DCS-Mirror-parfait-ayanou_dic_jas_text

Bhɔ̃lèda 3

¹ Nowlihouagni , gnèkpa zoumolou na tchagni nédi , massè ayissa gba ayi kpagni titi pliô . ² Alopili kpagni soliôa bhoani . Gnôkpô nissi lopini , ôlé kognrougoulé gnôkpô , minola ni ôclala ôh yêkèa kpaan . ³ Aca koukougnona kpangon ʃlouzo sah ôh kagni goglouani , acloué wa yèkèa bhoa . ⁴ Awléclo dèza plapla baah yri , îh yrila kpagné ni ih poupolou kadoa souéla , îh batékiliô bhèléla tchitchagnoa ôh pôssa . ⁵ Sokodouni miô léh yèkèanilè batikiliô , ma fialè ôyi bacadani ʃlou . Wila , kossou tékéliô kola cloua kadani . ⁶ Miôa lémléclo kossou , toutou poupou , cola agna mlabliani , ôgnoumola yèkèa bhoa , diala popokolè bônôa yri , ni ôyiga diôlèla cluibhiôni yri . ⁷ Toutou mlaabhoa , zowouo , bènibèniba ya gninilèba ka kalégnon ni gnôkpô kaya . ⁸ Ma gnôkpô bhlogbi néko sè ôka miô cloué . Bhlali tcri mon , ôh yé bhlabhla gôzéko . ⁹ Miôani agogloualèla Ato Clouégnon , ni ôni akpilila yalé Lagôh nola . ¹⁰ Ʃloua bhlogbia bhô kpilili ya gnoupalê wlolèla . Na nowléhouagni ,éna kossa ! ¹¹ Gnoudôliô , wliassé gani gnou caléla ʃlou ya gnou nano ? ¹² Figui souh , nowléhouagni , yissé gani damoudrou ya siagnron wlia ? Gnou yéla djrouko za gnou nanoni wlolè . ¹³ Inon koagnini ni ôh yi dégalé ni ôh glèlè woigôni ? Ni ônè palia palia popo nano wlolèla pôwôtè léla glèglè wougôni . ¹⁴ Ma akagna pôliani gnégni gougoulika ni , ana fia ayi ʃlou ya ana wlélé nouawlèa loulou yokou . ¹⁵ Dalè gaga nonogbia wlolè ʃanné , ma doco lè lié mon ,capa capa lié , dévlé lié . ¹⁶ Massè dèh yrizalè kolani ya toutou gougouli , gbagnon koda ya toutou nonogbia bhoa . ¹⁷ Ma ʃannékolè gagawèlia îh kplô tin , ni iyé bhlali koh , yôlè , ziè pôlèni , yé ʃanzéni nili ko , youyi nani , ya inika valini ma kokoafialèlini . ¹⁸ Nouawlè goliolé poupouéni wa bhatèla poupoué za .