Sura 6

1 Woodin sabbay se iri ma Almasihu bon dondonandiyan sanni sinntiney nan ka to jina hala timmandiyano do. 2 iri ma si ye ka sanno kaajo sinji, kan ga ti tuubiyan goy buukoy kan sinda nafa gaa, da irikoy cimandiyan, da dondonandiyan baptismey bon, da kambe dakayaney bon, 3 da buukoy tunyano bon, da hal abada ciito bon.woodin mo no iri ga te da irikoy yadda. 4 Borey kan yan du kaari ce fo, kan yan taba beene nooyano gaa, kan yan margu biya hanno banda, 5 kan yan na irkoy sanni kaana taba, da zamaney kan ga kaa dabarey mo, 6 nga no i na banda bare irkoy ga a si hin ka te i ma ye ka bare koyne ka kaa tuubiyan do. zama borey din goono ga irikoy izo kanji koyne ngeyn bon se, k'a haawandi mo taray kwaaray. 7 Zama waati kan laabu ga beene hari han kan ga kan a bon alwaati ka kaa alwaati, nga no tuuri kan gonda nafa mo ga zey bora kan se i n'a fardin se, laabo din ga du irikoy albarka gaa. 8 Amma da karji nda yo-karjiyan ga zey a bon, i ga wang'a. A maan laaliyan. kokor banda mo i g'a ton. 9 Amma, ay baakoy, iri na hayey kan ga bisa yaadin daahirandi aran ciine ra, kan yan ga ti faaba wane, baa kan iri goono ga salan yaadin. 10 zama irikoy ya adilitaraykoy no kan si dinya aran goyo d'aran baakasina kan aran cabe a maa se, waato kan aran na hanantey saajaw. Aran goono ga woodin te mo hala hõ. 11 Iri ga ba mo aran boro fo kulu ma anniya din dumo cabe kala bananta, zama aran ma du ka goro nda beeje toonante. 12 Zama mo aran ma si ciya dirgaykomyan, amma aran ma ciya dondonkoyan borey se kan yan ga alkawley tubu ngey cimbeero da ngey suuro sabbay se. 13 Zama waato kan irikoy na alkawli sambu ibrahim se, za kan a si du ka ze da boro kan bisa nga bumbo, 14 kal a ze da nga bon ka ne:« Daahir no ay ga ni albarkandi, daahir no ay ga nan ni ma baa.» 15 yaadin no,kan ibrahim hin suuru, a du haya kan bon irikoy na alkawli sambu a se. 16 Zama adam-izey ga ze da han kan bisa ngay beeray. Koyne, zeyan ga ti tabbatandiyan kan do kakaw kulu ga ban. 17 Woodin se no za kan irikoy ga ba nga ma cabe nda cimi nga alkawlo tubukoy se kan nga saawara si tun, kal a na zeyan tonton alkawlo din gaa. 18 Zama hari hinka din kan si barmay bon, kan ra irikoy si hin ga taari, iri ma du bine gaabi, iri kan du tuguyan do, beeja kan i dan iri jine din gaayyano do. 19 Beeja wo no ga ti iri fundey se gaayyan hari, sinjante no, gaabikooni mo no. Nga ga ti beeja kan ga furo nango ra kan go kosaray taafa se jine. 20 Noodin no Yesu furo iri se jine ka fondo feeri iri se, zama a ciya alfaga beeri hal abada, Malcizadaka wano cine.