¹ Ngha, Jesus o bani oyisagha bo ma lè mpini. Ndè ndi:" mvuru omo o kuni othi omo ndè olèghi okaghi o tsimi bila m'opia mali. Ndè o tuhi o ndjidjo mo kièlè biri ma pa mali ngha, ndè mpi othi na a ndjadja émana ndè oyéni ompigha. ² Antini a to, ndè tumi o djadji'omo mo yè na yagha mburu djuelè. ³ Bo a kuari ndè, a bèri ndè, a vuri ndè djiala ognagha, ⁴ Ndè ntumi ndjadji okma bo a djuasi ndè m'otchui bo a si ndè okuru. ⁵ Ndè tumi'okma bo a bumi ndè, bo a si akma osumbu yuyua, aberi akè abumi mamo. ⁶ Ndè a ki na mvuru akima m'otuma, muana ndè a dia yua mvuru a mbisa a ndè a tumi bo. Ndè ndi:" bo ma yo ognima muana mè." ⁷ Ngha à djadji a dughi'ompanighi'è bo:" mono osili na wanda. Le ya , le buma ndè wanda è sila na sabè." ⁸ Bo akuari ndè, abumi ndè a thumi ndè la na othi. ⁹ Ongha, othi o ma sa buni? Ndè a yo ya na obuna akièli m'othi ndè o mpa othi na bari akima. ¹⁰ Bè lè ka lira éténdi bia ni?" A ma sa kèlè a tuhi m'andjo ma tuni kèlè è mvè. ¹¹ E wi mpili è nkumu è ya ovè o misi a sabè". ¹² Bo a saghi okuara Jésus ngha bo a ki na vuogho o bari bo a ki a djiabi ndi ndè oki o ma wobo lè mpini lia o bo. Emana bo a gnili ndè a yéni. ¹³ Emana, bo a tumi ndè a Pharisiens akè na Hérodiens mo lèghè ndè oyèrè è mbari. ¹⁴ Bo a ma to, Bo na ndè ndi: " Nkumu, bisi lè ya mbiri wè a ka yugha mami a bari ni wè a ka siagha ombayi ompanighi è bari ni. Wè a yisagha mbari è ndjiami yémighi. Eli dja è yénighi mo wura lépo na César? Bisi lè buna o wura si kali? ¹⁵ Jésus a ki oya ompièlè na bo ndi:" bè lè lèghè mè ntsa étsinighi mèbi oma? lè ya na mè doro omo mè kèsè." ¹⁶ Bo a yi na ndè doro omo. Ndè na bo ndi:" olia ki ona ampri ma a na ?" Bo a kali ndi:" o César ." ¹⁷ Jesus ndi: " lé mpa César bibi mèli è ndè é Ndjiami na ndjiami ." Bo ya ntsa lékimi omissi à ndè. ¹⁸ Ngha, a Saducéens ma dugha ndi mvuru y buna o kua o gnisighi ni, a yi mpilè ndè. ¹⁹ Bo a pisi ndè: "Nkumu, Moise a tèndi o pisi, okulu o kua okari osila, bana kali, mvuru a buna oyagha okari okulu ndè o kuli bana. ²⁰ E kighi barighi ntsami; a ntsomi o yaghi okari, o mana o kui, a ka gnita bana ni ²¹ o yuèlè o yaghi o kui, djua sè a ka gnila bana ni. o tari osumbu djua. ²² Ontsami a ka gnila muana ni. E'mana okari o kui sè. ²³ M'ègnusighi, ntini è bo ma ya na vuragha ma lèbighi ndè o ma ka okari a na? Moma bo aso a ntsami a yaghi ndè ma okari." ²⁴ Jésus ndi:" djia ka biri è bè lè ma tomagha, bè y ya ètendighi ni, si mpari è ndjiami ni ? ²⁵ Ngha, ntimi e bo mo gnusagha o mpanighi è bari mana kua, bo ma ka yo o yè bola ni ma ka mva abandji o yulu. ²⁶ Ngha ma kui ma gnusagha, mè lè ka lira ntsa osangumu o Moise ni, o dja è nkarighi, osumbu a ndjiami a wobi na ndè o dughi:" me Ndjiami Abraham, Ndjiami a Isaac, na Ndjiami a Jacob?" ²⁷ Ndè ka ndjiami a bari mama kua ni, ngha a bari mali muho. Bè le ma tomagha kuna." ²⁸ Atèndi a mbari a ndjiami omo o yi o yughi è wobighi è bo; ndè moni ndi Jesus, oki mi kala bo yemighi. Ndè o pisi ndè:" ngri èvula a bugha yini? ²⁹ Jésus o kali:" yugha, Israel, nkumi a sabè a ndjiami, Nkumu omo. ³⁰ O vè wè dihi Nkumu a wè ndjiami o ntsa otima a wè aso, na oduduma wè, na étsimighi na mpari è wè". ³¹ Mono ngri kma o ndjuelè:" ovè wè dihi bugha mva wè anku." Ngri e'nini é vuli a vuèlè ma ognagha." ³² Otèndi a mbari a ndjiami ndi:" Nkumu! Wè ma dugha asisièlè mbiri ndjiami omo okuma a mva ndè kali. ³³ Wè dihi ndè na otima a wè aso, na èyughi è wè éso na mpari è ndè eso, na lè dia lébugha mva wè a ma dia gnuru è wè vuli avuogho aso." ³⁴ Jésus o moni ndi ndè kali mbari è ntsimi ndè ndi:" wè ka lala na mpughu è ndjiami ni?" Emana vua, mvuru a ka buna o lèghi Jésus èdughi ni. ³⁵ Jésus o kali o ntimi é yisighi ndè ntsa ndjo Ndjiami m'odugha ndi:" moma a tèndi a mbari è Ndjiami ma dugha ndi Krist muan David?" " ³⁶ David ndè anku ntsa oduduma santi ndi:" Nkumu o dughu na Nkumu a mè, ka o ntsi o kuogho o mè olumi tihi è mè ésa bari mama bèlè wè mo bagha mpari oyula bo." ³⁷ David ndè aku a tuologho ndè" Nkumu" gha moma ntuma a buna o ka muana David? bari kuna ma yugha ndè na ovè oso. ³⁸ Ontsa éyisighi è ndè, Jesus Ndi: " lésiagha oyéri o bari ma lasagha èringha m'èla na le woso ³⁹ ma è'biri ma lèbughu m'ébiri ma lévusu ntsa ndjo ndjiami na ma ntsinda. ⁴⁰ Bo ma pina a ndjo m'akuli n'a évuonighi m'ela ndi bari a mono bo. bari bha ma yo mono ambaba a kuna ntsa onghénèghè." ⁴¹ Ngha, Jésus a ya o ntsi ompani lénguli l'adoro, ndè okésighi bari ma lèghi adoro ntsa lénguli. A nga osolo a léghi adoro a kuna. ⁴² Okuli a ki mvunu kali oléghi adoro vuelè. ⁴³ Gha, Jésus o tuli a luoni a ndè ndi: " asisièlè mè è dugha bè, okasi okuli a mvunu kali a ndè a mpi é vuli a bari aso. ⁴⁴ Bo a ka mpa m'étima è bo éso ni. Ngha okuli a mvunu kali, lèmighi na kama e ki na ndè o mpi ador maki na ndè aso.