¹ Etsughu è ma yira, Jésus a vurighi Capernaum. Bari ayughi Ntsia ndi ndè o mi y a na vuragha o ndjo. ² Bari Kuma akugi ébiri èki é y a ognagha si mo gnua ndjo. Jésus sé o tosi mbari. ³ A Balagha oké a yi, na mvuru alèmè mpilé Jésus-Abalagha ana aki a ma Sara ndè. ⁴ Aki y buna o ya na ndè mpilè Jésus ni o bari maki na kuna. Bo a Kumi o yulu okami a ndjo a tubi bulu tèlé na Biri è ki Jesus. Bo a pisi olémè o vusu o Jésus o tolo o yulu osari a ndè. ⁵ Jésus omoni tari èki na ndè ma owuma. Ndè na olèmè. Muana mè mèmi bologho ambimi a wè aso. ⁶ Ngha a tèndi a mbari aki o ntsi ma wobo a ntsa étima èbo. ⁷ "Moma balagha yi è buna owobo bu? Ndè a bèsè oduduma santi! A buna obologho ambini ma na o ngula ndjiami." ⁸ Jésus o djiabi ndi bo ma wobo o bo angulu. Ndè na bo ndi " moma bè lè tsimigha mami mha ntsa étima è bè? ⁹ Dja lo nono è mi sila mo dugha Ambini wè mè mi bologho mo, shi wè tèmèghè wè djè! Yagha osari o wè lana? ¹⁰ Ovè bè le djiabi mbiri muana ndjiami na onKumu ma obologho ambini o yulu a ntsiè, ndè na olèmè: ¹¹ Saragha wè yagha osari wè djè ndjo wè" ¹² Ndè otemighi onghingha o yaghi okala o yèni bari aso a ya ma kèsè ndè. Bo aso a ya ntsa lékimi na le sigha la lumu mo dugha ndi:" bisi lé kini o mono bu na kala ni." ¹³ Jésus o tsièghi Capernaum o lani osiesé a ndjagha. Lemvuru le so leyi mpili é ndè, o yisighi bo. ¹⁴ Ontsa éyirighi è ndè o moni balagha Nkumi Lévi muana Alphée. Ndè akighi o ntsa ndjo atonighi ma lépo. Jésus o dughi ndè:" luona mè." Ndè sarighi o luoni Jésus. ¹⁵ A ntini a yiri Jésus o dji bila bo ntsa ndjo Lévi. A nga mbini Kuna na atonighi ma lépo a dji bila ndè na aluoni a ndè, bo aki na kuna mo luono ndè. ¹⁶ A tèndi a mbari è ndjiami mina a Pharisiens bo a moni Jésus a dja bila a nga mbini na atonighi ma lepo, bo a pisi a luoni a ndè." Moma ndè a dja bila a nga mbini na atonighi ma lépo?" ¹⁷ Jésus na oyugha vua na bo ndi:" Bari mali a nga kali kama o mvuru a salagha bo ognagha. Ongula a nga a ngaha mali na kama. Mé ka tuolo bari a tèlè ni, a nga mbini." ¹⁸ A luoni a Jean bila a Pharisiens a ki ndjala. bari akè a yi mpilè Jésus na ndè ndi:" moma a luoni a Jean na ma Pharisiens ma ka ndjala, ngha moma a me y ka ndjala ni?" ¹⁹ Jésus na bo ndi:" moma bari ma yi bala maka ndjala o ntini olumi okini bla bo? Lébighi lo lumi a kini bla bo, bo y ka ndjale ni. ²⁰ E tcughu mè yo oya ma tièse bo olumi, o ntsa èchughu bia o ma ka ndjala. ²¹ Mvuru y ma tua o tini o mfa ognarighi o yula otini o mfa okala ni, ndjila kali ovusagha mfa et kala na ègnarighi èkaghi évuli è kala. ²² Mvuru y buna olèghé mali ma gnarighi ntsa a mbina a kala ni, ndjila kali ambina abulighi, na mali na ambina a aso. Ovè olèghè mali ma gnarighi ntsa ambima sè ma gnarighi." ²³ o Tchughu è pulu, Jésus ndè a tina angunu ma gnarighi ma lumu aluoni a ndè a ki a ya ma bana obologholo mburu. ²⁴ A Pharisiens na ndè ndi:" kèsè mami bo ma sa momi mabi o tchughu è pulu?" ²⁵ Ndè na bo ndi:" bè lè kini o lira lè David asi o ntimi è ndè aki o ntsa kama na ndjala, (ndè bila bari ma ki bila ndè) ²⁶ Ndè a si buni ma ognunagha o ntsa ndjo ndjiami o ntini abiathar aki nkumu osi avuogho, ndè dji lè pèmbè le ndjiami,é maki moma ligha bari asho ongula ashi ma vuogho", ndè mpi na bari maki bila ndè?" ²⁷ Jésus ndi:" asi tchughu è pulu o bari asho ka bari ma vula tchughu è pulu ni. ²⁸ okorogo, muana ndjiami nkumu na o tchughu è pulu.