¹ Le mono dia e tara a ma mpa sabè, a tuolo sabè bana a ndjiami, sabè sè bana a ndjiami! Ma antchuo ma. Bari a yulu a ntsiè i ya sabè ni, bo a ka ya tara ni. ² Abugha a dia, sabè le ya bana a ndjiami, è sabè lè yioka akini o lagha ni. sabè lè ya mbiri Krist a yo owasigha, sabè le ka mva ndè, sabè le mono ndè ma osumbi eli ndè. ³ Mpini mvuru a li na lila o ndè o tchuki gnuru èndè, mva o ndè aku ali tsetsè. ⁴ Mvuru akini m'osa mbini na le bisa l'ogima l'angri, gha mbini lè pisa l'ognima l'angri. ⁵ Be lè ya mbiri Krist a wasighi na disa ambini à sabè, ondè mbini ognagha. Mpini mvuru a li o ndè i ma selèghè osa mbini ni. ⁶ Mpini mvuru a seleghè o so mbini o kini o mono ndè na le ya le ndè ni. ⁷ Bana à mè, bè lè gnagha mvuru o tasi bè ni. Mvuru a sa mami'a telè oli telè, mva o Krist d'anku oli tèlè. ⁸ Mpini mvuru a sa mbini oli mvuru a djabiri, ngha djabiri a si mbini m'ebanighi kia obila o muana ndjiami a ki'a ma lagha mo tsala mami a djabiri. ⁹ Mpini mvuru a sa mbini oli mvuru a djabiri, ngha djabiri a si mbini m'ebanighi kia obila o muana ndjiami a ki a ma logha mo tsala mami a djabiri. Mpini mvuru ali muana ndjiami isa mbini ni, obila le mburu lè ndjiami leli o ndè. ¹⁰ Ndè y ma buna o seleghè o sa mbini ni, moma ndè muana ndjiami. O wa, ban ç ndjiami na bana a djabiri a ma ya. Mvuru a li sa mami o telè ni oli ka o ndjiami na bana a djabiri a ma ya. Mvuru a li sa mami o telè ni oli ka o ndjiami ni, si mvuru a li ndjala bugha kali. ¹¹ Ngha le mono mbari è bè lè yughi m'ebanighi: ovè sabè lè dihi abugho, ¹² ka mva Cain a ki muan djabiri m'obuna muarighi. Mono ndè a bumi muarighi? Obia o momi a ndè oki a bi, ngha amuanighi a ndè a ki telè. ¹³ Be lè ka kimagha ni, bari o bèlè bè. ¹⁴ Sabè le ya mbiri le mi yira mo leku le ya ma le bighi, moma sabè na ndjala a bugha. ¹⁵ Ali dia o ndè kali, oka o ntsa lèku. Mvuru a bèlè bugha ombumi bari. Be lè djabi mbiri lèbighi le li wa ni i ka o ntsa l'obumi bari ni. ¹⁶ Sabè lè mo djiaba dia ma obila o Krist o mpi lèbighi le ndè o sabè; sabè sè, ovè sabè lè mpi lebighi le sabè m'obugha. ¹⁷ Ngha mvuru ali'na osolo o yula ntsiè, o mono bugha le ndè o ntsa kama, o mbindi otima ndè a nkerighi, dia è ndjiami o ka o ndè buni? ¹⁸ Bè bana a mè, sabè y ma dia obugha o ndjuhi na lempèlè le tu ni, ngha m'esighi è mami n'asisièlè. ¹⁹ Yua osumbu, è sabè lè yo o djiaba mbiri sabè étima è sab_ ²⁰ o misi a ndè ngha otima o wè odugha ndi wè mi kua ntchaso, ndjiami o vuli étima è sabè onini, ndè ya mami aso. ²¹ Abugha a dia, otima wè o bisa o buma ntchoso, sabè na lila yo mini o ndjiami. ²² Mpini kila o sabè lè pisa, sabè lè basighi o ndè, obila sabè le kièlè angri a ndè, na le sa lè mami ma sa ndè ovè. ²³ Djia o ma kagha ngri è ndè, a sabè le yalagha o nkumu è muana Jesu Krist, sabè lè dia abugha, mva o ndè anku o ma dia sabè. ²⁴ Mvuru a kièlè angri a ndjiami, oki o ndè ngha ndjiami oki sè o ndè. Ngha o vua sabè le djiabi mbiri ndjiami oli o sabè, m'oduduma santi a ndè a mpi sabè.