¹ Abugha a dia, bè lè ka yalahga édidima eso ni. Ngha, bè lè ki n'ambalagha mo djiaba yughu djo èduduma è ndjiami, ² m'obila antuma mabè a mo ya o yulu antsiè. Ngha o vuo bè lè yo djiala oduduma ndjiami. Eduduma à djuabi ndi Jesus Krist o ma ya m'akabi o ma kagha oduduma ndjiami, ³ odidima ali y djiaba Jesus ni ka odidima a ndjiami ni. kia adidimo èbi o bè le yughi ndi è ya, ngha, o mi mana o ya o yulu antsiè. ⁴ Bè bari a ndjiami, bana a mè, bè le ma vula bo, obia mvuru ali o bè o vuli onini o mvuru a yulu a ntsiè; ⁵ kia o bila mami a bo ma dugha aso mami a yulu a ntsiè bari a yulu a ntsiè ma yugha bo. Sabè bari a ndjiami. ⁶ Mpini mvura a djiabi ndjiami a yugha sabè. Ngha a li ya ndjiami y yugha sabè ni. O vua sabè le djiaba oduduma asisièlè na è tosagha bari. ⁷ Abugha a dia sabè lè abugha; ngha dia o wagho mpilè ndjiami; mvuru ali na dia muana ndjiami ndè sè o djiabi ndjiami. ⁸ Mvuru ali dia kali ndè ka muana ndjiami ni; ngha ndjiami dia. ⁹ O mami ma dia è ndjiami a laghi yo o mpanighi è sabè: ndjiami'o ma tuma muana ndè omo o yula ntsiè sabè lebagha lèbighi o ndè. ¹⁰ Ngha yo o ma kagha dia, ka sabè le ma dia ndjiami ni, ndè mvuru a mo dia sabè, ndè tumi muana ndè m'okua m'ambini a sabè. ¹¹ Abugha a dia, yughu ndjiami a ma sèlèghe o dia sabè, ovè sabè le dighi abugha. ¹² Mvuru o kimi o mono ndjiami ni. sabè o dia è ndè è djadja yemighi o sabè. ¹³ Ovua, sabè le djiabi mbiri sabè lè lè li'o ndè, ngha ndè sè oli o sabè, obila nde o ma mpa sabè oduduma santi à ndè. ¹⁴ Sabè sè lè ma mono lè yalighi mbiri tara o ma tuma muana mo ka ovusighi. ¹⁵ Mpini a djiabi ndi Jesus muana ndjiami, ndjiami oli o ndè sè oli o ndjiami. ¹⁶ Ngha, sabè le ma djiaba dia è ndjiami, ndjiami sè o ki o ndè. ¹⁷ Obila o mami ma, dia yia dia è mvè ampanighi è sabè le bogha lila o tchughu o pami, m'osumbu E li ndè, sabè sè leli m'osumbu a sabè sè leli o yulu a ntsiè. ¹⁸ Vugho o ntsa dia ognagha, ngha dia è djadja è tsièsé vuaogho, vuogho o ma kagha mbiri nkala è ndjiabi è mbumbu o yula wè. Mpini mvuru a li na vuogho o kini o ka telè o ntso dia è ndjiami ni. ¹⁹ Sabè lè dia obila ndjiami o ma bana o dia sabè lè vusu. ²⁰ Mvuru o dugha ndi: " me na ndjala ndjiami" gha ndè bèli bugha, ndè na osami. Mvuru a li y dia bugha le ndè a mono ni y buna o dia ndjiami a ndè kini o mono ni. ²¹ Ngha, mono ngri è sabè leli na yo: Mpini mvuru a li na ndjala ndjiami ovè ndè udili bugha.