1 Sohon, nya-izey, biya hanna nooyaney ciine ra, ngey neeya: Ay si ba aran ma jan ka bay i gaa. 2 Aran bay kan waato kan aran goro dumi cindey boroyan, i n'aran derandi tooru beebey do, sanda mate i n'aran candi nd'a. 3 Woodin sabbay se no ay g'aran fahamandi nda woone: boro kulu si no kan ga salan Irikoy biya do ka ne:((Yesu ya laalante no!)) Boro kulu si no mo kan ga hin ka ne:((Yesu ya Rabbi no!)) kala day biya hanno do. 4 Nooyan waani-waani yan go no, amma biya hanno follonka no. 5 Saajawyan waani-waani yan mo go no, amma Rabbi follonka no. 6 Goy dumi waani-waani yan mo go no, amma Irikoy follonka no, nga kan ga hay kulu goy boro kulu ra. 7 Amma boro fo kulu se biya hanna na nooyan kan ga nga bangandi no boro kulu nafa se. 8 Zama boro du laakal sanni biya hanna do, afo mo du bayray sanni biya hanna follonka din do. 9 Boro fo mo koyne du cimbeeri biya hanna follonka do, afo mo du baani nooyan dabari biya hanna follonka din do. 10 Afo mo du dabari goy teeyan hin,afo mo annabitaray teeyan, afo mo biyey fayankayan,afo mo ciine waani-waani , afo mo koyne ciine feeriyan. 11 Amma hayey din kulu biya hanna folonka di no g'i te, a g'i fay, ka zaban boro fo kulu se, mate kan a ga ba. 12 Zama mate cine gaaham follonka gonda jare boobo, amma gaaham jarey kulu, kan ga ti iboobo, i ga te gaaham follon, yaadin mo no Almasihu go. 13 Zama biya hanno follon do no i na baptisma te iri kulu se gaaham follon ra, da yahudancey no, wala garekey, da bannyey no wala burciney no, i n'iri kulu hanandi mo biya follon. 14 Zama gaahamo bumbo manti jare follon no, 15 amma iboobo no. 16 Da ce ne: ((za kan ay wo manti kambe, yaadin ga ay manti gaahamo wane)) -woodin se nan a ma si ciya gaahamo wane. 17 Da gaaham kulu ga ti mo, man hanga maayan? D'a kulu ga ti maayan, man niine maniyan? 18 Amma sohon Irikoy na jare fo kulu dan gaahamo ra mate kan a ga ba. 19 D'i kulu jare follon no, man gaahamo? 20 Day sohon jare boobo goono, amma gaaham follon no. 21 Yaadin gaa mo si du ka ne kambe se:((ay sinda ni muraadu,)) wala bon ma ne cey se:((ay sinda aran muraadu.)) 22 Sanku fa gaaham jarey kan go sanda i jan gaabi, i ga tilas no. 23 Woodin banda, wo kan jan iri ga guna sanda i sinda beeray, iri g'i beerandi ka tonton. 24 Iri gaaham jarey mo kan gunayan si boori, iri g'i sutura ka tonto, amma wo kan yan ga boori si laami hay kulu. Amma na gaahamo margu care banda ka beeray tonton jara kan sinda gaa. 25 Hala fay-fayyan ma si bara gaahamo ra, amma jarey kulu ma haggoy da care sabayan ra. 26 Da jare fo go taabi ra, jarey kulu go ga maa taabi a banda. Da jare fo du darza mo, jarey kulu ga farha a banda. 27 Aran binde, aran ga ti Almasihu gaahamo, aran boro fo mo kulu te jare fo a ra. 28 Irikoy mo na boro foyan dan Almasihu marga ra:sintina, diyey, ihinkanta, annabey, ihinzanta, dondonandikoy. Woodin banda, dabari goyey, gaa baani noyaney hina, da gaakasinayey, da marayey, da ciine waani-waani yan. 29 Ikulu diyayan no, wala? Wala ikulu annabiyan no? Wala ikulu dondonandikoyan no? Wala ikulu ga dabari goy te no? 30 Wala ikulu gonda baaninnooyan hina no? Wala ikulu ga salan da ciine waani-waani yan no? Wala ikulu ga ciine waani-waani yan bare no? 31 Amma aran ma nooyaney kan ga boori nda ikulu bini. Day sohon ay ga fondo cabe aran se kan ga bisa ikulu.