¹ Jésus o vurughi o gninighi ntsa ndjo é Ndjiami ekighi na nvuru a kuagho é ma kala. ² Bari a kè a kesighi ndè tuho mo mono yughu ndé a salagha ndè o tchughu è pulu. Mo banagha ndè. ³ Jésus o dughi na nvuru a kuogho é ma ka:«Saragha wè sura o mpanighi». ⁴ Emana, Jésus na bari :« Ma buna osa dja é mvè sikali è mbi o Tchughu é pulu, mo vusagha lebighi le mvuru si kali mo gnagha ndè okui?» Bo a ya pi. ⁵ Ndé okési bo bla nkala éso, ndé moni obi mo nono m'étima e bo, ndé na mvuru ndi :« Laba kuogho o wé.» Ndè olabi Jésus osalighi. ⁶ Onghingha, a Pharisiens a tughi mo vunugha bla na Hérodiens mo kura tsumu mo buma ndè. ⁷ Jésus bla aluoni a ndè a yeni osièsè okéri onini, bari kuna a wi na mpughu é Galilée na Judée, ⁸ Na Jerusalem éngundu é Judée, na Idumée na ngula Jourdain na a mpughu mali o mpani é Tir na Sidon; bari kuna ayughi mami a ndé asighi, a yi na basagha ndé. ⁹ Ndé na a luoni a ndè ndi mo yèsè mbughu è nkieghi o ndè, obila o bari maki na kuna, bo i ma djaragha ndè ni. ¹⁰ Ndé salighi bari kuna na mamo maki na angha asaghi otila ndé. ¹¹ Ntini èdidima mébi mé monighi ndè, bo awuri a vuo ovusu o ndé awuli ankma :« wè muana Ndjami» ¹² Ndè dughi na bo ndi bè léka siagha bari adjiabi mè ni. ¹³ Ndé okumi o yula okuri, ndé tuoli a ndé a dihi bo sè a yi o mpani è ndè. ¹⁴ Nde suoli kumi na vuèlè (a ndé a tuoli a luoni) mo ka bla ndè mo tuma bo na toso mbari, ¹⁵ Bla o nkumo mo tura édidima mébi. ¹⁶ Ndé suoli kumi na vuèlè: Simon, a ndé a mpi nkumi é Pierre; ¹⁷ Jacques muana Zébédée, Jean murighi a Jacques a ndé a mpi nkumié boanergès, mo dugha ndi muana ngari; ¹⁸ Na André, Phillipe, Barthélémie, Matthieu, Thomas, Jacques muana Alphée, Thaddée, Simon a Zelote, ¹⁹ Na Judas Iscariot a saghio soso ndè. ²⁰ E mana, bo a yeni ndjo, bari a vurighi a kughi bo a ki y ma buna o dja ni. ²¹ Ntini é nkuono éyughu, bo a yi na kuara ndè bo a dughi ndi ndè : « Mvuru otsa» ²² a téndi a mbari é Ndjiami ma wi Jerusalem ndi:« Ndè odidima o Béelzébul. Ngha nkumu édidima". ²³ Jésus o tuoli bo bo adjénighi ndé na bo ma lè mpini ndi: « Djabiri o tura djabiri buni? ²⁴ Yughu a mi kaba osi tso otsalighi, ²⁵ Yughu ndjo a mi kaba ndjo étsalighi. ²⁶ Yughu djabiri omi biè nkala na ndé anku, ndé ya mpari kali, nde y buna o djuana ni o kui. ²⁷ Mpini mvuru y buna o gnunugha ntsa ndjo é nga mpari mo djiba bibi é ndé yughu wé kini okura ndé éndi ni, djia biri wé ya a bunu o djiba bibi meli nrsa ndjo. ²⁸ Mè é dugha bè asisielé: « Ambini a bari aso ma yo obologho na étughi è bo; ²⁹ Okorogho bari ma bèsè na le tugha le oduduma santi yia mbini y buna o bologho ni.» ³⁰ Jésus a dughi vua obila o bari ma dughi : « ndé na odidima ébi». ³¹ Ngughu a ndè bla barighi a ndè a yi, bo a ki o ndji, bo a tumi mvuru mo tuolo ndè. ³² Bari a ki o ntsi a ma djènèghè ndè : « Ngughu a wè bla barighi a wè li o ndji ma sagha wè.» ³³ Jésus o kali ndi: « Ngughu a mè bla barighi a mè na?» ³⁴ Ndé o mana okèsè bari ma ki mama djènèghè ndé ndi : « le kèsè barighi na ngughu a mè. ³⁵ Mvuru a sa é dinghi é Ndjiami o ma ka muarighi à mè, nkéri à mé na ngughu à mè.