1 I nay noo kuwari sanda goobu cine ka ne: " Tun ga fuwo kan ra sududu se nda sargey feema neesi ka boorey kan go ga sududu ira kabbu. 2 Amma ma fanda batama kan go fuwo windanta. Ma sa neesi zama i na noo dumi cindey se. I ga birni haana taamu ngey cey cire kala handu waytaci cindi hinka. 3 Ay ga a seeda hinka no annabitarey daabari, i ma annabitarey te jiirbi zambar-fo da zangu hinka nda waydu. 4 I gonda buffu bankarey yan. 5 Ngey no ga ti zeytun turi nya hinka da fitilla hinka kan goono ga kay ndunya Rabbo jine. 6 Borey din gonda daabari ka beene beene daabu hala hari ma si kan ngey annabitarey jiibey ra. I gonda daabari ga haro bare ga te kuuri, ka ndunya kar nda balawu dumi kulu, mate kan i baa da kulu. 7 watin kan i na ngey seeda ban mo, alman futo fin gusu kan sinda me ra, ka wongu ndey. I te bon zama ki wii mo. 8 I bukey go ga kanni birno me ga batamara fonda ga birno kan se i ga ne da misa Saduma nda Misira, non kan borey ni Rabbo kanji mo noya. 9 Borey mo dumey ra, da kundey ra, da deney ra, da dumi cindey ra, i ga i bukey gomdo jirbi hinza nda jare. I mana nan i ma bukey dan sarey ra bo. 10 Koyne boorey kan yan go ga goro ndunya ra ga farhan i bon. I sobay ka ma kaani. I sobay ka noyan samba care se, zama annabi hinka din na ndunya gurzugandi. 11 Jirbi hinza nda jara din banda no Irkoy ye ga fundi dan i ra, i kay ngey cey ga koyne. Hunburkumay bambata na borey kan yan go gi guna di. 12 I maa jinde beeri kan fun beena ra ka ne i se: "wa kaarumga kaa newo, I kaaru ga koy beena ra buru ra. I ibbarey mo go ga i guna. 13 Wato din ga no laabu jijirante banbata fo te. Birno farsimi way ra afo mo kan. I na boro zambar iye wi laabo jijiriyanon din ra. Jeyrey mo humburu hal i na Irkoy kan go beene beerandi. 14 Balawu hinkanta bisa, guna balawu hinzanta go ga kaa da wasi. 15 Maleyka iyyanta mo kaar. A banda jinde banbata yan te beena ra kan ne: "Ndunya koytara ciya ir Rabbo nda nga Almashu wane. A ga may mo hal abada-abdin." 16 Arkusu waranka cindi taca din kan yan goono ga goro Irkoy jine ngey kargey bon, ganda biiri ngey moydumay bon ka sududu Irkoy se ka ne: " 17 Ya Rabbi Irkoy hina kulu koyo. Ir gono ga saabu ni se. Ni kan goono sohon, ni kan goono za don, zama ni na ni dabari bambata sambu ga may. 19 Kala i na fuwo kan ra i sududu Irkoy se kan go beena ra feeri. A fuwo ra mo i dii a alkawali sundurko. Nyalawu-yan nda jindey yan da beene dundu-yan da laabu jiijiri-yan , da garri bambata mo te.