DCS-Mirror-parfait-ayanou_dic_jas_text

Bhɔ̃lèda 4

¹ Idèh zôgbli ya nidiolèli coulagnini wloulè? Ini agna nounou gbi zia iguilissiagnini tou? ² Amlaté,ni ani. Ali gnèkpamla houan, ni agouli ihazalani bicou. Amlalèmlalè ni atitiô, ma anibê, massè ayrlè LAGÔ. ³ Ayralè ni ani,massè ayralè na, sè acala agnégni cluikpa son. ⁴ Wlou mlatèhoua alila! Ani yi gba poupounilè waloua fa LAGÔ touh? Ôwala gbè ôca poupounilè tikpôlini, walibè LAGÔ ôzômlègbagnon. ⁵ Ani agougougbè ziéziéwelia loupi sécou dè LAGÔ wakpagni la wougô coylsgni ni. ⁶ Ma LAGÔ gnè déza anzinili nèni, iza ziélia nègba: LAGÔ zou wakpoula wayicou cluikpa ms ôni walala wayi doucou anzini. ⁷ Agnè déza ayi LAGÔ cô sa, ayi dévlè mino ni ayiagni mlô troumalè. ⁸ Abialè ayi LAGÔ yocou sè ôyagni yocou bialè. Awôlou côli,gnègninouhangni sè akplia agna pôgnègnia. ⁹ Acoulè yènanini, aguiôlè, awi! Agna glagnon lili wili ya agna djaca lili anzi. ¹⁰ Alalè ayi LAGÔ cluicou ziécou ni ôyiagni coumlou. ¹¹ Nowlihouanzi, ana loupili ahonhouan yocou. Aloupilila ôyron yocou,ni ôplialô titi, loupili djréma yocou ni ôplia LAGÔ djréma titi. Ica djréma titipli, izou djréma cluikpani,ma ipliaya titi. ¹² Ôli mlo, djréma ya djréma plagnon LAGÔ, ôliô mlougbi minola ni ôsso gbiyussa ni ôgnoumola. Inôli? Mon gnô pliala yrou titi? ¹³ Apounoucui, agnihoua nèlagbè: zéca,ani ziqui ayi trikpè douloucoumli, ayimlô yrouba nou, ayi mlô loumlinoulè,ni ayi mlô nanili. ¹⁴ Inô yissè yi ziqui gnéni,ni issè agna poupou yi pli? Acoulè gbèlou yralo tagni pêpê ni yocou ni oumlôla. ¹⁵ Anou dèza gba: Clouégnon cagba, ayi cou,ni ayi bèliè aya lièni nou. ¹⁶ Ma zéca, afialè agna noynoybani ayi wlou. ¹⁷ Ôyila yênaninoyssa,ônoula nè gnègni.