¹ Iri mo, klal i m'iri lasaabu Almasihu goy-teeriyan, Da Irikoy gundu jine funeyan. ² A binde, han kan i ga ceeci jine fune gaa ga ti i ma bora gar da naanay. ³ Amma ay wo, manti hay fo no ay do aran m'ay ghosi, wala i ma kond'ay alkaali kwaara. Oho ay si baa ay bon gosi. ⁴ Zama ay mana taali kulu bay ay bon gaa, ammma wodin kulu s'ay hanandi. Amma ay nesikwa ga ti Rabbi. ⁶ Hayey din, nya-izey, ay n'i himandi misa ay bon gaa da abolos gaa mo aran sabbay se,hal aran ma dondon iri do han kan ga nan aran ma si daaru hankan i hantum gaa. ⁷ Zama aran boro fo kulu mo ma si te bonbeerey ka baar'a-baar'a te Zama m'ay no k'aran beerandi ka bisa care? Ifo no ni se mo kan manti nooyan no? Za kan Irikoy no ka ni no nda, ifo se no ni goono ga fooma danga manti nooyan no? ⁸ Baa sohon aran wo to, aran te arzakanteyan, aran na koytaray gwa kan iri baa si a ra! Ay ga baa haciika aran ma koytraray gwa,Hal iri mo m'a gwa aran banda. ⁹ Zama a ga hima ay se kan Irikoy na iri, kan gati diyey dan kokor banda,danga borey kan i na buuyan ciiti dumbu i bon. Zama i n'iri ciya gomdo hari ndunnya borey da malaykey se. ¹⁰ Iri wo saamoyan no Almasihu sabbay se, amma aran ciya laakalkooniyan Almasihu ra! Iri wo londibuunoyan no, amma aran ciya gaabikooniyan! A go aran du darza, iri wo kaynandiyan. ¹¹ Hala sohon alwaati woone ra iri go ga ma haray, iri go ga ma jaw, iri go ga jan bankaaray, i go g'iri kutubo, iri sinda iri bon fu. ¹² Iri go ga goy gumo nda iri kambey. I go g'iri wow, amma iri go ga albarka gaara. I go g'iri gurzugandi, amma iri go ga suuru. ¹³ I go ga iri jance, iri goga baani sanni te. I go g'iri ciya ndunnya zibi, fisi kulu dumi, hala hon. ¹⁴ Ay mana woodin hantum aran se zama ay m'aran haawandi bo, amma ay ma kaseeti aran gaa danga ay izeyan kan ay ga ba cine. ¹⁵ Ba aran du dondonanko zambarway Almasihu ra, kulu nda yaadin aran sinda baab boobo, zama ay no k'aran hay Almasihu Yesu ra baaru hanna do. ¹⁶ Woodin sabbay se bvinde ay g'aran gwaaray aran ma ciya ay dondonkoyan. ¹⁷ Woodin se no ay na Timotiyos donton aran do, nga kan ciya ay se ize kan ay ga ba Rabbi ra, naanayko mo no. A g'aran fongandi d'ay teerey Almasihu Yesu ganayan ra, mate kan cine ay go g'i dondonandi nangu kulu Almasihu marga kulu ra. ¹⁸ Aran boro fooyan te bonbeerey danga day aysi ye ka kaa aran do. ¹⁹ Amma da Rabbi yadda, ay ga kaa aran do d'a tonton kayna. ²⁰ Waato din gaa no, ay ga bay bonbeerey koyey gaa, manti i sanney hinne bo, amma hala nd'i dabarey. ²¹ Zama Irikoy koytara, manti nda sanmni no bo, amma dabari no. Ifo no aran ga ba? Ay ma kaa aran do da goobu, wala ya kaa baakasinay da lalabey biya ra no?