¹ Yaa suagi mani liiga leni mi buama yi kpiiba po , ² Yin da sundi ki yaa gaandi bi niba cangu . yeni bi tianba den ga Malekinba cangu kaa bani . ³ Yin yaa tiadi mani a kpaada po nani yi moko nani yi moko taani leni bani ki tie kpaada yeni , yin yaa go tiadi yaaba n laadi fala nani yinba yi yaaba moko n ba fidi ki lee laa fala buolu yi gbanandi nni yeni . ⁴ Yua kuli n jigini li ñiigili , ke joa leni poa taayienu u duanu kani n da naa leni joagindi kelima U tienu baa jia yaaba n ye ti joagindi nni leni conconma buolu kuli danba . ⁵ Yin da pa mani i yula mi ligi buama , ama yin mangi yi pala leni yin pia yaala , ⁶ kelima U tienu wani O yaaba yedi : N kan ŋaa ŋa faabada N kan lu ŋa faabada Lan wani leni papaali ke ti baa fidi ki yedi : O Diedo tie n todi ka , n kan jie li ba kuli ; o nisaalo ba fidi ki tieni be ? ⁷ Yin yaa tiadi mani yi gobidi kaaba po , ban yaaba n den wani yi U tienu maama . diidi mani ki lee bi yema n juodi maama yin ŋoadi bi dandanli fuuli . ⁸ Jesu Kilisiti o tie yendo wonla , dinla , leni yaa yogunu n kan gbeni . ⁹ Yin da teni bangitoa canma n yaani yi pala kelima li ŋani li pali n ya gbie ki paa leni li ŋanbili , ki lan da tie leni mi jiema ka , kelima yaaba yaaba n puni bi yula li po , laa todiba leni li ba kuli . ¹⁰ Ti pia yaa padibinbinli ke yaaba n tuuni li gbandieli nni naa pia u sanu ki je li jiema . ¹¹ Yaa yandi ke o kopadicianbado padi ti tuonbiadi po ki kuani mi soama u kaangagidi ŋamu nni , bi yen ñani ban kodi yaa yandi ki sia hali nii n po . ¹² Lan yaapo ke Jesu moko wan den bua ki ŋanbi ki ñani bi niba tuonbiadi , leni o soaceli , o den laa fala kiden kpe u dogu buliñoabu nii n po . ¹³ Lan wani tin ña mani ki gedi O poo nii n po ki taani leni o o fee nni . ¹⁴ Kelima yaa ŋandunli n yene niini tin ye naani ti pia yaa diema n ba yaa ye u yogunu kuli , ama ti lingi yaa diema n kpendi nne . ¹⁵ O yaa po tin yaa tendi U tienu o yogunu kuli ti pagidi nani li padili yeni ; lan bundi ke ti ñoacuuna n ya pagi o yeli . ¹⁶ Yin da sundi ki yaa tiendi mi ŋanma leni ti bulcindi kelima laa padili buolu n yen mangidi U tienu pali . ¹⁷ Yin yaa tuodi mani yi gobidi kaaba ki go ya pia bi po li fangili kelima bi guu yi naani kelima bi faa togidi U tienu nintuali . yin yaa tiendi yeni lan tie ban ya tuuni laa tuonli leni li pamanli ki lan ya tie leni li dunli kelima laa pia yi po todima baa kuli . ¹⁸ Yin yaa jandi ti po , kelima ti tama ke ti pia o siedi ŋamo ti pala nni ti bua li bonli kuli nni ki yaa pia yaa tagu ŋani . ¹⁹ N go baa miadi yi yin yaa tiendi yeni lani n tie min fidi ki cua yi kani tontomi ²⁰ Mi yanduanma Tienu yua n den fini ti Diedo Jesu O yankpaŋamo bi tinkpiba siiga kelima O soama yaami n kuani yaa ŋantaado n baa ye o yogunu kuli po , N teni yin fidi ki yaa tuuni a tuonŋama ki go tiendi o ²¹ yanbuama. Wan yaa tiendi i yemi nni yaali n dagidi o po kelima Jesu Kilisiti po wan yua n die ti kpiagidi yaa yogunu n tu u yu ! Amina ! ²² N go miadi yi n kpiiba , yin tuo ki ga i naa tundi kelima n diani yi waamu bebe liga . ²³ Yin bandi ke bi luodi ti kpiilo Timote , o yaa cua n kani tonma ti baa yegi ki cua ki lee yi. ²⁴ Yin fuondi mani yi gobikaaba kuli leni U tienu nigagidi ŋanba kuli ; Italia yaaba moko fuondi yi. ²⁵ U tienu ŋanbili n yaa ye leni yi kuli Amina !