DCS-Mirror-parfait-ayanou_dic_gal_text

Bhɔ̃lèda 1

¹ Pôlo,apotû,ini yaléni,ini gnôkpô mloni,ma Jésus Chrissi ya to Lagôh ôh ganialô cuinî coucouhouan nédi, ² ya nowlihouan boha yahoun colada,Galatie lèh paléa bohazô: ³ anzéni nili ya poupoué coagni coh ato Lagô ya Clouégnon Jésus Chrissi ni, ⁴ ôzola ôyi pailo agnan gnégni zah sèh aca dalê gnégni poupouni siôh,iwloulèla Lagôh ôpôssani,ôléla ato. ⁵ Clouagba gnéniyô côh ya côh.Ecossêh. ⁶ Iwagni kpagni ilila ploli awlolèlani ôloboulagni Chrissi ôh anzéni nililiani,sèh aca nawèli ômi cousrou. ⁷ Iniligba ômicoda,ômoi coagnini ni walalè hannonco ni wabatêh sah waka Chrissi ôh nouwèléa wlissa glah. ⁸ Ma gnôkpô,ayiga ani lagônilè mladrî,kagni yigada nouwèli tcha,ôtrihou paloazô! ⁹ Agbassissa,ni iloupikloyi ôplèni:gnôkpô kagni yigada waili énila ihanilalé tcha,ôtrihou paloazô! ¹⁰ Massè,ôplèni,yalé wah wamali ani Lagôh ôh wamali îh ibatêh? Iwassi gba yali ikah plèco mènia? Sêh icaconi,inissi Chrissi ôgoglouagnon léh. ¹¹ Massè,iwlialèagni migani kpata gah nowlihouagni:nouwèli lih issoloulagni iwloulè gnonkpôni, ¹² Eza,ini gnonkpôni inouhoun gnèliô ya thaliô,ma Jésus Chrissi ôssanilia nih. ¹³ Massè anou gba nan nounoungbia wloulè judani:idalèlini ibialè Lagôh ôh ploacluî ni ibatêh sèh ibayou mliéh, ¹⁴ inèba cluico mlélèli judani nîh,imilèba wabo cala nayrobô wlicou ya wayahounssô wloulèala atohouan wah gôgômla nounounssani. ¹⁵ Ma,dai ôh gboguiélahoun dafin anon gouni ya ni ôh lalèlahoun ôh anzini nilianini ôgougounan ¹⁶ gba ébo ôh yoako sa ékayi loupi wamlila palozô nédi,gani sèh écabô yali wa dini zouli tromalè ¹⁷ ani sèh ékabô Jérusalèmou gblalè walia liala bôh naza tin apotouhouan yokou,imli Arabie,ni iyi Damassi. ¹⁸ Ni dai yrobô tah plila,igblalèclou Jérusalèmou sèh ika Céphassi yibélé ni inouyô yri kogbagbi yokou, ¹⁹ sah itî apotrou mlougbi yokouni,ma Jacqui mlougbi,Clouégnon ôh nowli mlou. ²⁰ Ih iziélagni,iloupiyi Lagôh cluico,éni kplakpla monh. ²¹ Emli clou Syrie ya Cilicie diakou. ²² Ma nan cotakpa niba Chrissi ôh judée laih paléazô yibélio, ²³ sèconi wah nouba gba:ôh bialagni cluiha,ôplèni,loupissi pôtêtê ôgnoumoala, ²⁴ nîh wah fiaba Lagôh wlou naza.