari kuna y buna o ya ni mvuru a li na a tsui mo yugha ndè yughi!" ²⁴ Ndè na bo ndi:" lè siagha oyèri o mami a bè lè yugha, ngha ossumbu a wè a wobogho a bugha ma djo owobo wè sè vua. ²⁵ A ma bosagha a yo o vuragha obasagha a li ognagha ma yo otsièsè si mè ma tchuomo na ndè." ²⁶ Ndè ndi:" mpughu è Ndjiami mbiri o kuni a kuna mburu ntsa ntsiè. ²⁷ Ndè a tsa tolo na mpibi o gnusighi na mui, mburu è tughi é yémighi si ndè obisa oya osumbu. ²⁸ Ntsiè é mpa mburu ndè ankulu lévusi othi, omana gnili ndè o wuli mburu. ²⁹ Ntimi é mbura é bié ndè yaghi bagha mo tsèbé ntini o tolo mburu è mi to." ³⁰ Ndè ndi: lè buna omitsagha bla yulu si koli lè mpini?" ³¹ Yo o ma ka le mburu lè vuli a mburu aso okièghè oyula ntsiè. ³² Okorogo, ntini mami kuna lo, lè kuli lévuli abugha, aso otélè o ntsa ngunu. Ndè o mpi ètha méla agnuyi a yulu a tui o tsina oyinghi o ndè." ³³ Bla lè mpini lè kuna mva li, ndè tusighi bo mbari è bo ma buni oyugha, ³⁴ lè mpini è ki y buna o yelè ntsa mbari è ndè ni. Ntini è kighi ndotu, ndè dughi mami aso na aluoni. ³⁵ Tchughu djia, na èkikolo, ndè odughi bo "le tsuè ngulu okéri." ³⁶ A luoni a Jésus a tsièghi a yeni bila ndé ndè ki o ya ntsa mburu. ³⁷ A mbugu akma aki ngha sè. Okuru o yi épubagha gninighi ntsa mbugu. Eluli m'andja. ³⁸ Ngha Jésus ndè aku a kighi lèmbisa lè mbugu, o tolo o biri è ndè. bo a gnusi ndè mo dugha:" è nkumu wè y mono mbiri bisi léli ntsa léku ni?" ³⁹ Ndè o ma gnusagha, ndè biè na okuru, na okeri onini ndi:" ka tuo!" Pièbi é wi," okéri o vurighi na ntsi. ⁴⁰ Ndè na bo ndi:" moma bè le mono vuogho? N'abu bè tari kali?" ⁴¹ Bo a moni vuogho. Bo a dughi ompanighi è bo: "yunga na? Si pièbi na okèri onini m'ognima ndè..