¹ Lan wani ti moko , nani siedinba boncianla n linditi nani ku tawaligu yeni , tin yie tugili kuli yaalin tie tuonbiadi yaadi n baa lindi ti faala , tin yaa tiini leni li juunli ya nuama n bili ti po . ² Ki nua Jesu wan yua n tie li dandanli cilika leni li ŋanbi ka ; kelima ya pamanli n den bili ki gu o yaapo , O den tuo li dapoanpoanli yaa kuuma , ki fali6 ya fee n ye lienni ki kali U tienu balikaalikaanu O jienu po . ³ Yin tia mani Jesu po , wan yua n den tuo ki juuni leni ti tuonbiadi danba len ban den yie O po maama kuli , ke yi moko n da coagi ki luo li papaali ki gbali . ⁴ Yi naa da moani leni ti tuonbiadi hali ke yi soama wuli . ⁵ Yi go sundi yin den ba yaa tundi U tienu kani nani O bijaba . O den yedi : «n bijoa , ŋan da fali O Diedo n wani ŋa yaa fala ke li tie tundi ŋa po . ŋan da go luo li papaali yaa yogunu ke O funi leni ŋa . ⁶ Kelima O Diedo yen tundi leni fala wan bua yua . O yen pua wan tuo yua kuli ke o tie o biga » ⁷ Yin juuni mani leni laa tundi . O tiendi yeni kelima O nua yi ke yi tie O bijaba . ki laa bonjagi nye ke o ba kan tundi o ? ⁸ Ama bi yaa ki tundi yi nani a bila kuli n baadi yaa tundi leni fala , yi tie kpiaba yo yii tie bimoana . ⁹ Baa ti danba yaaba n tie nisaaliba den tundi ti leni fala ke ti den fangi ba . naani laa pundi tin bini ti yula leni ti ba yua n ye tampoli ki ba li miali ? ¹⁰ Ti danba den yen tunditi leni fala u yogunu waamu bebe yaa po nani ban bua maama , ama Utienu wan tunditi ti ŋamu yo , ki bua tin taani leni o ki yaa ŋani nani wan yeni . ¹¹ Li tie moamaoni , i tundi leni fala kuli daa yen tie pabiili bonla , laa yen tie pamanli ka ama li yen yuandi ki cuani yaaba n ga li bangima po yaa bonluonkaala n kpendi nni mi teginma mi yanduanma nni . ¹² Lan wani yin paagi mani yi nii yii n yualiga leni yi duna ya tadi . ¹³ Ke yi taana n yaa ŋua ya sani n tiega , yua n diani taali n kpigidi ama lin paagi ¹⁴ Lingi mani mi yanduanma leni bi nibi kuli , leni mi gagidiŋanma , kelima yua n kaa pia mani o kan lee O Diedo . ¹⁵ fangi mani yi yula ke o baa kuli n da muni o yuli leni U tienu ŋanbili ; yaa jiinu nto kuli n da pudi tii po ki ña a benkpela , ki cuani ti yanyagidi ke lan da puodi nibi boncianla . ¹⁶ Yin go fangi mani i yula ke yi siiga n da pia concondaano bi , yua n fala yaalin n gagidi ŋani nani Esayu yuan den kuaadi o nikpedi mi jiema po . ¹⁷ Yi bani ke li yaa puoli , yaa yogunu ke o den bua o ba n gaali o , o den yie o po ; ba leni wan den lingi leni ti ninsiidi . kelima o moe naa den fidi ki lebidi li baa kuli . ¹⁸ yi daa kpa nagini yaa juali ke bi den baa fidi ki siili ama ke li den cuo mi fantama leni kugbagbabiadigu , leni li biigicianli , leni ku faaliciangu , ¹⁹ leni kakaaci piebima Bi u niali ciamu fuugu n den ye naankani , ke ba yaaba n den gbadi laa nialu ke wun da go maadi ba mayenma ki pugini . ²⁰ Kelima baa den fidi yaa ñoabonli n tiena : baa yangi yaa sii laa juali bi baa lugidi o a tana . ²¹ Ban den laa yaali yeni , den pia i jeje hali ke Musa n yedi : ti jiwaandi cuo nni hali ke n digibi . ²² Ama yinba won nagini Siyono juali , U tienu yua n fo dogu , tanpoli Jelusalemo , Malekinba tuda tuda kuli n taani naankani ki yiini . ²³ U tienu bi kpiala kuli taanli nni yaaba yaa yela n diani tanpoli . yi cua U tienu kani wan yua n tie bi niba kuli bujialo leni bi niba kuli Tienu . yi cua bi niteginkaaba naani n ye naankani yaaba n ŋani ki dagidi cain . ²⁴ Yi nagini Jesu kani wan yua n tie o ŋantaadipaano candanbaalo , leni o soama yaama n den wuli ki ŋuudi yi , ki go maadi yaa maama n ŋani ki cie Abela yaa soama n den maadi yaala . ²⁵ Fangi mani yi yula ki da yie ki kan cengi yua n maadi leni yi . kelima yaaba n den yie ke bi kan cengi yua n den soagindi U tienumaama ŋanduna nni yaa den fidi sani ki cia , ti moko baa tieni lede ki fidi ki cia hali ti yaa yie ke ti kan ŋoadi tanpoli yua maama . ²⁶ Wan yua ke O nialu den digibi ki tinga . ama moala O nianti yaa ñoanianu tie nne : «yenma goga , ki tinga bebe ka baa digibi ama leni tanpoli moko » ²⁷ Lan yedi : yenma goga , li waani ke mi lebidima baa tieni yaali n digibi kuli kani , nani lan tie bontagi kaali yeni yaa po ; lani n tie yaali n kan digibi mo n suagi liiga ki yaa ye . ²⁸ Lan yaapo , nani tin baa ba yaa diema n kan digibi yeni , tin yaa ye leni i tuondi ki kpiagidi U tienu leni a tuonŋama dagidi O po . leni O fangili nni . ²⁹ kelima ti Tienu go tie yaa fantami n di .