¹ Etsuhi è Jésus ntcha ndjo é Ndjiami, oluoni a ndé omo ndi: "Nkumu, ma kèsè ma kèlè na ndjo!" ² Na ndè ndi: «Wè amono a ndjo m' anini ma? Moka yo mono kèlè oyula bugha ma kini tchala.» ³ Ntini è ndè aki o ntchi oyila okuri Olivier tèlè na ndjo e Ndjiami, Pierre, Jacques, Jean bla André apisi nde opani. ⁴ «Dua bisi ntimi è mami ma m'a yoya? andjimi ama o ntini e mami ma m'ayoya?» ⁵ Jésus obani o dua bô: « bè lési oyéri mvuru itasa bé ni». ⁶ Kuna ma yo ya o nkumi èmè bo a dugha "Me Krist" . Bo ma yo tasa kuna. ⁷ Ntini è bè le yua éta, na antsia m'éta, be lè monogho onguo ni. Mami m'a ovè ayi, ngha antini akini to ni. ⁸ Osi omo oyo djuana bla okima, mpughu bla mpughu nkima. Tsiè eyo gnigha m'ébiri kuna, bari akui o ndjala, bia ébani m'okula. ⁹ Be lé si oyéri. Bo ma yo mpa bè na ankani ma yo bére be ntcha ndjo è Ndjiami. Ma yo soso bé mpili lepatima na a nkani obila omè, mami mama dugha o bo. ¹⁰ Ovè asa toso mbari e Ndjiami ési èso. ¹¹ Bo otchuomo na okuara bé o'mpa be, leka mono onguo mo djà è be le dugha ni. O nghingha, le be ledua m'ayo mpa; ka be léya owowo ni, ngha odiduma Santi. ¹² Okulu bla muari mayo buma abughe tara ayo buma muana. Bana mayo djuana na nkuono, bo ma sagha ndi bo akua. ¹³ Bari ma yo bélé bé o nkumi èmè. Ngha wè oka bla me té léku avuhu. ¹⁴ Be sè omono mami m'abi , obir è mo ka sagha oka ni (mvuru a lira oyughi ), bari mali o Judée aduma ntsa ékuri, ¹⁵ mvuru ali oyula okami a ndjo i sura ni, nde sè ibira kila ni, ¹⁶ ali o ngunu iya na vra na yagha mfa ni. ¹⁷ Ndogho n'akasi ma li na muana na akima ma mpa bana abiélè, ntcha étchu bia. ¹⁸ Le vuono Ndjiami mami ma iya ma ngondo a mpèbè ni. ¹⁹ Moma, bari ma yo mono ampasi a bo ma kini mono o ntchiè ni na é Ndjiami a sumbi osi, ti lobi, kali l'eka mamono ampasi a vua ni. ²⁰ Ndjiami obisa okièsè étchu bia , ka mvuru si omo oka vugha ni. Ngha obila mo bana a ndé a suoli, yia biri è ndè a kiesè étchu. ²¹ Mvuru odugha bê ndi: "lè mono, Krist" si kali «lékése, nde a yu!». Bè lé ka léghé tari o nde ni. ²² Moma a Krist m'otchotcha ma yoya, bo se ma yo sa émagha, m'okisa, na bari a Ndjiami a suoli. ²³ Be lési oyéri! Me m'abana oyiésé bé le vusu. ²⁴ Ngha omana étchughu m'ampasi bia, tari éy'odima, ngondo aka ma mpa oyolala ni. ²⁵ Agnari ma wa oyulu, na mpari éli oyulu étchalagha. ²⁶ Ngha bo mayo mono muana Ndjiami aya ntsa lenguri bla mpari enini na lékuma. ²⁷ Nde a yo tuma abandji a ndé, ndé sè ayo kèsa bana a ndé m'esi éso, m'owa ntchiè ti yulu. ²⁸ Léyagha oyéri m'oti a mburu, oto ntini e ntagha è nde mémi la ba gha ntsusi sè éya e tsugha, be leyagha mbiri osibi omi ya. ²⁹ Be sè omono mami ma maya, bè leyagha mbiri nde oya tugha na ognua a ndjo. ³⁰ Asisièle, m'edughabè, bari a lobi ma ka sa kua ni na edjighi é mami ma. ³¹ Na yulu bla ntchiè ma yo yira, ngha mbari e mè éyoka. ³² Ngha mo tsughu n'antini mvuru i yani, si abandji o yulu, na muama, ngha Tara. ³³ Lésa oyéri! Leka muoh, sabe i yagha antini ni. ³⁴ Kari ngha mbri mvuru a yè opinga (ndè otchiéyi o gnili na andjandji mvuru na mvuru na djandja. Nde na okieli ndjo ndi ka tsiagha tolo ni). ³⁵ Leka muoh. Bè iya tsughu é nkumu a ndjo ayo ya na vra ni. Lèkè na mpibi, otima lempibi, o ntchusu a ntchomi, na étchièrè. ³⁶ Nde oya kru, ndé ibasagha bé antolo ni. ³⁷ A me e dugha bé ma, m'edugha na bè aso: "Leka muoh!"