¹ Jésus o Tsiéghi biri djia ndè o yeni osi o Judée ngula okeri a Jourdain, bari a vurighi ayi n'èndè. Ndè vurighi o yisighi bo, mva o ndè a bani osiagha. ² A Pharisiens a yi mpile ndè, mo lo ndè o ntsa ètsinighi mèbi:" yo nga dja è mvè olumu a buna obisa okari'a ndè ma oyagha okma?" ³ Nde o kali ndi:" Moise a dughi bè ama?" ⁴ Bo ndi:" Moise adughi na balagha m'otende osangumu mo tsala bala mana ndè turi ndè." ⁵ "Ekighi m'étima e bè m'onono," Jesus o dughi na bo. ⁶ Ngha èbanighi m'èsumbi, Ndjiami o si bo okasi bla balagha. ⁷ O ntchuo yia, banigha è tsièghe ngughu na tara obaghi okari, bo vuèlè a ya mvuru omo. ⁸ Bo a ya ka vuèlè, mvuru omo. ⁹ Ngha a ndjiami a ma vusagha okma y buna o tsala ni. ¹⁰ Ntini è bo maki ntsa ndjo, a luoni a ndè a vurighi a lo ndè èdughi o dja yia. ¹¹ Ndè na bo ndi: mvuru a bisi okari a ndè o baghi okma ndè asi ntchuma. ¹² Ndè otsalagha bla oluma ndè o bagha okma, ndè si ntchuma. ¹³ Emana bari a yi na ndè bana a bo m'enkerè mo nama na bo. Ngha aluoni a biè na bo. ¹⁴ Jesus na omono vua o moni o bi ndè na bo ndi:" lè gnagha bana m'inkèrè a ya n'èmè, be lè ka ligha bo ni, osi oyulu aka bari mali mva è'nkèrè. ¹⁵ Asisièlè mè èdugha bè, mpini mvuru ali y basagha ndjila è yulu mva muana onkerè, a ka gnunugha ni. ¹⁶ Ngha ndè yaghi bana o ntsa djiala è ndè, ndjiami o mpi bo andoso ndè o lèghi bo djiala o yulu è tchu. ¹⁷ Ndè na obana opnga, mvuru omo oyi'mpilè nde m'antini, owuri a vuo o pani ndè, o pisi:" nkumu ovè me osa buni ma obasagha lèbighi lèli y wa ni?" ¹⁸ Jésus ndi:"wè atuolo mbiri mè nkumu ovè moma? Vuru ovè ognagha, o ngula ndjiami otu. ¹⁹ Wè ya angri:" wè y buma ni, wè y sa ntchuma ni, wè y djiba ni, wè y banagha ni, wè y yagha kila o mvuru ngori ni. Gnima tara a wè bla ngughu à wè." ²⁰ Balagha è dughi:" nkumu, mè mi gnima mami ma aso mo bana obusi omè." ²¹ Jesus okesi ndè o dihi ndè. Ndè ndi:" è mi yelè wè kila omo. wè sumbasa bibi meli na wè eso wè mpa djo na bari a mvunu kali; wè bagha osolo o yulu. Ngha wè ya wè luono mè." ²² Ndè o moni o bi o mbari djia ndè moni o bi ndè oyini, ngha nde aki na osolo kuna. ²³ Jesus o kesi o mpani è ndè na a luoni a ndè ndi:" yo ngha dja onono ma nga osolo a mo yè yulu!" A luoni akimi ewobighi è ndè. ²⁴ Ngha Jesus o vurighi odughi na bo:" bana, yo ngha dja onono mo bagha djala o yulu! ²⁵ Onono kali ma gnama onini mo gnunagha ontsa bulu è sori, mo nga osoo mo djè yulu. ²⁶ Bo a ya ntsa lèkimi lènini, bo adughi ompanighi è bo:" a buna ovugha na?" ²⁷ Jésus okesi bo o dughi:" dja onono o bari ngha ka o ndjiami ni. ndjiami a buna mami aso." ²⁸ Pierre o bani o wowo bla ndè:" mono bisi lè mi gnila eso, bisi lè mi luono wè." ²⁹ Jésus ndi:" a sisièlè mè e'dugha bè, mvuru si omo a ma tsièghè ndjo ndè, si kali andumi à ndè, si kali a