¹ Li Miali Diedo den teni ke ojanciamo cua ki nali Jonasa. ² Jonasa den ye o jamo tugu nii yensiini taa leni ñiadi taa. Jonasa n den ye o jamo tugu nni, o den jaandi ki mia L i Miali Diedo o Tienu ki yedi: ³ N paboanli nni, n den mia Li Miali Diedo ke o guani npo n miabu, bi tinkpiiba diema nni n den kpaani, ke a den gbadi n nialu. ⁴ A den luni nni ku buoñuangu nni, mi ñima siiga. A ñinguona mo den gaani ki cebini nni. A ñinguona den gaani ki milini nni. ⁵ N den tua: A deli ki foagidi nni akani! Ama n go baa la a diegagikaagu. ⁶ Mi ñima den milini nni hali ki baa ñani n miali, ke ku buoñuangu den milini nni. Ti ñimuadi mo den gaani ki lindi nni. ⁷ N den jiidi hali ki pundi a juana tanpuuna kani, bi tinkpiba kaani buliñoana den mubini nni hali ke n kan fidi ki ña, ama Li Miali Diedo n Tienu a den teni ke n ñani ki. fo. ⁸ N naano n den mi kuuma paboanli nni ya yogunu, n den tiadi Li Miali Diedo po. N jaandi mo den hali a diegagidikaagu kani. ⁹ Yaaba n puni bi yula i buli yin ki pia fuoma, li baa foagidi ba leni a niŋigbadima. ¹⁰ Ama mini, n baa padi apo i tuodi pada, n baa kuani min den niani a ya ñoaniani. Mi faabima ña Li Miali Diedo kane