1 Boasa den gedi ki ban kali u dogu buliñoabu kani, mi maama n kadi naani. Noami calo Elimeleki kpiilo, Boasa n den maadi yua ya maama den tagini ki baa pendi likani. Boasa den yedi o: "Fini ŋmeŋme, cua ki kali ne." O den cua ki kali. 2 Boasa den ta niba piiga u dogu nikpela siiga. O den yedi kali mani nekanba. Bi den kali. 3 Lani o den yedi Elimeleki kpiilo yeni: "Noami ñani Moabi diema ki goa ki kpeni. O kuadi ti kpiilo Elimeleki kuanu. 4 N sua ke li pundi min waani a ki go yedi a ŋan daa u u dogu yaaba leni ti nikpela nintuali. A ya bua ki da u, ŋan daa u. A yaa bua mo ŋan waani nni min bandi, kelima oba kuli naa pia sanu ki cie ŋa laa maama po. A ya puoli mini n go pia u sanu. O joa yeni den goa ki yedi: "n baa daa u." 5 Boasa den yedi a ya daa Noami kani u kuanu ya daali a go baa taa Luta yua n tie Moabi yua ke o calo yua kpe yeni diegu nda boli. 6 O joa yeni den goa ki yeni: N kan fidi ki da u kelima n jie n piama po. N puni a u sanu han daa, kelima mini wani kan fidi. 8 7 n yogunu Isalele diema nni nilo ya da bonla bi ki lebidi, yendo yen pidi o cacaagu ki teni o lielo lan doagidi ke ki dunga cuo. Li den tie seedi Isalele diema nni. 8 Yua n den pia u sanu den yedi Boasa: "ŋan da u, o den pidi o cacaagu ki teni Boasa. 9 Lanwani Boasa den yedi a nikpela leni u dogu yaaba kuli: "Yi tie seedinba dinla ke n daa Noami kani Elimeleki leni kilijoni leni Makiloni n den die yaala kuli. 10 Ki go taa Makiloni kpepuoli Luta, yua n tie Moabi yua, ki baa baa o calo po u buolu. Yeni o kpiemo faali baa sedi o buolu nni, o yeli kan bodi o kpiiba siiga leni o dogu nni. Yi tie seedinba lipo dinla." 11 Yaaba n den ye u dogu buliñoabu kani leni anikpela kuli den yedi: "Ti tie a seedinba, Li Miali Diedo n teni ke ya pua n baa kua a diegu nni yeni n ya tie nani Lasela leni Lea yeni, bani ya poliediba n mali Isalele yaaba buolu yeni. A ya paalu n doagidi doagidi Yufilata buolu yaaba siiga, a yeli n kpedi Betelema nni. 12 Li Miali Diedo n teni o pua yeni n maa apo a bila boncianla, ke a diegu n nandi leni pelitisa yaagu, Tamala n den mali yua Juda po. 13 Boasa den taa Luta ke o tua o pua. Wan den kua o kani, Li Miali Diedo den teni ke Luta taa ku tugu ki mali bonjaga. 14 Bi puoba den yedi Noami: "Li Miali Diedo n baa ti kpiagidi, wani yua teni ke ŋaa luo buolu dinla. 15 Laa biga yeli baa kpedi Isalele yaaba siiga. Laa biga baa goa ki kaani a jigi ki kubi ŋa a nikpedi nni, kelima a biyuaga n mali o. Wani a biyuaga yeni, o cie apo ba bonjalalele." 16 Noami den ga ki biga yeni ki ŋmabi ga, ki tua ki biyualo. 17 O yieninlieba yaaba n tie puoba den yedi: "Noami baa bonjaga." Bi den yini o Obedi. Wani n mali Isayi, Esayi mo mali Dafidi, 18 Peletisa yaaba yela n tie ne: Peletisa den mali Hetisiloni, 19 Hetisiloni mo den mali Lami, Lami n maa Aminadabi, 20 Aminadabi mo n maa Nasoni, Nasoni n maa Salima, 21 Salima n maa Boasa, Boasa n maa Obedi. 22 Obedi mo n maa Isayi, Isayi n maa Dafidi.