¹ Laa bonla ki den mangi Jonasa, o pali den beni. ² O den mia Li Miali Diedo ki yedi:Mii den yedi hali min den ye n diema nni ya yogunu? Lani n teni ke n den bua ki tuodi ki sani ki gdxi Talisisi dogu nni. Kelima n bani n den bani ke a tie mi buama Tienu leni mi niŋigbadima Tienu, a pali ki fi tonma, ki pia li ŋanbili ki lbidi a yanjagili ki kan tieni yaala n bia. ³ Moala, taa n miali Li Miali Diedo, kelima mi kuuma cie npo li miali. ⁴ Li Miali Diedo den goa ki yedi o: A ŋanbi leni a pali n beni yeni bi? ⁵ Lanwani Jonasa den fi ñani u dogu nni ki ban kali u dogu puoli, lankani o den buuni ku ciagu ki kali ku soangu nni ki baa la Li Miali Diedo n baa tieni u dogu yaala. ⁶ Li Miali Diedo den teni ke ku tiigu pani ki kpedi ki yiini Jonasa yuli ki baa tieni opo u soangu ke o pabienli n gbeni. Jonasa pali den mangi boncianla kelima ku tiigu yeni soangu po. ⁷ Ama, lan den yendi, ku tasoanpanpangu, U Tienu den teni ke o sidibilo cua ki ñidi ku tiigu yeni jiinu ke ku kuodi. ⁸ Ki yenga n den pudi, U Tienu den teni ya faalu n tuoni ñani puoli ki cua ki pua Jonasa yuli hali ke o tadigi ki ba. Oden mia mi kuuma, ki yedi: mi kuuma cie npo li miali. ⁹ U Tienu den yedi Jonasa: Han bieni a pali ku tiigu po yeni, a sua ke li ŋani bi? Jonasa den goa ki yedi: N tieni yaala n ŋani leni min bieni n pali ki mia mi kuuma. ¹⁰ Lanwani Li Miali Diedo den yedi: Mi niŋima cua ŋa ku tiigu ne po kuni yaagu ke ŋaa soani liba kuli ku pama, fini ka teni ke ku kpedi ñayengu, ki kuodi ñayengu. ¹¹ Lanwani, mini, n kan gbadi Ninife dogu yaaba po mi niŋima yu laa dociamu ya niinni n pia niba tuda n piilie bani yaaba n kaa bani bi jienu leni bi ganu leni ya yandi ya coali n yaba.