DCS-Mirror-parfait-ayanou_dic_jas_text

Bhɔ̃lèda 5

¹ Ô plêané agnin wan kalan ônin awili gaglamlanné mouzoué ê kala agnin gnéniza. ² Agnan nanin zêni nôninli agnan gnonkia. ³ Agnan asêkèa àya agnan dràh prâkoko lizalé ni ê koko lizalé yè agnan kplàkplà dalofouêli ni ê agnan yêkê gnoumolê kossou awróalê agnan nanin wli gbébhia lê zélia. ⁴ Ana lóbhonowan wano lokwlianin lobhéa nin â drouflóa wa drouflóli, wa ganin ni lobhonowan wani yàlià éh gnéni sódjà klégnon ô noukwéa ni, poupouakô â kobhananinni ni ébhoananin agninga. ⁵ Ahou agnan pôléa bhlabhla zélia ⁶ abhlani apla koumou kognon têtêni ô ni agnan ô yi títiôlê. ⁷ Amlannin nowré wannin tôsê klignon ô yréa kagnéni, lôgbasê kolou kognon ôkola ô dôdô lê sitrôyôyê. Sê ôkola tohon yrobalê têkalou âya yroba lê gbébhialê gnou ⁸ agnin maglo amlina pôlênê atamia agnan poliakô masa klignon ô yréa min yokou. ⁹ À nalilé ayini zouzohou nowré wangnin ma wa tèka agnin tétépléa, wré tétépla gnonkpô soumlinakô. ¹⁰ Nowré wangnin ànô profêtiwan wa pôléné glalia â wa krébéali sakô wa lôpéala klignon ô gnlini. ¹¹ Awré wa pôtêtê zouala alawa gnoupali, ânou Jobou ô pôlêni glalià ni sê klignon zola gbêblêlê yélé wréadokoa. Klignon wan zénili yéléhô. ¹² Fion nowré wangnin, àna zoukolo Lagôni àya dôdôko èya bètôtôtô wazilani ma agnan hien lélé hien áya agnan hǒn hon lélé honhon mà atéka tété plaliani tiolé. ¹³ Gnonkpô ko agnini ni krébhiayô? ô bhoubhié gnonkpô plêko minninyô? ô bhlé Lagôlé. ¹⁴ Agnan ni lêgnon kà klébhia lini kouni ôla polounilê gagawan sêwa bhoubhiô wli sêwa zôzô kpéwli klignon ô gnlini. ¹⁵ Ni pôtêtê lé bhoubhélia eya koubhla gnon wabhia ni ôka gnégninonin klignon yéyô kobho ni Lagô yéyô ô gnégni wa. ¹⁶ A salê ayi gnégnini èya bhoubhélé ayini sê áka yàbha. Kougnou glougnon ô bhoubhiéli katê. ¹⁷ Eli ya agnan kobha nonogbéa bhloni ô bhoubhié têténi gnou tiabhlaza ni gnouni bhlatouhou yrobô tà àya tché gbéplô. ¹⁸ Ni ô bhoubhié sôda gloni gnou wro wanni ni dôdôa gnin sitroyô. ¹⁹ Anowlé wagni gnonkpô liô yilabô nouwlèa troumalèni, ni igadagnon lila ô min yokou lalêni, ²⁰ oyibélé sagba gnonkpô liô sala gnégni nougnon toutou bônokou iyi gnakpa ougô kouéni sa ni oyi gnakpa boutoukpa gnégni wli gbli.̂