¹ Tsinda è Paques è pembè è sami sami éki émi sila étchughu djièlè. A Nkumu a ndjo ndjiami na atèndi a mbari é Ndjiami asayi osumbu m'okuari Jésus m'obuma ndè. ² Bo adughi:" ka o ntini é tsinda ni, ntsaki bari a temighi." ³ Ntini é Jésus aki o Béthanie ntsa ndjo Simon nga ébila, ntini è ndè adjighi, okasi omo ognunighi bla oyombo a mvunu, obuli pamba oyombo adjirighi o yulu otsui a ndè. ⁴ Mamo amoni obi. Bo oya m'awobo ompanigui è bo: "bo m'ebisa oyombo m'oma. ⁵ Oyombo yu aki m'abuna osuma o mvunu è nini, ampi na bari a mvunu kali." Bo a bie na ndè. ⁶ Jésus ndi:" lègnila ndè tuo. Bè lésa ndè obi m'oma? Ndè omi sa dja lèvè o mè. ⁷ Bari a mvunu kali ali bla bè étsughu eso, gha antini asiso a bè lè dia, bè lè buna osa bo lèvè, ngha, bè léka yo ka bla mè étsughu eso ni. ⁸ Ndè osi a ndè abuni osa. Ndè opirighi me mari m'otsui m'obana oyèsè leku lè mè. ⁹ Asisièlè , m'édugha bè; mbiri m'ébiri éso ma toso mbari é è Ndjiami m'ési eso, mami m'okasi akini m'osa, m'ayo o wobo o ndè." ¹⁰ Ngha, Judas Iscariot, omo o ntsa bari akumi na vuèlè, oyini mpili ankumu m'asi m'avuogho ndè asaghi ompa bo Jésus. ¹¹ Asi m'avuogho ayugha, bo amoni ovè alèghi ndè ndaghi m'ompa ndè adoro. Ndè osaghi osumbu m"ompa Jésus na bo. ¹² Tsughu é Ntsomi é pèmbè é sami sami, é bo m'abumighi èndombo mo tsinda è paques, aluoni a ndè a pisi ndè:" wè a sagha lèma lama bila é tsinda è paques kuni wè sè dja?" ¹³ Ndè otumi aluoni vuèlè o ntsa aluoni a ndè kumi na vuèli o dughi bo:"leyè ntsa ongundu, bè lè mono mvuru ali na mbasa andja, lè luono ndè. ¹⁴ Ntini é ndè a yo gnunagha ntsa ndjo, lè luono ndè lè dugha na nga ndjo, Nkumu a pisa:" otini o ndjo o mèyo dja bila è Paques bla aluoni a mè oli kuni?" ¹⁵ Ndè ayo lagha bè yulu a ndjo, otini è ndjo onini mama yèsè. Lè lama kua. ¹⁶ Aluoni ayini ntsa ongundu. Bo abasighi mami m'osumbu a ndè a dughi bo ngha bo alami bila é Paques. ¹⁷ N'ékikolo, ndè oyi bla aluoni a kumi na vuèlè. ¹⁸ Bo ato biri odja, Jésus ndi:" asisièlè m'édugha bè, mvuru omo o mpanighi é bè a dja bla mè ay'ososo mè." ¹⁹ Bo aso amoni obi, mvuru namvuru opisi ndè:" kamèmi mba vua bè". ²⁰ Jésus na bo ndi: " omo o ntsa bè. Akumi na vuèlè atuba lempembè o ntsa kobo. ²¹ Muana ndjiami oyo tsièghè ntsa osi ki. Mva tèndè. Ngha, ndogho é o ya mvuru a soso muana Ndjiami! Tata mvuru yua i kula ndè ni". ²² Ntini é bo m'adjighi, Jésus oyaghi lè pèmbè, ovuoni, otsèbi. Ndè ompi bo ndi:" leyagha yo gnuru é mè". ²³ Ndè oyaghi kobo è mali, ovuoni, ndè ompi bo, agnui. ²⁴ Ndè ndi, " yi tohi è mè élagha o ndighi, Tohi eyirigha o bari kuna. ²⁵ Asisièlè m'édugha bè, m'éka ma gnua ni, tihi na émè vuragha ognua o yulu." ²⁶ Bo amana o sigha lumu mo, bo ayéni okuri oliviers. ²⁷ Jésus ndi:" bè aso le duma mè a ma tèndè ndi: endombo étsalagha. ²⁸ Ngha mè omana ognusagha, mè tsuomo Galilée ²⁹ Pierre ndi:" si abughu o duma , mè éka duma wè ni." ³⁰ Jésus na ndè ndi: asisièlè m'édugha wè lèmpibi li tsusu okini kuogho amighi muèlè ni, wa yo tuna mè amighi atari." ³¹ Pierre ndi:" si m'okua bla wè m'ibuna otuna wè ni." Bo aso adughi dja mo. ³² O ngha, bo ato obiri Géthsémane Jésus n'aluoni a ndè ndi:" léka o ntsi ngha m'èyè n'avuono." ³³ Ndè ayaghi bla nde Pierre, Jacques na Jean, ndè omoni vuogho otima osi ndè obi. Ndè ndi:" ³⁴ odiduma o mè oli o ntsa vuolo ti lèku. Lèka ngha bè i tsa tolo ni." ³⁵ Jésus otsini mvabu, ovi o ntsié omoni vuogho atari aki aya m'atsima. ³⁶ Nde ndi:" Abba Tara, mami aso w'ébuna tsisa kobo ampasi la na mè. K'édinghi è mè