1 Noami den pia ocalo nilo o den tie ya joa n pia upaalu leni mi piama ki taa buolu leni leni Elimeleki, ke bi yi o Boasa. 2 Moabi buolu yua Luta den yedi: Noami n mia ha, cedi min gedi ki ban liegi ti siandi min baa ki nunmanga yua yaa kuanu nni, o den guani ki yedi o: Gedi n bisalo. 3 Luta den gedi koayendu nni ki ban hua ki liegi yaaba n ce puoli. Li den sau ke wan ban kua ya kuanu nni tie Elimeleki kpiilo Boasa ya kuanu nne. 4 Lan den yanwaamu Boasa den ñani Betelema ki cua, ki yedi bi jetaagiba: Li miali Diedo n yaa ye leni yi! Bi den guani ki yedi o: Li miali Diedo n seligi a. 5 Boasa den buali bi jetaagiba diidikoa, ya pua n tiena ñani le yo? 6 Bi jetaagiba diidikoa den guani ki yedi o: O tie moabi buolu pua yo yua n yegi leni Naomi ki ñani moabi diema nni ki cua. 7 O bi mia tin pa usanu wan ya hua ki liegi ki taagi ya bonjena n baali bi jetaagiba puoli po. Hali tasoangu ke o cua ki liegi waa cedi, kali wan bi kali ki fuod waamnu bebe. 8 Boasa den yedi : Luta cengi , n bisalo han da go gedi koato ki baa liegi, han da foagidi nekanba sedi leni ya puoba n tuuni n po. 9 Han ya hua bi puoli u kuanu nni, n waani n tuonsoanba ban sii ha, ñuñuulu ya cuo ha, han gedi ki ño bi tuonsoanba n luuni yaa ñima. 10 Luta den labini ki kpiagi o, ki yedi: Be n teni ke n baa a kani ya nunmanga n tiene mini yua n tie caano? 11 Boasa den guani ki yedi o: Bi togidini hali a calo n kpe han tieni a yaana po yaala kuli, leni han ñani a baa leni anaa leni a diema nni maama, ki baa gedi nibuollamu po han kaa kpa bani yu. 12 Li miali Diedo n pa ha, han tieni yaala, han baa ha panpaani kuli li miali Diedo kani, wani Isalele n ba Tienu han cua ki wuoni yua yaa faabima nni. 13 O den yedi: Oh min a kani ki nunmanga kelima a baagi n pali, mini apotuado ki sua ke n naa taa leni ya puoba n tuuni a po mo 14 Mi jiema yogunu Boasa den yedi: Luta: Naginne, ki je. han yen tuuni ha dupen mi kpinñima nni ki yaa hmani. Luta den kali bi tuonsoanba kani, bi den teni mi jiema, o den dini ki guo ki kubi yaala n sieni. 16 Lani o den fii baa liegi, Boasa den teni o tuonsoanba li ñoabonli ki yedi: Yin cedi waa liegi abonbaba siiga yin da paagi o yama. 15 Yin yaa ñandi o po a bonbaba nni, ti siantiandi ke o taani yin da jaligi o. 17 O den liegi u kuanu nni kiya caa hali ku yenjuagu, o den pua wan den liegi yaala ki sua ke li bua ki pundi baa buogu. 18 O den tugi ki kuni, o yaana den laa wan liegi ki baa yaala. O den ñani wan bi dini ki sieni yaa jiema moko ki teni o. 19 O yaana den buali o, a ban liegi le dinli? A ban soani le yo? U Tienu n seligi yua n hanbi a po yeni! Luta den waani o yaana wan ban soani yua yaa deni li daali ki yedi o: O yi Boasa yo. 20 Naomi den yedi o biyuaga : Li miali Diedo yua n doagidi o nihigbadima yaaba n fo po, nani wan den doagidima yaaba n kpe po maama n seligi o. O joa yeni tie ti nilo yo, Naomi go den yedi o, o tie yaaba n pia u sanu ki kubiti siiga nni yendo. 21 Luta moabi yua go den yedi o: O bi yedi nni han yaa ye leni n tuonsoanba hali ban ban taani ki gbeni n jetaagu. 22 Naomi den yedi o biyuaga Luta: Li hani n bisalo, han yaa yegi leni o tuonsoanba han da go gedi koato po. 23 Oden sedi leni Boasa tuonsoanba ki baa liegi lankani hali ujetaagu n baangbeni, o den ye o yaana kani.