nkeri, na nguhu, na tara, na bana, ntsiè, obila o mè, ³⁰ na o mbari, wè a yo o basagha bibi bia kuna kuna: a ndjo, a ndumi na ankeri, a ngughui, bana na ntsiè ntsa ampasi, ontsa osi o yo o ya, lébighi le mbumbu. ³¹ Ngha kuna m'ali levusu ma yo ka lembisa; ambissa ma djo o ka lévusu. ³² Bo a kighi o ndjila ma kuma Jerusalem, Jesus a yè lévusu. A luoni aki ntsa lèkimi, ambisa aki na vuogho. Ngha Jésus o vurighi o dhimi, gnuru bla a luoni a ndè a kumi na vuèlè, ndè bani odugha bo mami ma ya o ndè. ³³ Lè yugha! Sabè lè kuma na Jérusalem asi m'avuogho na a tendi a mbari è ndjiami. Bo a leghi ndè mo ongheneghe a léku. A mpi ndè na bari ma kini oyalagha ndjiami ni. ³⁴ Bo ma yo sebe ndè, atura a ntayi oyula ndè, étsughu étari è yiri, ndè a yo gnusagha." ³⁵ Jacques na Jean, bana a Zébedée, a yi mpilè ndè ndi:" nkumu, le sagha wè sa mami oso a bisi le pisa wè. ³⁶ Nde na bo ndi:" o be lè sagha me sa bè ama?" ³⁷ Bo ndi:" gnila bisi mo ka bla wè o ntsi ntsa lekuma le wè, yu o kuogho oluomi, omo o kuogho ombogho." ³⁸ Jesus o kali bo:" bè y ya kila o bè le pisa ni. Be le buna ognua kobo a mpasi si kali ma o bagha ateme a mé yo obagha?" ³⁹ Bo na ndè ndi:" bisi le buna." Jesus na bo ndi: " kobo a mpasi a mè è yo ognua, be le djo ognua. Be le bagha atemi ambri a mè è baghi. ⁴⁰ Ngha o mami ma kesè mvuru a yo oka o ntsi o kuogho o mè olumi si kali o kuogho o mè o mbogho, ka ma è mpa ni, o bari maki mama yèsè. ⁴¹ Ntini a luoni a kumi ma yughi, bo a bani o bira nkala o Jacques na Jean. ⁴² Jesus o tuoli bo mpilè ndè ndi:" bè le djiabi mbiri bari mali ankumu a bari mali lala na ndjiami, a kuru mali la na ndliami, a kuru mali bla bo a ki na o nkumu o yula bo. ⁴³ Ngha y buna oka vua onkesè bè ni mvuru a sagha oka okuru ompanighi è bè ovè ndè ondjandji o bè; ngha a sagha oka lévusu la bugha ovè ndè ki oyigha abugha. ⁴⁴ Muana ndjiami a ka ya mbiri a dja dja o ndè ni, ndè mvuru a djadja ma bugha ⁴⁵ Ndè o mpa lebighi lè ndè mva vuogho o bari kuna. ⁴⁶ Bo a to Jericho. Bo a ya ma tsièghè Jericho na a luoni a ndè, muana Timée, Bartimée, mvuru a misi kali aki o ntsi mo sièsè o wombo mo pisa adoro. ⁴⁷ Ndè o ma yugha ndi. Jesus a Nazareth oli o ndjila, o ya wula ankma ndè a dugha:" Jesus muana David, mono mè nkerighi!" ⁴⁸ Bari kuna a biè na mvuru ali misi kali, bo a dughi ndè ma oka pi. Nde o selighi o wula ankma:" muana David, mono mè nkérighi!" ⁴⁹ Jesus o suri, o dughi bo mo tuolo ndè. Bo a tuoli mvuru a misi kali, ndè ndi: " sa mpari! Saragha! ndè a tuolo wè" ⁵⁰ Ndè o tini lengoyi le ndè o pani, o gnarighi, ndè yi mpilè Jesus. ⁵¹ Jesus o kali ndè ndi :" a wè a sagha me sa wè oma?" Mvuru a misi kali, ndi :" Nkumu me é sagha omono. ⁵² Ngha Jésus ndi " djiè. W'omi wuma obila otari e wè" onghingha, nde oyamono, oturi ndè ondjila.