¹ Li Miali Diedo go den maadi leni Jonasa mi liema ki yedi o: ² Fii ki gedi Ninife po ki ban kpaani ki caa n tondu. ³ Jonasa den fii ki gedi Ninife nani Li Miali Diedo n den yedi maama. Ninife den tie dociamu ki pundi dana ta cenli bianu. ⁴ Jonasa da den cuoni u dogu nni yentunyenli cenli, ki den kpaani ki tua: Dana piiga ya pendi Minife dogu baa bodi. ⁵ Ninife dogu yaaba den daanu U Tienu bi den kpaani ki yedi ke yua kuli n loli bu ñoabu ki yie li paboanli tiadi, ki cili a nikpela ki ban pundi a bila. ⁶ Laa maama den pundi Ninife dogu bado, o ddn fii o balikalikaanu po ki landi o baditiadi ki lani li paboanli tiadi, ki kali mi fantanpienma po. ⁷ O bado leni u dogu nikpela den ñani li ñoabonli ke ban kpaani ki waani, ke bi niba leni ti yanbidi leni ine leni ipe ke bi kan je liba kuli bi kan kpa ti yandi bi kan ñuni ba ñima mo! ⁸ Ke bi niba kuli n yie li paboanli tiadi ke ban kpaani leni bi fidu kuli ki mia U Tienu. Ke bikuli n guani ki ŋa bi biadima leni bi sanbiadu leni bi tuonbiada leni bi nii n tiendi ya biadima. ⁹ ŋme n bani Li Miali Diedo ya kan guani ki lebidi o yama ki jiini o pali ki kan bolini ti.