¹ Bana, mè e etndè bè momi ma ba y ma sa mbini. Ngha mvuru o sa mbini, sabè na mvuru o wobo mami a sabè na tara, Jesus Krist, mvuru a télè. ² Ndè mvuru a yagha ambini a sabè, ka a sabè a tu ni, na a bari a yulu ntsie èso. ³ Ngha o vua, sabè le ya mbiri lè djiabi nè yughu sabè lè kièlè angri a ndè. ⁴ Mvuru a dugha ndi:" me ya ndjiami", ngha ndè y kièlè angri è ndè ni, ndè ngha ékini asisièlè o ndè ognagha. ⁵ Mpini mvuru a kièlè angri a ndè, osisièlè, o mvuru yua dia è ndjiami oli o ndè yemighi. ⁶ Nga o vua, sabè le ya mbiri leli o ndè. A dugha ndi ndè oli o ndjiami ndè o lana m'osumbu à Jesus Krist a lani. ⁷ Abugha à dia, mè ka tendè bè ngri ègnarighi ni, ngri èkala è bè lè basighi ma èbanighi. Ngri è kala, mbari è bè lè yughi. ⁸ Ngha mè e tendè bè ngri ègnarighi, asisièlè mali o Krist ali o bè, ngha lè mpini lè ya lè djè oyala o djadja oya è ya. ⁹ Mvuru a dugha ndi ndè li ntsa oyalala ali ndjala bugha kali okini o ntsa lempibi. ¹⁰ Ali na ndjala bugha oka o ntsa oyalala si dja èsa ndè o va kali. ¹¹ Ngha mvuru beli bugha oli ntsa lempibi ndè sè a lana ntsa lempibi; ndè i ya mpili è djè mè ni moma lempibi lè ma binda ndè misi. ¹² Mè è tèndè bana a mè, moma mbiri è bè ma bologho yo o nkumi'è ndè. ¹³ Me è tendè bè a tara, momo bè le djiabi mvuru aki m'èbanighi. Mè è tendè b'endjambu, mè le ma buna ngha mbelè. Mè ma tendè bè, bana m'enkèrè obila bè lè ya tara. ¹⁴ Mè è tendè bè atara bè lè djiabi mvuru a ki m'ebanighi. Mè è tende bè éndjambu, obila bè na mpari, mbari è ndjiami e ka o bè, bè lè ma buna ngha mbelè. ¹⁵ Mè lè ka digha ntsiè ni na mami ma li o yula ntsiè. Mvuru o dia ntsiè, dia è tara o ndè kali. ¹⁶ Eso meli o yula ntsiè (èdighi m'akabi, édighi è misi na kamba lè bighi) y wa pilè tara ni, o wagha o ntsiè. Ntsiè bla édinghi è yo è yira. ¹⁷ Mpini mvuru a sa èdinghi è ndjiami a yo ka mbumbu. ¹⁸ Ban m'enkerè, a ntini a mbis. Mva o bè le yughi ndi mvuru a mbelè a ya, ngha a nga mbelè kuna a mi wasagha. O nga, sabè le djiabi ambini ma le mbisa. ¹⁹ Bo o ma tugha mpanighi è sabè, bo a ka ka abla sabè ni. Bo a ki mo ka a bla sabè, ka bo a sili bla sabè. bo no otugha, elaghi ndi bo a ki ka bla sabè ni. ²⁰ Ngho bè, bè na mpari aduduma santi a mvuru opendè o bè oso. le djiaba asisièlè. ²¹ Ma ka tende bè mo bu mbiri bè y djiaba asisièlè ni, obila o bè lè djiabi èkini o ntsa asisièlè ognagha. ²² Nga osami na, yughu ka mvuru a tuna ndi Jesus ka Krist ni ? Mvuru djua o nga mbèlè, yughu ndè atuna tara bla muana. ²³ Mvuru a tuna tara ognagha. A djiabi muana o djiabi tara. ²⁴ O bè, a bè le yughi m'ebanighi ali o bè. yughu a bè lè yughi m'ebanighi ali o bè, bè leli o ntsa muana na tara. ²⁵ le mono andaghi à ndè a mpi sabè: lèbighi lèli y wa ni. ²⁶ Mè ma tendè bè mami ma o bari ma sagha o tara bè. ²⁷ Ngha o bè, mpari oduduma santi a bè lè basighi è ka o bè, bè kama o mvuru m'a oyisagha bè kali. Ngha mpari oduduma santi eyisagha bè mami oso yo sè asisièlè ka osami ni, m'osmbu o ndè a yisighi bè, lè ka o ndè. ²⁸ Ghan bana à mè, lè ka o ndè, obila ntini è ndè a yo ya, sabè le yo bagha mpari le ka yo mono okuri ni o misi a ndè ni. ²⁹ Ntini è yo o ya ndè. Bè o ya mbiri ndè li tèlè, be le djiabi biri mpini mvuru a sa mami a telè ndè muana ndè.