¹ Yroubô kougbamônapli, igbla klou sôsô Jérusalèmou iya Barnabasi, ni izou gnéyi yokou Titi; ² ni Lagô ô yiziziégbi gnéniou dè imlèla bor. Ignêwa nouwèli nania i isala wala Lagô yia dikoua, isoléyi sa tchrisa lia zilayikô, sèni itigou èya iti sorkou nè sôhou gou. ³ Ma Titi ôyahou sor koulada ni ô léla greci, ô wonou kougba ô na diôkou. ⁴ Ni libo gnéné tou-tou nowouhoa lia plalèla agnini toútoù sakouaza, sè waka pôwortê akala Jesucrisini gnoumo ni ikoulawa pôlènigba akawa gougloi. ⁵ Agnèwa ayikô pèpè ni akla pôlê sè ati wa nounougbi gnégnia ni blili, sèni aka nouwèlia inouhawlè kôkô kali. ⁶ Lia akpafialè lakou, sè ikouba tètè, dènèli nouhoubê: Lagô gbazê yalini, walia akpafia lèlakou noú agnigba anou wapôsa. ⁷ Ma akayi kôtchani, nouwèlia gnionbahou wala koudiôhaza, ni Pièri igniôyô wa diôlakouza, ⁸ Ma liô noula Pièri walakou diô wa lopégnonkou or noumli klou ahou lia mlila palouzô wa lopégnonkou, ⁹ Ni dalior iyi béléla vali ignionlahoua, Jaki, Céfasi ya Jan, wa awlébayi non kou djéléwan , gninba ahou ya Banabasi,wliwlalê sô blo, sè aka ayiga titi wa mlila palouzo lomlilê, èya wamon waka wadiôla kou lomlilê. ¹⁰ Wanèba agnigba apa gnaziwan pôlèkou, li na pôlênè inoula. ¹¹ Ma daliô Cefasi génila Antiôchou, ifa plèkou ô klikou, inèza or giglalèkou. ¹² Ni, dè yalilia Jaki lobola kalayiani, ôya wa mlila palouzô liliakou; ni dè wayilani, wa bièlèbô ni wa gbogio wayi, koudiôwan wa tètiaza. ¹³ Ayamonsô, dènè Juifouwan batè wèlia gnoumoli, sasakouni Barnabasi blili wa toutou waliani. ¹⁴ Aniéba yokougba wa nonhoulê nouawlêni sè ikoula bor nouwèliani, inè Cefasi yalia bouboa klikougba: mongnon léla Juifou inonhoulê wa mlila palouzô sakou ni inonhoulèla Juifouwan sakou, inèni inè wa mlila palouzo gba wa nou Juifouwan sakou? ¹⁵ Agni, juifouwan kali agni, ika wamlila palouzô nédénè gnégni niwan min anilé. ¹⁶ Izani, iyissagba inika djréma a nou-nougbiani mè gnonkpô giglalèkou, ma klignon or pôtètèani, agnima agnonou klignon kou, sèni aka klignôza nakou nonhoulê pôtètèani, ma ika djréma a nou-nougbiani, inèza yèkè blogbi zana koulê djréma nou-nougbiani. ¹⁷ Ma agni abatègba klignon giglalè agnikou, aka ayini yokounigba alé gnégni nouwan, klignon lé gnégni ilobé nougnon? itrou malêbô! ¹⁸ Ma ikaklou bá ignoumola sraklouni, ilélé gnéyiga titi akplôwa gnon, ¹⁹ inèza, djrémaza ikoulila djrémani, sè ika Lagôza pou. ²⁰ Iya klignon sô wa blalê agni dablasou yri; ni ika poupou koú kouni, inisi ahoumon , ma klignon koulahouni; ikasi pôplè yèkèni koulèni, ikoulê pôtètèni Lagô or yohani, ô wamalahoua ni ô zoula ôyo pêlou naza. ²¹ Ipa Lagô or valia kloini; ma djréma mèka nanoulia gnin ni, klignon, sôkou or koula.