Sura 10

1 Kalla ay di maleyka gaabi kooni fo zumbu ga fun bena ra, burru yaŋ go a ga daabu, sajera fo go a boŋ se bene. Moy duma si himanda kala wayna cey mo go danga danji beela kaŋ ga hima fuu ganji cine. 2 A go ga tira kunkunante kan i feeri gaayi ŋga kamba ra. Kulu a na nga ce ŋwaro jisi teeko boŋ, nda ce wa mo ganda laabo boŋ 3 Kulu a kaati nda jinde beeri, mata kaŋ cine musu beeri ga dundu nda, waato kaŋ cine a kaati, beene fawre iyey heŋ da kuungu yaŋ. 4 Waato kan ay maa beene fawra iya dine dingey kuunge yaŋhey, ay go ga soola ay ma hantum amma, ay ma jinde jinde fo fun beena ra ka ne: "I gaayi tuguray ra wo kaŋ beene fawre iya din ci, ni ma si i hantum." 5 Kulu maleyka kaŋ ay di din kaŋ go ga kay teeko nda ganda laabo boŋ, na nga kamba ŋwaro sambu beena ra. 6 A ze da boora kaŋ funa halabada, kaŋ na beena takka nda hay kulu kaŋ go ra, ganda lawbo nda hay kulu kaŋ go a ra, nda teeko nda hayey kulu kaŋ yaŋ go ga daabu a cire, kulu maleyka ne: "Alwaato si cindi koyne. 7 A ma zaaro kaŋ maleyka iyanta go ga soola nga ma hillo kare, Irkoy dambara harey ga kubaye mata kaŋ cine i na fee da a woone tamey nda woone Anabey se. 8 Jinda kaŋ ay maa beena ra ye ga salan ay se koyne: "Koy sambu tira kunkunanta kaŋ i feeri, kaŋ go maleyka kaŋ go ga kay teeko nda ganda laabo din kamba ra." 9 Kulu ay koy maleyka do, ga haŋ a ma ay no tira kunkunanteyzo. A ne ay se: "Sambu tira kunkunanta day ni ma ŋwa." 10 Ay na tira kunkunanta keyna sambu maleyka kamba ra, dey ay na ŋwa. A Kaanu mo ga bisa yu a meyo ra. Amma waato kaŋ ay na ŋwa ga baŋ, ay gunda mo fottu. 11 Kulu, boro fo ne ay se: "Ni hima ni ma annabitarey te koyne laabize boobo boŋ, laabu boobo boŋ, nda ciine yan nda bonkooni yan."