¹ D'ay ga salan da adam-izey da malaykey deeney,day ay sinda baakasinay, ay ciya danga guuru-say kan ga he, wala can-can kan ga kosongu. ² Baa day du annabitaray nooyan, hal ay ga gundu kulu nda bayray kulu bay mo, d'ay gonda cimbeeri kulu hal ay ga tondi kuukuyan ganandi, nga no ay sinda baakasinay,ay ya yaamo no. ³ Baa d'ay n'ay arzaka kulu fay ka zaban alfukaarey se, d'ay g'ay gaahamo no mo hal i m'a ton, nga no ay sinda baakasinay, a se hay kulu hanse ay se. ⁴ Baakasinay ga bara nda suuru kuuku, baakasinay gonda rongome. ⁵ Baakasinayvsi canse. A si fooma, a si te bonbeeray mo. ⁶ Baakasinay si te han kan mana hagu, a se nga bon nafa ceeci, a baa sinda zukkuyan, a se laala lasaabu. Baakasinay se farha da cim-janay, amma a ga farha cimi se. ⁷ Baakasinay gonda bongu-daabay hay kulu ra, a ga ihanno cimandi hay kulu ra, a ga beeje hay kulu se, a ga suuru nda hay kulu. ⁸ Baakasinay si gaze abada. Amma annabitaray ga ban, ciini waani-waaney ga ban, bayray mo ga ban. ⁹ Zama iri ga bay kayna, iri ga annabitaray jare te. ¹⁰ Amma waati kan toonanta ga kaa, gaa no jare-jara ga ban. ¹¹ Waato kan ay go zanka, ay go ga salan sanda zanka cine, ay go ga miila sanda zanka cine, ay go ga lasaabu sanda zanka cine. Amma sohon kan ay te albeeri, ay na zankataray harey jisi. ¹² Sohon iri go ga di da kubay-kubay sanda diji ra cine, amma alwaati din iri ga di mo-da-mo. Sohon ay ga bay kayna, amma alwaati din ay ga bay gumo mate kan cine Irikoy n'ay bay gumo. ¹³ Sohon binde cimbeeri da beeje da baakasinay, ihinza din no ka bara. Amma i ra wo kan bisa ikulu ga ti baakasinay.