ni, ngha edinghi è wè. ³⁷ Ndè oyi n'akuragha bo ali ntsa antolo ndè na Pierre:" Simon, w'aya tolo? W'aki ibuna oka muoh otari mo ni ?" ³⁸ Ka muho vuono ntsaki wè pisighi ntsa étsinighi mébi. Oduduma na édinghi mè vè akabi mpari kali.". ³⁹ Ndè ovurighi na vuono na odugha mami mima. ⁴⁰ Ndè oyi n'avuragha, obasi bo antolo, misi aki ami lèmè o tolo bo aki iya dja m'adugha ndè ni. ⁴¹ Ndè oyi n'avuragha m'okru otari ndé ndi: " bè lèkili l'étsa antolo bo léwuma? Emito! Antini a mi to. Muana Ndjiami aya m'a mpa ndè odjiala m'anga mbini. ⁴² Le saragha, lè tsuè. Lémona, mvuru a soso mè, oya tugha." ⁴³ Ntini é ndè a wobighi, mono Judas o ntsa bari akumi na vueli, oyi bla bari kuna na adjuho na ankumagha m'atumi ankumo a ndjo Ndjiami na aténdi a mbari è Ndjiami na akuru. ⁴⁴ Judas oki o na lagho bo ndimi, ndi:" mvuru a mè èyo yamba, mvuru djua. L'ékuara ndè bè lèkièlè ndè yèmighi. ⁴⁵ Ntini é Judas ayi, ndè oyini tèlè na Jésus, ndi: " Nkumu", ndè oyambi ndè. ⁴⁶ Bo akuari ndè. ⁴⁷ O nghingha omo otusighi bagha, obèri adjandji osi avuugho otsebi ndè tsui. ⁴⁸ Jésus ndi:" bè aso lè kunagha mè mva oyibi kuba, n'abagha bla ankuma m'okuara mè? ⁴⁹ Ntini ém'èki bla bè m'eyisigha etsughu eso o ntsa ndjo Ndjiami, bè lèka kuara mè ni. Mami ma aso m'aya m'osumbu m'atèndi." ⁵⁰ Aso m'aki bla Jésus agnili ndè a dumi. ⁵¹ Ondjambu a balagha oluoni ndè, na olèmbè ognuru. ⁵² Bari a kuara ndè, odumi otaba mfa ésili. ⁵³ Bo a biri Jésus mpili osi ovuogho, biri è ndè avunighi bla ankari a ndjo Ndjiami, akuru, na atèndi a mbari è Ndjiami. ⁵⁴ Pierre aki aluoni ndè m'ayisighi ognunighi ntsa lèbughu l'osi avuogho ndè oki ontsi ompanighi aworo m'aki o pani ma yoro mbah. ⁵⁵ Nkumu ankani a ndjo ndjiami, na ankani aso, asayi mami m'obanagha Jésus m'obuma ndè. Bo oka basagha ni; ⁵⁶ Kuna aki m'adugha ékini o ndè; mami abo m'adughi ékini. ⁵⁷ Mamo atémighi m'odugha mami m'ekini o ndé. Bo ndi : " ⁵⁸ bisi le yughi ndè adugha m'èyo tsala ndjo Ndjiami m'atuhi o djiala è bari ngha m'etsughu etari, m'etua nkima m'ali tua o djiala ni." ⁵⁹ Si o dja yia, bo aki iyugha abugha ni. ⁶⁰ Osi avuogho onini otémighi ompanigui ébo opisi Jésus:" we dja akala ognagha? Mami a bari m'adugho o we ama? ⁶¹ Ndè oya pi ikala dja ni, osi avuogho opisi ndè wè Krist, muana ndjiami?" ⁶² Jésus okali ndi:" mè nghamuana Ndjiami, we a djo mono muan Ndjiami ontsi okuogho olumi ompari aya o ntsa lènguru léyulu." ⁶³ Osi avuogho onini okasighi amfa a ndè ndi.:" sabè lé kini na kama o mvuru a momi? ⁶⁴ Bè lèyughi etughi è ndè, bè lè dugha mbiri lésa ndè buni?" Bo aso alèghi ndè onghènéghé mva mvuru ali ovè okui. ⁶⁵ Mamo aturi ndè antayi awughi ndè olia abuli ndè ampali ndi:" dugha ésisighi!" Aworo abiri ndè n'abuna ndè. ⁶⁶ Pierre okokokini ntsa lèbughu lé ntsi, okasi adjandji bla osi avuogho oyi na mono ndè. ⁶⁷ Omoni Pierre opani a yoro mbah. Ndè o pani ndè. Emana , ndè odughi ndè:" wè sè aki bla Nazaréen, Jésus." ⁶⁸ Ngha ndè tuni, m'odugha: " mè y djiaba ni me sé y yugha mami a wè a wobo ni ". ⁶⁹ Ngha kua o ndjadji o vurighi o thali ndè, oya obana odugha na bari m'akighi o nga: " balagha yi oli bla bo!" ⁷⁰ Ngha ndè ovurighi otuni. Antini akè ayiri, maki ngha na Pierre: "wè ngha okè mvuru a bla bo; moma wè sè Galiléen." ⁷¹ Ngha , ndè obani oka o ntsina ndogho m'oloba:" m'iya mvuru a bè lè wobo o ndè yu ni." ⁷² Ngha, ntsusu okuoghi okru o yuèlè. Pierre o yibili mbari é Jésus awobi bila ndè ébanighi é ntsusu a kuogho m'okuru o yuele wè a tuna mé amighi a tari" ndè ya alila..