Diani 5

1 Bi sawali puaba Aje leni Sakali , Ido bijua den pua sawali jufinba yaaba n den ye juda leni Jelusalema diema yaaba po ,ki waani ba Isalelenba yaaba Tienu n yedi yaala. 2 Lan wani Solobabeli Seliyatieli bijua leni Josue , Jotisadaka bijua , den fii ki cili o Tienu dieli maama Jelusalema diema nni. bi sawalipuaba moko den ye bi siiga ki todiba. 3 Laa yogunu Tatinayi yua n den tie yufilata kpenu nintuali Gufeneeli leni Setadi -bosinayi leni bi tuonsoanlieba kuli den taani ki cua bi kani, ki yedi ba: ŋme n puni u sanu yin goa ki maa yaa diegu n yene? ki go fiini ku bilinii ? 4 Bi go den yediba: yaaba n maa yeni ? 5 Ama Utienu den guu jufinba nikpela yaaba n den ye liiga . lanpo den teni ke li tuonli den suagi ki tuuni, hali ban ba suani ki waani Daliyusi kani ki le wan baa yedi yaala laa bonli po. 6 Yaa tili ke Tatinayi yua n den tie yufilata nintuali Gufeneeli leni o tuonsonlieba Afalisaki yaaba, yaaba n ye u kpenu nintuali n den diani yaa tili ki soani o bado Daliyusa kani.li n tie nne. 7 Bi den diani ki togidi o , yaali n tie nne : ti fuonda o bado Daliyusa! 8 Ti bua o bado n bandi ke ti den gedi Utienu yua n yaaba diegu nni , Juda diema nni. ti sua ke bi maagu leni a tanciama, ki maandi ti daadi i bilini po. li tuonli mo jaligi bi nuu nni. 9 Ti den buali bi yudanba, ŋme n puniba u sanu ban maa yaa diegu n yene, ki go fiini ku bilini? 10 Ti go den bualiba bi yela? tin baa ki diani lan tie ŋan bandi bi yela ; ti den diani bani yaaba n ye liiga yaa yela. 11 Bi den guani ki lebiditi li ne : Ti tie U Tienu yua n die tanpoli leni ki tinga yaa naacenba yo! ti gua ki maa yaa diegu ke Isalele batieba siiga yendo n den maa yaagu ke li pundi moala bina leni a yaa. 12 Ama ti yajaanba den biidi Utienu yua n die tanpoli pali, ke li po teni ke o taaba ki teni Babilona bado, Nebukanesa, Kalide yua , nuu nni, ke o den mudi mudi laa diegu, ki cuo bi niba ki gedini ti yonbidi Babilona po. 13 Die, yaa binli ke Silusa den diedi Babilona, o den ñani li ŋoabonli ke ban gua ki maa Utienu diegu. 14 O bado Silusa den teni ke bi goa ñiani Wula leni ŋanjilifa tadimu yua, ke o bado Nebikanesa den fie ki ñani O Tienu diegu nni Jelusalema dogu nni, ki den gedini ki ban bili Babilona bulo diegu nni. o den teni ke bi taamu ki teni ban yi yua Sesibatisadi, wan yua ke o den dini o wan tua Gufeneeli. 15 O den yedi: taa mutadi nne ke gedi ki ban bili Utienu diegu nni jelusalema, ke Utienu mo, ban gua maagu kun den cicili ye naani. 16 Sesibatisadi wani o yaaba den cua Jelusalema ki den bili Utienu diegu tanpuuli. ki cili laa yogunu ki pundi moala bi baa maa gu, ama bi daa gbeni. 17 Moala li ya tie ke li dagidi o bado po, tin teni ban lingi yaa tila n maadi Babilona batieba maama nni ki le hali yaa tie moamoane ke o bado Silusa den teni li ñoabonli ke ban gua maa Utienu diegu yaagu n den ye Jelusalema dogu nni.li yaa puoli ti go miadi ke o bado n wani ti wan laa maama laa bonla po.