¹ Woodin banda, nya-izey, iri g'aran gwaaray, iri g'aran yaamar mo Rabbi Yesu ra. Aran dondon iri do mate kan aran ga hima ja dira ka kaan Irikoy se, aran goono ga dira mo yaadin cine. Kal aran ma tonton mo ka koy jina a ra. ² Zama aran ga bay lordey kan iri no aran se Rabbi Yesu maa gaa. ³ Zama wo kan Irikoy ga ba ga ti aran hananyano. Aran ma aran bon fay da zina dumi kulu. ⁴ Aran ra boro fo kulu ma bay mate kan cine a ga nga gaahamo gaay hananyan da darza ra, ⁵ manti bine ibaay laaley ra bo, danga dumi cindey cine kan yan si Irikoy bay. ⁶ Boro kulu ma si nga nya-izo darga k'a zamba haya din ra, zama Rabbi ya banako no hayey din kulu ra danga mate kan cine iri jin ka ci aran se k'aran kaseeti mo. ⁷ Zama Irikoy n'iri ce manti zama iri ma goro ziiba ra se bo, amma zama iri ma goro hananyan ra se. ⁸ Woodin sabbay se mo boro kan wangu dondonandiyaney din, manti boro se n'a wangu bo, amma Irikoy se no a wangu, nga kan goono g'aran no nga biya hanna. ⁹ Amma nya-izey baakasina ciine ra, aran si laami iri ma hantum aran se, zama aran bumbey, Irikoy n'aran dondonandi aran ma ba care. ¹⁰ Haciika yaadin no aran go ga te nya-izey kulu se kan go masidoniya laabo kulu ra. ¹¹ Amma iri goono g'aran yaamar,nya-izey, aran ma tonton ka koy jina. Aran ma kookari ka goro nda baani. Wa laakal d'aran bon muraadey, ka goy d'aran kambey mate kan cine iri n'aran no lordi. ¹² Zama aran ma goray te kan ga saba borey kan yan go taray jine, aran ma si jan hay kulu mo. ¹³ Amma nya-izey, iri si ba aran ma jan ka bay ngey kan yan kani ciine ra, hal aran ma si te bine saray sanda boro cindey kan yan sinda beeje cine. ¹⁴ Za kan iri cimandi kan Yesu bu, a tun koyne, yaadin gaa iri cimandi mo kan borey kan u an kani Yesu ra, Irikoy ga kand'ey a banda. ¹⁵ Zama woone no iri goono ga ci aran se Rabbi sanno bon: iri kan ga ti fundikooney, kan yan ga cindi hala Rabbi kaayano hane, iri si borey kan yan kani jin baa kayna. ¹⁶ Zama Rabbi bumbo ga fun beena ra da jinde gaabikooni, da malaykey jine boro fo jinde, da Irikoy hillo jinda mo. Buukoy kan yan go Almasihu ra no ga jin ka tun. ¹⁷ Woodin banda iri kan ga ti fundikooney, kan yan ga cindi, Rabbi g'iri sambu sabat i banda kala burey ra ka nga gar beene batama ra. Yaadin no iri ga goro hal abada Rabbi banda. ¹⁸ Woodin sabbay se aran ma care bine gaabandi nda sanney din.