¹ Melekisedeki yeni den tie Salema dogu bado , tanpoli joma Tienu yaa kobadiciamo . O den ñani ki tuogi Abalahama wan den paadi bi badiba ki den lebidi ki kuni ya yogunu ki den gaali o . ² Abalahama den teni O piiga biinu wan den baa ya faali yaa niini kuli . O tie mi teginma bado nani O yeli Melikisedeki yeni n bundi maama . leni salema Bado lani n bundi mi yanduanma Bado . ³ Waa pia ba , waa pia na , waa pia yaja , waa pia cilima , waa pia juodima . ama O tua yua n naani nni U tienu bijua . wani Melekisedeki yeni tie kobadicianbado i yoguni kuli . ⁴ Faami mani ki le o kpiagidi n da maama wan yua ke Abalahama den teni O wan den ba yaa faali yaa piigi biinu . ⁵ Levi buolu yaaba siiga yaaba n tuuni li kopadiciantuonli nani U tienu balimaama n bili maama ke ban yaa gaani piiga Isaleleenba yaaba kuli kani bani bi kpiiba baa leni bi kuli n tie Abalahama puoliŋuanu . ⁶ Melikisedeki baa leni wan kaa tie bi buolu yua , O den ga piigi biinu Abalahama kani ki den gaali o wan yua n den ba U tienu ñoaniani . ^{9 10} Laa pia kuli niama , yua n waa n yen baadi yua n yaba yaa gaali . ⁸ Nakanba , yaaba n gaandi piigi biinu tie nisaaliba yaaba n baa kpe . ama leni Melekisedeki li kadi ki waani ke O fo . ⁷ Yaali n go pugini tie ke Levi yua n gaani piigi biinu , moko den pani piigi piinu Kelima hali ke o daa ye o yaja Abalahama tugu nni , Abalahama den pani piigi biinu Melekisedeki n den ñani ki tuogi o yaa yogunu . ¹¹ Levi buolu kopadicianba tuonli yaali yaapo ke U tienu den teni li balimaama Isaleleenba yaaba li yaabi tie ke ñani ki dagidi cain , naani li go bi tie tiladi kopadiciantoa n cua nani Melikisedeki yeni , ki naa tie Alono buolu yua ? ¹² Nani li kopadiciantuonli n lebidi yeni , li tie tiladi li balimaama moko n lebidi . ¹³ Kelima yua yaapo ke laa maama maadi , O tie buoto yua , yaa buolu yaaba siiga ba ni yendo ki suani li badibinbinli tuonli . ¹⁴ Yua kuli bani cain ke ti Diedo Jesu ñani Juda buolu nni , yaa ni buolu ke Musa ki yedi li ba kuli leni yaa maama n tuugi leni li kopadiciantuonli . ¹⁵ Kopadiciantoa n den cua nani Melekisedeki yeni , li go doagidi ki pugini . ¹⁶ O naa den tie bi nisaaliba n dini yaa kobadiciamoka , ama li tie ke O pia yaa miali n kan bodi yaa paalu . ¹⁷ Kelima bi den kpa teni O po yaa siedo n tene :A tie kopadiciamo o yogunu kukuli nani Melekisedeki yeni . ¹⁸ Lan yaapo mi mabilikakpiama bodi kelima maa pia fidu baa kuli , maa go pia todima baa kuli . ¹⁹ Kelima li balimaama naa den fidi ki ŋanbi li ba kuli ke li dagidi cain . ama U tienu den yuandi ki cuani ti po ya suginmi n ŋani ki cie . ke mi baa teni tin fidi ki nagini U tienu ki cie . ²⁰ Laa bonla kuli naa den tieni kaa taani leni li poli . Kelima Levi buolu yaaba n den tua kopacianba naa den poli , ama Jesu wani tua kopadiciamo leni li poli ; ²¹ kelima yua n yedi o yaapo ; O yedi : O Diedo den poli , O kan lebidi O maama .O yedi : A baa tie kopaciamo o yogunu kukuli nani Melekisedeki yeni . ²² Lan yaapo n teni ke Jesu n tie yua n tie siedi yaa ŋantaado n ŋani ki cie yaapo . ²³ Yaalin n go pugini , bi kopadicianba boncianla den kali kelima mi kuuma den teni ke baa fidi ye o yogunu kuli . ²⁴ Ama Jesu wan yua n ye ki fo hali yaa yogunu n kan gbeni yaapo , teni ke O kubi yaa kopadiciantuonli n ye o yogunu kukuli . ²⁵ Lan yaapo , ke O go baa fidi ki faabi cain yaaba kuli n nagini U tienu kelima O yaapo wan yua n ye o yogunu kuli ki fo ki miadi U tienu bi po . ²⁶ O tie tin bi bua yaa kopadicianbado buolu yua n dagidi ti po , ki ŋani cain , kaa pia tagili baa kuli . tuonbiadi ki ye O niini . waa ta leni ti tuonbiadi danba . O den kpedi hali tanpolijoma . ²⁷ Waa ta leni yaa kobacianbadiba n sieni . daali kuli bi yen padi a pada , bi yen kpa padi bani bi ba ya tuonbiadi po , ki yuandi ki padi bi niba kuli tuonbiadi po . laa bonla O den tieni li kuli yenma ki den puni O yuceli yua kuli po . ²⁸ yaa balimaama n den dindi bi nisaaliba yaa kopacianba den pia ku tadingu kelima bi tie nisaaliba .ama li poli yaa maama yaama n den yuandi ki cua li balimaama puoli , den teni ke bijua tua kopadicianbado wan yua n dagidi ki ŋani cain hali yaa yogunu kuli .