¹ Mpini mvuru a yalogha ndi Jesus Krist muana ndjiami. Mpini mvura a dia tara a dia muan a ndè a kuli sè. ² O mami ma, sabè le djiabi mbiri sabè na ndjala bana a ndjiami: o ntini è sabè le dia ndjiami na le gnima l'angri a ndè. ³ Mono dia è mo ndjiami: sabè le kièlè angri a ndè. Angri a ndè onono kali. ⁴ Mpini mvuru a ndjiami a kula vuli mpari o yula ntsiè. Mono mpari' è vuli o yula ntsiè: tari è sabè. ⁵ Mvuru a ma vula mpari o yula ntsiè na ? mvuru a yalagha ndi muana ndjiami. ⁶ Le mono mvuru a yi bla a ndja na toghi: Jesus Krist. Ndè a ka ya na andja atu ni, ngha andja bla toghi. ⁷ Gha bo ali a tari mo dugha mami ma: ⁸ oduduma, andja bla togo. Bo atari ma yugha abugha. ⁹ Sabè o basagha mami a bari ma dugha mami, a ndjiami a vuli onini. Gha mami a ndjiami ndè a wabi sabè o muana ndè. ¹⁰ Mpini mvuru a yalagha muana ndjiami ndè na mami a ndjiami o ndè. Mpini a li y yalagha ndjiami a sa ndè oka ngha osami, obila ndè a ka yalagha mami a ndjiami a wobi o muana ndè ni. ¹¹ Mono mami: ndjiami o ma mpa sabè lebighi le mbumbu, lebighi lia leli o ntsa muana ndè. ¹² Mvuru ali na muana na lèbighi kali. ¹³ Mè ma tèendè bè mami ma , bè le djiala mbiri bè na lebighi lè mbumbu, bè lè ma yalagha o nkumi è muana ndjiami. ¹⁴ Ongha, mono lila le bisi le ma lèghè ovusu o ndè, mpini kila lè pisa ndè o ntsa èdighi è ndè , ndè a yugha sabè. ¹⁵ Ngha, sabè o djiaba mbiri nde a yugha sabè, mpini kila lè pisa ndè, sabè ledjiab mbiri le mi basagha kila lè pisi ndè. ¹⁶ Mvuru o mono bugha a sa mbini éli tuma ndè lèku ni, ovè ndè o vuoni, ngha ndjiami o mpi ndè lébighi. Me è wobo o bari ma li na mbiri éli y tuma leku ni. Eli na mbini è tumagha mvuru lèku; me ka tuma bè m'ovuono o lia li. ¹⁷ Mami mali ka tèlè ni o ka mbini Ngha éli na mbiri mo eli y tuma mvuru lèku ni. ¹⁸ Mami mali ka tèlè ni o ka mbini. ngha eli na mbini mo eli y tuma mvuru lèku ni. Sabè le djiabi mbiri mpini mvuru ali muana ndjiami y sa mbiri ni ngha mvuru ali muana ndjiami o ma mono ovugha, nga mbèlè y buna osa ndè mami mabi ni. ¹⁹ Sabè le djiabi mbiri sabè bari a ndjiami ngha djabiri oli yula ntsiè èso. ²⁰ Sabè le djiabi mbiri muana ndjiami a a ya o ma mpa ssebè oyeri mo o djiaba mvuru ali a sisièlè. Ngha sè sabè leli o ntsa mbari aisisèlè, mo muana ndè Jesus Krist. Ndè ndjiami a djadja na lebighi leli y wa ni. ²¹ Bana a mè, lè duma a ndjiami m'otsotsa.