Sura 9

1 Wodin banda malayka guwanta na hillo henandi. Kalla ay di handriyeyze fo kan ganda ka fun bene. Jahannama gusu safi izo no i no ay se. 2 A na jahannama gusu feri kala dulu bambata fo tun kan ga hima danji bella woone. Kalla wayna nda hawo bare ga te i bi dullo din ma ga. 3 Dullo banda do izeyan fatta ka dooru laabo bon. I na i no hinni danga dan ciine unduniya ra. 4 I na lordi i ma si lamba subbo ga nda turi nya kulu ga. Amma i ma borey kan yan sinda Irkoy seeda ngey sukuto ga taabandi ngey hinne. 5 I ma na i no fondo i ma borey wi. Amma i ma i taabandi handu fo. I woone doro go dey dan tonuyan doori waati kan i na boro naama. 6 Zaaro din borey ga buyan ceeci amma i si duaa. I ga ceeci nda gabi amma a ga zuru ga morey. 7 Doizey ga hima bari yan kan i soola wangu se. I bongey bon ganda hari yan kan ga hima danga ura koy tarey fula. I moy dumey mo ga hima boro wone yan. 8 I ganda hamni danga waiboro woone i hinjey mo go danga musu beri woone yan. 9 I ganda korey yan danga guru woone yan. I fattey go danga wongu bari woone torko heni dumi. 10 I dibey ga hima danga karji dena yan. I dibey ra ganda hina kan ga lalla te borey se kalla handu ku. 11 I woone jina bora mo ga ti alahara malayka. Ibraniyancey ga ce Abaddon grekey mo ga ce Apollyon. Bala u sintina bisa. 12 Guna mo hayey din banda hassaraw yan go banda ga ka. 13 Malayka idonta na nga hillo henandi kalla i ma jinde fo fun ura hillo kan yan go Irkoy jine do. 14 Jinda ne malayka idonta se kan na hillo hennandi Malaykey kan yan go ga naw Euphrata issa do feeri. 15 Malayka taca din kan isoola lokaci din zaaro din hando din nda jiro din i na i feri i ma idunya kanandi hinza ra a fo wi. 16 Soojey kan yan go bari bon ga to 200.000.000 i ma i dimma. 17 Mate kan i di bari yey nda borey kan yan go i bon neeya i diiyano ra. I guru kwayey ga hima dangi ciirey bula kubey koy nda say baryey boney ga hima musu beri woone nda meyey ra dangi go ga faata dulu nda dungey. 18 Borey kanandi hinza a fo alandaba balaway din do harey. Dangi nda dulu nda dungey kan yan go fatta moyey ra. 19 Zamma baryey gaabo go i moyey nda i dibbey ra. Zamma i dibbey go dey gondi i bonyan mo kan i go ga borey marey nda. 20 Borey kan yan cindi kan yan mana bu bala wey din do harey mana tubi ga igey goyey nan. I mana moru toru gana yan ra kan ite nda ura nda guru cadante. Hariyan kan i si ma i si di. 21 I mana yaafa ceci mo i zunubey se. Boro wiyan i coteyanga nda furkutarey nda zaytarey.