1 Naomi, oyaana, den yedi o: N bisalo, n bua ki lingi apo u kaanu ke a yema n yamani. 2 Naani ŋan den yen caa ki ŋua boasa, yua ya tuonsoanba kiliegi yeni ki tie ti kpiilo kaa? Diidi dinla ñiagu o baalendi okpaangu 3 Wali ki tieni tulale, ki yie a tiadi yaadi n ŋani ki cie, ki gedi u jalu po. ŋan da tuo Boasa n bandi ke a ye li kani, hali wan ban je ki go ño ki gbeni. 4 O ya gedi ki ba duani ya yogunu ŋan kpaagi ki bandi wan duani naani. ŋan gedi ki ŋoagidi o taana, ki duani. O ba waani a ŋan ba tieni yaala. 5 Luta den goa ki yedi: N ba tieni ŋan yedi yaala kuli. 6 O den gedi u jalu po ki tieni o yaana n den yedi o yaala kuli. 7 Boasa den dini ki go ñuni ke o pali den mangi o den gedi ki duani (okpaandi) bonkogiyenli kani. Luta den tieni dindini ki gedi ki ŋoagidi otaana kani ki duani. 8 Ku yagisiigu Boasa den jie ki fundi ki tibini ki diidi ki laa ke pua o taana kani. 9 O den yedi: a tie ŋmeyo? o den yedi n tie Luta, a tuonsoanlo; tandi a fiabu ki ŋoagini mini a tuonsoanlo kelima apia li sanu. 10 Boasa den yedi: Li miali Diedo n seligi a n bisalo! ŋan cua n kani ki naa lingi jawaaba, yaaba n luo bi yaaba n pia yeni, li doagidi a buama ki cie ŋan den kpa tieni yaala kuli. 11 Moala ŋan da go jie liba kuli n bisalo : n ba tieni a po ŋan ba yedi yaala kuli kelima u dogu yaaba kuli bani ke a tie pomoano 12 Li tie moamoane ke n pia u sanu ki kubi yi ama li pia toa yua n pia u sanu ki cie nni. 13 ŋan duani ne hali lan faa. Saala o ya sua ke o bua ki taa ŋa ki kubi ŋa nani lan bili ke o pia u sanu ki taŋa maama, wan taa ŋa, o yaabua mo, hali u tienu po mini wani n ba taa ŋa ki kubi a. Duani hali lan faa. 14 O den dua o taana kani hali lan ban yendi. O den fii hali ke li daa yendi Boasa ki den bua ban bandi ke pua duani u jalu nni. 15 O den pugini ki yedi Luta: tandi ŋan ŋuagi ya kpalibu ki mubini bu baŋanla. o den tandi o kpalibu ke o biigi (ku kpaangu) nani baa buodi luoba. ki tuni o, li yaa puoli o dengua ki gedi u dogu po. 16 Luta den guani o yaana Maomi kani ke o yedi: Naani fini n bisalo lige? Lane Luta den togidi o Boasa n den tieni o po yaala kuli. 17 O go den pugini ki yedi: o puni nni o kpaandi babuodi luoba ki yedi nni, a kan guani a yaana po nukuomu. 18 Lanwani Naomi den yedi; Duani a yama, n bisalo hali ŋan ba bandi laa bonla kuli nba juodi maama, kelima Boasa kan pa o yuli fuodima dinla kaa gbeni laa bonla.