¹ Bi ébani è mbari è Jésus kris, muana Ndjiami. ² Mva ma tèndi o ntsa osangumu o ntuma ndè Esaïe: «Mono, mè é tuma ntuma mpili é wè, ndè a yo oyèsè ndjila é wè.» ³ Djui lé mvuru é tuoli ntsa kayi: "Le yèssè ndjila é nkumu; a ndjila a ndè oka tèlè." ⁴ Jean o yi mpa atème o ntsa kayi na le tosso lé mbari atèmè ma okala éku mo bologho ambini. ⁵ Osi o Judée oso na bari a Jérusalèm a yéni nindè. Ndè o mpi bo ateme ntsa okéri a Jourdain, bo akombisi mbini ébo. ⁶ Jean olassi obana o gnama na kuamba é mvunu, mo lèghè è ndé, ndè dji antèrèghè. Bila vughi. ⁷ Ndè o toso na lé dugha: «Mvuru a ya o ngula mè o vuli mè mpari, me li ka telé ma okumagha m'otsiese nde akorogho. ⁸ Mè ma mpa bè ateme m'andja, nghâ ndè a yo mpa bè atème ma oduduma santî». ⁹ O ntsa étsughu bia Jesu o wi na Nazareth m'oto Galilée, Jean o mpi ndé ateme tsa okéri a Jourdain. ¹⁰ Jésus o tuhi ntsa andja ndè moni yulu é ma nangha oduduma santi o surighi o yula ndè mva kumbi. ¹¹ Djui lé tughi o yulu: «Wè muana mè a dia. Wé asa osuèrè o mè.» ¹² Oduduma santi o tumi ndè mo djé o mpughu é kayi. ¹³ Ndè osi é tsughu è kumi éna, djabiri o lèghi ndè ntsa etsinighi mébi. Ndé aki bla a gnama a nkala, abandji ma djandja o ndé. ¹⁴ A mana okuara Jean , Jésus oto Galilée ma otoso mbari, ¹⁵ mo dugha ndi :« Antini a mi to, ndjila é yulu é ya tugha. lékala éku bé lé yalagha mbari é Ndjiami.» ¹⁶ Ndè o yiri o mpani okéri é Galilée, omoni Simon bla André a muarighi a Simon, bo ma tina pondji m'andja, bo aki ati a lobo. ¹⁷ Jesus o dughi na bo: « Lé yiagha lé luono mè , mo lobo bari.» ¹⁸ Oghingha bo a gnaghi apondji mo tura ndè. ¹⁹ Jesus aki oma tsuomo bo lévusu, ndè omoni Jacques muana Zébédée bla Jean okula ndé ; bo aki o ntsa mbunghu ma sèlèghè apondji. ²⁰ Ndè o tuoli bo, ngha bo gnili tara bo Zébédée ntsa mbughu mina a ndjadji bo a luoni ndè. ²¹ Bo a to Capernaûm, o tsughu é pulu, Jésus o yenî ntsa ndjo Ndjiami. ²² Bo akimi éyisighî è ndè , ndè ayisighi bo bla onkumu oso ka mva a tendi a mbari è Ndjami ni. ²³ Ontsa ngha, mvuru aki o ntsa ndjo é Ndjami è bo aki na odidima yébi éwulagha ankma. ²⁴ Mo dugha ndi : « O bisi lésa bila wè oma? Jésus a Nazareth ? Wè yina buma bisi? Me yiabi wè. Wè opendè a Ndjami !» ²⁵ Jésus obiè na odidima ébi : « Ka pi wè tugha!» ²⁶ Odidima ébi o tini ndè o ntsiè o tughi mo oyabagha nkara yulu. ²⁷ Okugha aso oya ntsa lékimi, bo aya ma pisa abugha :« Tso oma osa? Bi eyisighi m'égnarighi bla na omkumu oso? Ndè na onkumi o yulu édidima mébi bo ma gnima ndé. ²⁸ Ongingha antsia a yéni ma osi o Galilée oso. ²⁹ Bo a mana o tugha ntsa ndjo Ndjiami ayéni ntsa ndjo Simon na André bla Jacques na Jean. ³⁰ Ngha oko é Simon aki o tolo na obah, a wobi o ndè na Jésus. ³¹ Ngha ndè yi, o kuari ndé o kuogho o témighi, obah o tsiéghi ndè ya a Ndjandja o bo. ³² Ekikolo bia muhi va, ayi na ndè abieri aso na bari maki na édidima mébi. ³³ Ongundu oso otughi. ³⁴ Ndè salighi abiéri aso o turi édidima mébi, ndé oka gnagha èdidima m'owobo ni, bo aka a ma ya ndè. ³⁵ Ndé o gnusighi no entsieré é fu, tsughi eki kini onangha ni; ndé o yeni obiri è ndé aki ndotu mo vuono. ³⁶ Simon bla abugha ma sagha ndè. ³⁷ Bo abasighi ndè bo adughi ndi: « Bari aso masagha wè» ³⁸ Ndè ndi : « Le tshuè ébiri é kima ntsa éngundu méli opani é sabè me sè è toso mbari kua. Mono obila o mè é maya kuni.» ³⁹ Ndè tini mpughu é Galilée éso na o toso mbari è Ndjiami na lè tura l'édidima mébi. ⁴⁰ Ngha ébila oyi n'éndè. O pisi kolokolo, o wuri a vuho, na Jesus ndi: « yugnu w'adia wè a buna okala mè tsètsè.» ⁴¹ Jésus na nkérighi éso o labi kugho onami ndé o dughi ndi: « Mè è dia. Ka tsètsè .» ⁴² O ngingha ébila é tsiéghi ndè oya tsètsè.» ⁴³ Jesus oyiési ndè na nkala éso, o vuri ndè. ⁴⁴ Odughi ndè:« Oka dugha na mvuru ni Ndjièghè, yè na mono asi m'avuogho, mpa m'osumbu a Moïse a dughi.» ⁴⁵ Ndè o tughi o ya bana odugha na bari aso, otosi mbari, Jésus a ki buna oka gnenghèlè o ntsa mpini ongudu ni ngha ovua ndè oki la na bari bo sè awughi ébiri éso m'oya mpili è ndè.