1 Malcizadaka wo, salim kwaara bonkoono no, alfaga no Irikoy Beeray-Beeri-Koyo se. A koy ka Ibrahim kubay waato kan a ye ka kaa ka fun bonkooney bon zaamayano do. 2 A na Ibrahim albarkandi mo. A se no Ibrahim na hay kulu zakka no. (Sintina day, Malcizadaka maa feerijo ga ti adilitaraykoy. 3 Woodin banda nga no ga ti Salim bonkoono, laakal kanay bonkoono nooya. A sinda baaba, a sinda nya, a sinda asuli lasaabuyan, a jirbey sinda sintinay, a fundo mo si ban. Amma a hima Irikoy Izo cine.) Malcizadaka din alfaga no duumi. 4 Guna ka di boro wo beera, kan se Ibrahim iri kaay-kaayo na wongu arzaka zakka no. 5 lawi izey ra, wo kan yan gonda alfagataray du lordi asariya bon ka ne i ma zakka ta jama gaa kan ga ti i nya-izey, baa kan nya-izey din mo fun Ibrahim banda gaa. 6 Amma bora din kan i s'a asulo lasaabu i do na zakka ta Ibrahim gaa. A na albarka dan bora kan se Irikoy na alkawaley no gaa mo. 7 Kakaw si, boro kan ga kayna ga du albarka boro kan ga beeri nd'a kambe ra. 8 Neewo mo, borey kan yan ga bu ga zakka ta.Amma yongo, boro go no g'i ta kan i seeda kan a go ga funa. 9 Boro ga hin ka ne mo kan lawi kan ga zakka ta, nga bumbo na zakka no waato kan ibrahim n'a no, 10 zama waato kan malcizadaka kubay da ibrahim, lawi go nga kaayo gaahamo ra jina. 11 Yaadin gaa,da toonandiyan go lawi alfagatara ra (zama alfagatara din bon no asariya kan i no jama se bara) a si hima i ma alfaga waani fo dan,Malcizadaka wano cine, kan manti Haruna wano cine. 12 Zama,za kan alfagatara barmay,tilas kal asariya mo ma barmey. 13 zama boro kan ciine i te hayey din ra, a kunda go waani.kunda din ra boro kulu mana saajaw te sargay feema se. 14 Zama boro kulu ga bey kan iri Rabi mana fun kala yahuda kunda gaa ,kunda no kan Musa man'a ciine te alfagataray sanno ra. 15 Haya kan iri goono ga ne bangay mo tarey kwaaray ka tonton, za kan alfaga waani fo tun, 16 Malcizada wano cine ,kan mana ciya alfaga asariya lordey kan ga ti gaaham waney bon, amna fundi kan si ban dabaro bon. 17 Zama Irkoy seeda a se ka ne: «ni ya alfaga no hal abada, Malcizadakaka wano cine.» 18 Yaadin gaa,i na don lordo kaa,za kan a sinda gaabi a sinda albarka mo. 19 Zama musa asariya mana hay kulu toonandi. amma beeje kan ga boori ka bisa furo,kan a do no iri go ga maan Irkoy gaa. 20 Irikoy n'a dan mo zeyan bon. Zama lawitey mana ciya alfagayan zeyan bon, 21 amma nga wo ciya alfaga zeyan bon,nbora do kan ne a se: «Rabbi ze,zeyano si tun mo. A ne: «Ni ya alfaga no hal abada.» 22 Zeyano din bon mo noYesu ciya tabbatandiko alkawlo se kan bisa afa din booriyan. 23 Koyne lawitey alfagey ciya iboobo, zama buuyan g'i ganji i ma goro 24 duumi. Amma Almasihu wo, zama a go no hal abada, a gonda alfagataray kan i si ye boro fo do. 25 Woodin sabbay se no a gonda dabari ka borey no faaba toonante,ngey kan yan go ga maan Irikoy gaa a do,zama alwaati kulu a go ga funa hal a ma nwaarayyana te i se. 26 Alfaga beero wo dumi no iri hima nd'a :ihanno, baanikom,kan sinda ziibi,kan go fayante da zunubikooney,kan beera beeri ka bisa beena. 27 A manti sanda alfaga beeri fey din cine.Manti tilas no a ma sargayyan salle zaari kulu,sintina nga bumbo zunubey se,wato din ga jama waney se.zama a na sargay salle sorro follon lok! 28 waato kan a na nga bon salle sargay.Asariya ga alfaga beeri yan dan kan gazanteyan no.Amma Irikoy zeyano kan kaa asariya banda na Ize dan,kan nga wo toonante no hal abada.