¹ Mono, o ntini è bo ma tsinighi o ampughu è Jérusalem, bo a kighi tugha ma aupughu a Bethephagé na Béthanie, ma okuri Oliviers, Jésus otumi oluoni a ndé vuèlè. ² Ndé na bo ndi: «lè yè ntsa pughu è li tèlè na sabè. Bè oto, bè o gninigha, bè lè mono muana ondomba a ma kura, mvuru okini okuma oyulua ndè ni. Lé nana ndé lè ya bla mè ndé. ³ Mvuru opisa bè: "Moma bè lésa vua," lékala ndè, "mbiri nkumu na kâma" ngha bo a gnili ndè asisari m'oya". ⁴ Bo a yéni a basighi muana ondombo a ma kura o ndji m'ognua ndjo é ndjila énini. Bo a nani ndé éndhi. ⁵ Bari akè ma kighi ngaâ na bo ndi: «Bé oma lésiagha o ngâa ma onana muana odombo.» ⁶ Bo o kali na bo ma o sumbu à Jésus à dughi bo. Bari bâa a gnili bo a yéni. ⁷ A luoni a vuèlè a yi na muana ondombo mpilè Jésus na lè lèghè lè angoyi abo Jésus okuma o yula ndè. ⁸ Bari kuna a yali angoyi a bo o ndjila, moma a yali e'nkièlè m'éba é bo ma tsébi ntsa angunu. ⁹ Ma yénighi lévusu na ma turighi bo a huli ankma : "Hosanna! lé vé mvuru à ya o nkumi è nkumu. ¹⁰ Lé vè m'onkani è ya o tara sabè David! Hosanna ntsa ébiri é nkara yubu! " ¹¹ Emana Jésus ognunighi o mpugu è Jérusalem o yéni ntsa ndjo Ndjiami, o kési mami aso. Tsughu éki émalabagha, ndè oyéni o mpughu é Béthanie bla bari a kumi na vuèlè. ¹² Eto na èntsierè ntini è bo ma wi na Bethanie, Ndjala éshi ndè. ¹³ Ndè o thali olala othi a mburu a kighi na tchusi, ndé o yéni na kèsè ma omono yughu ndè a buna obasagha kila. Ngha ndè a ka basagha kila ni ongula ntchusi ntu, obila osibi a mburu éki kini oto ni. ¹⁴ Ndè o wobi ndi: « Mpini mvuru a ka ma dja mburu é wè ni.» A luoni a ndé a yughi osumbu éwobighi ndè. ¹⁵ Bo a to Jérusalem, ndé ognunighi ntsa djo Ndjiami ma otura a nga obunghu na bari ma sumighi bibi Ntsa ndjo è Ndjiami . Na le suma l'ambigha ¹⁶ Ndé oka gnila mvuru ma obira ntsa ndjo Ndjiami bibi ma sumighi ni. ¹⁷ Ndè o yisighi bo ma odugha ndi: «Akini o tèndè ndi: "Ndjo mè, ma djila otuolo ndjo ovuoni mo bari a m'ési eso ni?" Gha bé lémasa ndjo è mbéghin.» ¹⁸ Ashi ma avuonghi na a téndi a mbari é Ndjiami a yughi mva è ndé a wobighi. Bo aya ma sagha osumbu o buma ndè. Ngha, bo a kighi na vuogho o ndé obila o bari makighi ntsa lékimi ma éyisighu è ndé. ¹⁹ Ekikolo étho, bo a tsièghi ongundu. ²⁰ Bo a yiri o ngha n'entsiéré, bo a moni othi à mburu oma kha Ndjihi èkangha. ²¹ Pierre o yibighi ndi: « Nkumu, kèsè! Othi a mburu a wé a loghi o mi khâ.» ²² Jésus o kali ndi: " Lè leghè Tari o Ndjiami. ²³ Asisièlè mè è dugha bè, mpini mvuru adugha na okuri saraga wè va ntsa okèri onini, y ka na èkèni ntsa otima ndè ni, ngha ndè o ki na tari mbiri mami a ndè adughi ma yo sa, ma mami ma djo osa Ndjiami. ²⁴ Ngha, mè è dugha bé a bè lè vuono na le pisa, bè lè yaligha mbiri bè lè ma basagha, é ya obé. ²⁵ Ntini è bè lèli mo télé ma ovuono, ovè bé lè bolighi mabi aso mali na bè o mvuru, ngha Tara a bè ali oyulu obolighi bè mo mami a bé mabi. ²⁶ Nga bé obisa obologho, Tara a bè ali o yulu y buna obologho ambini a bè ni.» ²⁷ Bo a yi na vuraga Jérusalem. Ntini è Jésus a lanighi ntsa ndjo Ndjiami ashi ma vuoghi, na a téndi a Mbari è Ndjiami, na akuru a yi mpili è ndé. ²⁸ Bo na ndé ndi: « O kini o onkani wé asiagha mami mu? A ma mpa wè onkani m'osha mo na?» ²⁹ Jésus o kali ndi: Mè sè élèghè bé odughi. Lékala mè, ngha mè dugha bè ankani o mè é siagha mami mhâ. ³⁰ Atêmé à Jean àwighi na yulu si kali na bari? Lèkala mè.» ³¹ Bo a ya ma wobo o mpanighi ébo ma odugha ndi: «Sabè odugha, " èwa na yulu," ndé o dugha ndi, "bè lè bisi oyalagha ndè momo?» ³² Ngha sabè odugha, "è wa na bari"». Bo a kighi na vuogho o bari, obila o bari asho a ki ndi Jean o ma kagha ntuma a Ndjiami. ³³ Bo a kali na Jésus ndi: «Bisi y ya ni.» Jésus na bo ndi: «Na mè sè mè èka dugha bè onkami omè ésiagha mami ma ni.»