¹ Sohon, hayey kan i ga sarga tooru se ciine ra, ngey neeya: iri ga bay kan iri boro kulu gonda bayray. BAYRAY binde ga kande bonbeeray, amma baakasinay ga jina-koyan te. ² Da boro fo ga tammah nga ga hay fo bay, a man'a bay jina mate kan cine a ga hima k'a bay. ³ Amma boro kan ga ba Irikoy, Irikoy g'a bay. ⁴ Hala boro ga hima ka han kan i sarga tooru se gwa binde,to:iri ga bay kan tooru manti hay fo no ndunnya ra. Irikoy kulu sino mo kala afollonka. ⁵ Zama baa da wo kan yan seiga ne de-koyyan go no, d'i go beena ra wala ganda, ⁶ mate kan de-koy boobo da koy boobo go no, kulu nda yaadin iri wo se Irikoy follon no go no, Baaba no. Hay kulu a do no a fun, iri mo go a se. Rabbi follon mo go no,Yesu Almasihu no, kan a do hay kulu bara. Iri mo a do no iri ga funa. ⁸ Amma gwari fo si te iri se sabbu Irikoy jine. D'iri man'a gwa iri si zabu. ⁹ D'iri n'a gwa mo iri si tonton. Amma aran ma haggoy hal aran dabaro din ma si ciya taali teeyan sababu boro kan sinda gaabi se. ¹⁰ Zama nda boro di nin kan gonda bayray, ni go ga goro ka gwa tooru windi ra, manti nga wo kan sinda gaabi, kan a bina g'a foy mo, a ga yaaru ka koy ka gwa han kan i sarga tooru se. ¹¹ Ni bayra do mo no, nga kan sinda gaabi ga halaci, nya-ize no kan sabbay se Almasihu bu. ¹² Waati kan aran go ga taali te nya-ize se ya-cine, k'i biney kan sinda gaabi kan g'i foy maray, kulu aran go ga zunubi te Almasihu se nooya. ¹³ Yaadin gaa,da gwari no g'ay nya-izo dan a ma taali te, ay si ham kulu gwa abada,zama ay ma s'ay nya-izo dan a ma taali te.